اهل الرياض هلب مي بليييز

[اروى ناصر]

يسعد مساكم حبايبي

بصراحه متوهقه مره مره مره

نزلو مراكز الاختبار ونزلو كروكي لاغلب المناطق الا المكان الي بختبر فيه

حطوني بعرقه بالرياض مادري باي مكان هذي ولا وين بالضبط

ولا نزلولها لا ارقام تلفون ولا كروكي ولا شي ابد ابد حاطين انها بمدرسة التحفيظ

بليييز انا عندي سواق جديد لا يتكلم عربي ولا انقليزي يادوبك يقول ينيم = يمين

يبيلي قبلها بيومين احفظه الطريق بس المصيبه مانعرف وين عرقه بالضبط ولا المدرسه

يعني مادري هالجامعه من قل الاماكن

وحده من البنات تقولي الي اعرفه ان هالمنطقه كانت قريه بره الرياض ومع التوسع العمراني دخلت من ضمن الرياض

ووحده تقولي فيه ثنتين عرقه

المهم الي يعرف وين مكانها بالضبط يوصفها لي وصف مفهوم ومن مكان معروف عشان اخلي اهلي يحفظون سي الباشا سواقنا يصير ما احوس بيوم الاختبار

اخاف يورطونا هالجامعه وماينزلون الكروكي لنا الا ليلة الاختبار

[خلف الشمري]

انتي متأكده ان عرقه بالسعوديه

[اروى ناصر]

والله مادري انا سمعت بمستشفى عرقه المسكون

بس وين بالضبط مادري وين تخيلو نختبر جنبه

على الاقل ودي هي بره الرياض ولا داخلها

عشان على الاقل اشيل قهوتي واتقهوى بالطريق ويمكن اجمع واقصر الصلاة

عاد احس اني ابنصبلي خيمه اذا وصلتلها الين اخلص الاختبارات

هذي اخرة الفلسفه

[رويّمم]

غريبه مو منزلين لها شي

انتي روحي شيكي على مكان الاختبار وبتحصلين المعلومات ان شاءالله

بتحصلين معلومات المقر كذاا

[محسن الشمري]

اختبارك راح يكون قريب من المستشفى المسكون اقرى المعوذات وخوذي معك ماء مقرية علية من شيخ وزيت زيتون

[اروى ناصر]

اختي دخلت وشيكت مالقيت اي شي مكتوب كذا حاطين بس م/ث التحفيظ


اخ محسن الشمري وش رايك تهجد
باخذ معي امام المسجد يقرى عند الباب طول مانختبر بس اعرف وينها

[خلف الشمري]

تفائلي بالخير
يمكن الجني يطلع مطنوخ ويحل عنك الاختبارات
بس انتي اول ماتاخذين النموذج لا تحلين خلك شوي وناظري الورقه شوفي يمكن تلقين الجني حله لك
لاتراجعين بعد حل الجني لان حله مظمون

[رويّمم]

الله يكون بالعون مع الاختبارات يبهذلونا

[محسن الشمري]

خوذي قهوتك على شان الجني يتقهوى معك ويصير صديقك

[خلف الشمري]

تخيلي اول ماتجلسين بالقاعه وتناظرين بوجه المراقبـه الا شكلها صار شكل جني