[ الدراسات الاسلامية ] : الطريقة الرابعة : التخريج عن طريق الحاسب .. هنا شرح للمكتبة الشاملة .. بمجهود خاص منّي :$

[[ انبلاج ! ]]

بسم الله الرحمن الرحيم

أهلًا يا حلوين :")
شخباركم ؟
اممم عندنا في التخريج الطريقة الرابعة ، قالت لنا دكتورة سارة الشهري عن التخريج باستخدام الحاسب ،
و كثير من البنات ودّهم يعرفون طريقة البحث في المكتبة الشاملة فقلت بشرحها لكم بشرط تدعون لي :$

أول شيء تفتحون هالرابط : http://shamela.ws/index.php/page/download-shamela
و تحمّلون المكتبة الشاملة ..
طبعًا فيه روابط مجزأة و فيه كاملة ، عن نفسي أنصح بالكاملة أفضل صحيح انها تطوّل بس ع الاقل ما تحوسين بالتجميع بعد التحميل ..

طيب الحين حمّلناها ، نفتح المكان اللي حفظناها فيه بنلاقيها ملف مضغوط زي كذا



تفتحه بيطلع لنا كذا



نروح للقرص C في جهاز الكمبيوتر و نسحب الملف هناك ..



نفتحه و نروح لملف التشغيل او التطبيق او السيتب حسب الأسم الموجود عندك و نشغّله ..



ننتظر الين يتثبّت :")
بعدين بتفتح لنا المكتبة الشاملة وهذي الصفحة الرئيسية لها :



شرح الأدوات :




1. تختارين كتاب من الكتب للتصفّح ..
2. عرض للكتاب ( لمّا تبحثين عن شيء و تبين تفتحين الكتاب تضغطينه )
3. اظهار شجرة الكتاب
4. تكتبين تعليق على البحث او الكتاب ..
5. بحث في الشاشة الحالية
6. ميّزة جميلة وهي البحث في نفس الكتاب او في القرآن الكريم ..
7. أهمممم شيء المكتبة وهي البحث في الكتب ( بشرحها بعد شوي ان شاء الله )
8. فتح آخر نتائج بحث تم بحثه ( اذا سكرتي البرنامج خلاص يروح البحث )
9. فتح نتائج البحث المحفوظة ( لما تحفظين البحث ما يروح حتى لو سكرتي البرنامج )
10. التحريك في الصفحات يمين و يسار و آخر الكتاب و أوّله ..
11. القرآن الكريم و تفسيره ( اي آيه تبين تفسرها موجود هنا )
12. شرح للأحاديث ( خاص بالحديث حسب علمي )
13. تخريج للحديث من جميع كتب الحديث ( خاص بالحديث حسب علمي )
14. اظهار النسخة المصوّرة ( ما استخدمته و حاولت بس أظن انو مو لكل الكتب )
15. ترجمه ( يترجم لك الأشخاص و يكتب وش وصفون العلماء و اسمه و معلومات عنه )
16. استيراد ملفات ( اذا كان عندك كتاب ع الجهاز تنزلينه ع المكتبة من هنا )
17. تعديل على الكتاب ( مو كل الكتب ممكن تعدلون عليها )
18. غرفة التحكم ( ما جربت اشتغل عليها )
19. شاشة المؤلفين ( اذا كنتي تعرفين المؤلف و لا تعرفين الكتاب تبحثين عن المؤلف من هنا و يطلّع لك كتبه )
20. نسخ النص ( ينسخ لك كل الصفحة اللي فيها البحث )
21. علامة مرجعية ( تحفظينها من هنا عشان تقدرين ترجعين للبحث بعدين )
22. تصدير الكتب ( هذي عكس رقم 16 )
23. يطلع لك معلومات الكتاب و الكاتب وكل شيء يتعلق فيهم ..
24. خيارات البرنامج ( من هنا تحددين لون الكلمة اللي تبحثين عنها و لون الحديث مثلًا و فيه خيارات كثييييييييير )
25. ترقية حيّة ( اذا كان فيه ترقية للبرنامج و كتب جديدة والا اشياء ينزّلها لك )


طريقة البحث :



1. تحددين المجموعة كلها من نفس القسم
2. تلغين المجموعة كلها من نفس القسم
3. تحددين كل كتب البرنامج في كل الأقسام
4. تلغين كل كتب البرنامج في كل الأقسام
5. الواو يعني تبحثين عن كلمتين او ثلاث في نفس النص ، و الأو تبحثين عن كلمة و اذا ما لقاها يبحث عن الثانية وهكذا ..


اممم تقريبًا هذا أهمّ شيء في المكتبة ()
هاه شرايكم أصلح أشرح هالدرس بدل د. سارة ؟ D:
> مشتهية تتكفخ ذذ

أي سؤال او استفسار حيّاكم :*
و اللي تبي المكتبة بدون ما تحملها تجيب لي فلاشها بكرة بس شرط يكون فوق الـ 2 قيقا و فاااااضي لأن حجم المكتبة كثير شوي :")
محاضراتي ( نظام أ. انعام قاعة 1-1 / حديث مدرج 1-11 / أصول مدرج 1-15 ) قسم الدراسات طبعًا ..

حبي لكم و دعواتكم :*

[[ انبلاج ! ]]

ايه عاد يمدحون ذاك الزر حق الشكر ذذذ
و التقييم بعد يقولون يونّس :")

[geggy]

ربي يوفقك في الدنيا والاخره
شهاده لله ماقصرتي
مشكوره ياعزيزتي

[زهر التوليب]

كيف اسحب الملف تكفوووون

[سارا"]

الله يوفقك ويسعدك في الدارين

[الاميرة سندريلا]

موفقة يالغلا

عاد كلش والمكتبة الشاملة كووول بحوثي الدينية منها ........... خاااااصة تخريج الاحاديث

موجودة عندي من 4 سنين وكوول اللي اسويه اني احدث البرنامج بين فترة وفترة واطبع بحثي واسلمة للدكتور ودرجة كاملة <<< ما شاء الله تبارك الله

[الاميرة سندريلا]

المشاركة الأصلية كتبت بواسطة زهر التوليب

كيف اسحب الملف تكفوووون

داخله عرض

وش قصدك اي ملف يا زهرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[[ انبلاج ! ]]

geggy :
آمين يارب و اياك حبيبتي ()
العفو :")


زهر التوليب :
عادي نسخ لصق او جر مثل اي ملف ^^


سارا :
آمين يارب و اياك ..


الأميرة سندريلا :
ايييه مثلي والله ، صراحة رووووووعة المكتبة :*
وكل بحوثي منها و الحمدلله آخذ كااامل :$

[noura sloom]

مشكوووووووووورة الله يعطيك العافية

[آمـــــال]

انبلاج انت فتاة رائعة ..

موفقه ^^