المحاضرة المباشرة : عفواً انتِ جامعية !!!!

[زورق*]

السلام عليكم ورحمة الله وبركاته


لو كان للمايك سبيل على النطق لنطق وخالقي من ترداد أسئلةٍ تتردد على مسامعنا

في كل محاضرة حتى أننا ألفنا الأصوات التي تكرر ذات السؤال !!

* دكتور الأسئلة اختيار من متعدد ؟!

* دكتور درجة الاختبار عفوا اقصد درجة النجاح من كم ؟

* دكتور أذاكر من المحتوى والا الكتاب ؟

* دكتور نذاكر من الملخصات الموجودة بالمنتدى ؟

وهل تعتقدين بأن الدكتور سيتابع المنتدى وسيمر على كل ملخص ويقرأه ؟؟!!!

هو مسؤول عن المحتوى المرافق لمحاضرته وباسمه فقط

* دكتور اسئلتك راح تكون نفس اسئلة العام ؟

* دكتور المادة صعبة ومتشابهة ؟ يعني هل سيحذف المقرر مثلاً لنعتك المادة بالصعوبة

أي نعم المقرر صعب والكل متخوف ولو علمنا أن في ذلك جدوى لصرخنا بصوتٍ واحد

معك ..

* دكتور نذاكر من الكتاب ؟ وسبق وتكلم بهالنقطة في المحاضرة السابقة


أخواتي الحبيبات :

لم أكتب ماكتبته انقاصاً لأحد لا وربي ولكن من باب التجربة أنا معلمة حينما أرى الطالبات

يكررن السؤال حول موضوع معين من المنهج وأشعر بأن تركيزهن انصب على هذا الموضوع

و بأنه تناول شيئا من اهتمامهن وأخذ من وقتهن الكثير ومن الظلم أن أتجاهله في الاختبار حتى

لو لم اجعله نصب عيني في بداية الأمر ..

الأستاذ أو الدكتور خاصة في مرحلة جامعية لن يحدد وقد يضيف بعض الأشياء للفائدة

فقط (لاستفادة الطالب فقط) ولكن نحن من سنلزم أنفسنا بكثرة تساؤلاتنا


أخواتي الحبيبات :

هنالك مقررات نحن بحاجة لكل ثانية فرجائي لاتهدري وقتنا في اسئلة مفروغ منها

وفي استفهامات تمت الاجابة عليها ..


أتمنى منكن استثمار الوقت في المحاضرات المباشرة المقبلة وأتمنى أن تكون الاسئلة

الكتابية بالشات هادفة فأحدهم يقول لاأستطيع متابعة الشات لكثرة المشاركات والتي تتكرر

صوتيا أيضا أو مشاركات غير هادفة فتضيع بذلك فرصة تلقي الاجابة على مايكتب وقد يكون

فيه فائدة كبيرة لنا ..






أمنية :

أتمنى أن ينظر للسطور السابقة بنظرة ايجابية تصب في مصلحتنا جميعا ً


دعوة :

أسأل الله التوفيق لنا جميعا وأن يرزقنا الإخلاص في العلم والعمل ..

[إجتهاد]

الله يجزاك بلخير والله معك حق في كل كلامك انا اليوم تابعت المحاضرة نفس الكلام ونفس الاسئلة شئ ممل وماله فائدة تعود على الطالبات ياليت ما نسمع هذا التكرار في المحاضرات القادمة واوقاتنا تروح هباء منثورا تحياتي لك اختى

[آلله يسهلهآ]

عليكم آلسلآم وَ رحمة آلله وَ بركآته

دعوه

أسأل الله ان يسهل عليك وعلينا و يوفق آلجميع

كل محآضره نعيد ونزيد بنفس الاسئله آلسآبقه

عندي آقترآح بس يمكن مآ يحبونه آلاخوآن وآلاخوآت وهو انكم تجمعون اسئلتكم وتعطونهآ شخص يسأل نيآبة عنكم

آو تضيفون موضوع هنآ بآلملتقى وتحددون فيه آلاسئله آلمهمه آللي تحبون تسألون عنهآ

عشان لآ يتكرر آلسؤال آو يجي سؤال مآ منه فآيده وسبقت آلاجآبه عليه في محآضرآت سآبقه

آشكرك على موضوعك آو بآلآصح تنبيهك لآخوآنك و آخوآتك ,, هذي محآضره رآحت من آلمحآضرآت آلمبآشره

آلثآنيه

بآقي سبع محآضرآت لسبع موآد آتمنى آلآستفآده من تنبيه ونصيحة آلاخت للخروج بآكبر فآئده من آلمحآضره

آسآل آلله آن يسهل علينآ جميعآً

تقييمـ + آعجآب
^.^

[عبقور]

جزاااك الله خير كلامك صح

غير اللي تجيك تمغط وتسأل 15 سؤال أو زي ماقلتي تكرر الاسئله وبالفعل لاحظت تكرر الاصوات

[منآير الشوق]

[مديحه]

[nadak]

جزاك الله كل خير دنيا واخره عز الله صدقتي

واللي يسألون الدكتور هل اسئلتك نفس العام !!!!!! ترا انتي يا طويلة العمر تنبهينه كذا وش تتوقعين اذا سالتيه بيقول لك ايه نفسها ذاكريها وبتنجحين!!!

انا مع فكرة موضوع الأسئلة
نبي نسألأ اسئلة عن الماده ما قدرنا الله يهديكم


مره ثانيه جزاك الله خير قلتي اللي بخاوطرنا ولا قدرنا نقوله

[@بوفهد]

اتفق معك
علما ان الشباب اكثر جدية فى طرح الاسئلة
وبصراحه الواحد ماله نفس يسأل لان الصوت مش واضح والوقت ضيق جدا (30 دقيقة )
الله يجزاه خير (جزاء المصاروة) سألته عدة اسألة عن طريق التشات ورد على مشكورا فى حينه وكذلك (المطر)
واللي ما يخلينا نسأل احيانا اننا لم نحضر انفسنا بقراءة المقرر ومحاولة فهمه
اقترح ان تكون الاسئلة عن طريق التشات (يفتح لنا المجال لكتابة الاسئلة 10 دقائق ثم تغلق قبل بدء المحاضرة )وتكون المحاضرة ساعة كاملة رجالا ونساءا

[أنثى الطهر]

بعض البنات الظاهر بس تبي تجرب المايك ولاماعندها إلا الدجه تلقين حتى المنهج ماتعرفه
.
.
وسلمتِ عزيزتي على حروفكِ العقلانيه

[الثريا الثريا]

السلام عليكم ورحمه الله وبركاااااااته

موضووووع يحمل الجد والاقنااااع ................. عفواااا انتي جاامعيه؟؟؟؟؟؟؟؟؟


مابي اطول بالكلااااااااااام لكن كفيتي وووفيتي زورق جزاكي ربي عنا خير الجزاااء بموضوعك هذااا تذكير للاخوووات بالاخذ والعطاااء بمااهو مفيد لنااا ولهن نحن هنااا بمركب واااحد يجب علينااا الانتباااااه لتصرفاتنا واهتمااماتنا بالاسئله اكثر من ذي قبل لنرقى مبستوااااانا عن بعض الاموووووورر ونميز ونفكر في الاسئله المهمه فقط والتي تفيدناا في منهجناااا لا للا مباااااااالاه وضياااع الوقت والاستهتااار لانا في مقر علم وارجواااا للاخواااات الانتبااااااااه ..............وهذا الكلام لي ولكم جزيتي عنااا خير الجزاااااء*