وراء كل (معهد ) نصآب مديرة انصب منه !!

[بنت حصه]

السلام عليكم ورحمة الله وبركـاته ,

فـ البدايه احذر من اي طالبه انها تسجل بـ معهد العالم الجديد بالراكه , لاتقولون قطع ارزاق .. ولا تقولون حاقده او ظالمه .. ربي فوقي ودامكم تعرفون الله انا بعد اعرفه .. احذركم يااولياء امور الطالبات .. اللي بنته او بنتها تبي تسجل ومصره عالكلام قولو تقرا موضوعي وبأذن الله تغير بنظرتهـا ..

سجلت فـ المعهد بعد تخرجي من الثانويه جلست اربع شهور بالبيت وسجلت بالمعهد من حسن حظي كان المعهد عليـه عرض لاني مسجله برمضان وكان سعر الدبلوم مدة سنتين بـ 12 الف وحجز المقعد بـ 1000 ريال .. دفعت ومعي امي المقهوره على فلوسي + فلوسها اللي راحت

هباءاً منثورا كان المعهد بالحزام ولقيت موظفتين بالاستقبال اللي نسجل عندهم .. وحده منهم من غير ذكر اسماء مع انه ميته والله اذكر اسمها لكن طلعت من المعهد سئلتها امي زي اي ام تخاف على مستقبل بنتها وتخاف على حلالها قالت لها المعهد

معتمد من مؤسسه العامه للتدريب والتعليم المهني قالت ايه معتمد وانا دارسه فيه ومدري مين دارسه فيه وانا الحين موظفه واخت مدري ايش دارسه ومن هالكلام

قلت بنفسي بس هذا بدايتي انه المعهد ماشاءالله معتمد وكل شيء زين واكيد اتخرج من هنا والقى وظيفتي جاهزه من هنا .. المهم تمت امور التسجيل وارقى فوق

لقسم المحاسبه وادفع لها الالف واخذ السند حقه ( مازلت محتفظه بكل سند قبض دفعت لهم فيه ) فبداية المشوار الدراسه ممتعه ولا اسبها ابببد بالعكس استفدت من مدرساتهم يمكن ربي عوضنا بشيء اللي هو مدرسات ممتازات .. اجتهدت ودرست وجبت علامات زينه

وبدت شروطهم وخرابيطهم وانهم اببد اببد مو ماديين < كلام مو من قلبي طالع اقصد بانهم اببد اببد مو ماديين يعني كانو يقولون لنا امور الدفع وهالاشياء واللي متاخره بتسديد الرسوم راح يكون فيه سررريه تاااامه

سريتهم التامه هذي شلون طريقتها ؟!

يدخلون الفصل فلانه وفلانه وفلانه وفلانه ممنوعات من الاختبار لين يدفعون اللي عليهم هذي هي سريتهم التامه ونعم السريه والله فـ وقتها يوه يااني احوس اهلي ويمه ويمه مابيهم يتكلمون ابي كل شهر ادفع 1000 لهم بـ انتظام مابي سريتهم التامه ذي وطبعاً قبل مايدخل وقت القسط تعطينا المحاسبه اوراق انهم عليهم هالشهر الف مادفعتوها يوم تجي هالورقه اتازم فيها لانه كنت امر بازمه ماليه والجى لامي ولا اخواني والحمدالله كانت تتيسر واه لو اني ادري بس عن

نهاية هالمعهد طبعاً نقلنـا للمعهد الجديد اقصد بالمبنى الجديد وبدت تبدأ المشاكل ومازلنا ندفع لهم فلوسهم والظاهر انه الاخت المدييره وراها سفره ولا وراها شنطه حجزتها بالمبلغ الفلاني فـ عشان كذا ماودها باي تاخييير مالي تبي الف تنطح الف ( يعني الف فوقها الف )

طبعاً لاحظوو !!

انه دفعتي كان دوامها مسائي وتقريباً حنا حول ( 15 بنت تقريباً ) هذا اذا مانسيت احد ومعنا دفعة ثانيه يمكن نفس عددنا ويمكن اقل .. والدوام الصباحي نفس الشيء مدري كم دفعة دبلوم تقنية مكاتب

انا دفعت 12 الف وغيري دفع 14 و 16 ويمكن انها توصل الى 18 الف

احسبو لو هاه هاه نقول تقريباً 40 بنت دوام مسائي وصباحي
و نختار انهم كلهم دفعو 14 الف لمدة سنتين =

يعني 40 بنت * 14 الف = 560 الف هذا حساب تقريبي فققققط وفلوسنـا ماندري وين راحت نرجع نكمـل .. رفعنا خطاب لمؤسسه بانهم ينظرون لـحالنـا .. كثير مننا اتصل لكن الكلام ينعاد مدري هم كاتبينه بورقه وكل بنت تدق من هالمعهد عادو هالكلام .. المعهد عليه ضمانات بنكيه + المعهد وقفو المؤسسه الاشراف عليه + مافيه اختبار شامل ولا فيه شهاده

يعني روحوو ادعوو على من ظلمكم وتجيكم فلوسكم تحبي لكم اخر مكالمه لي مع المؤسسه

والزميل سليمان : قال يابنتي المعهد موقفين الاشراف عليه قلت اجل ليه مفتوح لين الحين ؟! قال لين تنتهي الدورات اللي فيه .. مدري انتحر ولا انتحر على كثر الشكاوي لين الحين

ما شمعوه ماحرقوه قلت طيب والحل كلمت اكثر من مره اخوي اتصل عليكم ارسلنا لكم نسخ من شهاداتنا والاقساط وقعنا ورفعنا خطاب وش نسوي ؟! قال مالنا علاقه هذي امور ماليه وفلوسكم بترجعلكم قلت ومتتتتتتتتتتتى ؟! قال ماعندي علم ( وبشر الصابرين )

بعد معاناه قدرت اوصل لرقم المديره ( هيفاء احمد الرميح ) : ومشكوك فـ امرها ماعرفنا هل هي المديره ولا الموظفه الشامييه علا والحرامييه مالهم وجه مارضو يتكلمون لين يعرفون امي ام اي طالبه ( امي اللي كلمت لانه كبدها انفضخت بمعنى اخر انفجرت من هالمعهد )

هل هم ناوين يغتالوني ولا وش علتهم قالت لها امي : تبين تعرفين انا ام مين تعالي للمعهد وتشوفين بنتي وتشوفيني وقامت مدري وش تقول يعني بتنهي المكالمه لانها ماعرفت ام مين .. وقفلت السماعه بوجه امي

تحسبت عليها الف مره + دعيت عليها دعاوئي الدنيا كلها .. امي تدعي وانا اقول امين كلامي هذا ( غيض من فيض ) انواع المكالمات وانواع المسجات بين البنات وانواع التصرفات لكن دون جدوى فكرنـا بالتشهير بجريدة اليوم عن المعهد ونصببه علينـا .. لكن مدري

ليه وقفنا عن هالموضوع لكن التشهير فيها فيها للمعلومييه الموظف اللي كلمته يقول لي بالحرف الواحد والله على ماقوله شهيد ( هيفاء بنت احمد الرميح انضربت ضربه جامده عليها مايقارب 3 ملايين حاول ابوها بالتدخل وراح للرياض لفرع المؤسسه هناك لكن كل حلولها مرفوووووووضه ) يقالها تبي تدخلنا بواسطاتها للاختبار الشامل ..

واسطتها البشر وحثاله المجتمع امثالها وواسطتنا ربي ومافي ( ظالم الا ويجي اظلم منه ) ربي بيساعدنا ويطلع حق كل طالبه بـ هذا المعهد ..

غير احدى زياارتي للمعهد كنت اتمنى ان المديره هيفاء موجوده لكن للاسف كانت باجازه امومه على كلامهم طبعاً كل ايامها اجازات !! اجازه زواج وحمل وولاده ورضاعه وشهر عسل وتجدديد شهر عسل واللذي منه ( افكر بيني وبين نفسي هي كيف تحط راسها وتنام مرتاحه ووراها ناس تدعي ليل نهار عليها )

ايه ارجع اكمل لكم لقيت نائبه مدري بديله مدري وش وضعها لكن جالسه مكانها وكنت اول مره اشوفها كانو مسوين اجتماع يقالهم يطلعون لنا حل وانا وقتها مسافره وبعد مارجعت على طول رحتلهم وحصلت الاخت المجتهده هذي كلامها قمة التناقض والاستهزاء وكن العالم ولا شيء عندها كنت اتناقش معها انا ووحده من البنات .. اننا نبي فلوسنا ماعاد نبي شهادة المعهد ومن هالكلام وتقول انه معهدكم اقل فلوس من المعاهد الثانيه قلتلها انتي تشوفين هالشيء لكن غيرك لا .. وبعدها بشوي تقول هي كلها شهادة دبلوم و مستصغره الموضوع مره لانها اببد اببد ماحست بشيء من اللي حسينا فيه ربي فوقها وعساها تحس

باضعاف اللي حسينا فيه وكلام اهالينا لنـا

فالنهايه كلامي كان كثيير .. باذن الله حاطه املي بـ رب العباد بانه يساعدنا .. وترجع لنا فلوسنـا .. دعواتكم بان تتسهل امورنـا واي شيء جديد شكوى او محضر بالشرطه او ممكن دعوه قضائيه راح اكتبها لكم

فـ الختام ماقول الا ..

يارب اللهم انتقم من الظالم في ليلةلا أخت لها، وساعةٍلا شفاء منها، وبنكبةلا انتعاش معها، وبعثرةٍلا إقالة منها، ونغّص نعيمه، وأره بطشتك الكبرى، ونقمتك المثلى، وقدرتك التي هي فوق كل قدرة، وسلطانك الذي هو أعزّ من سلطانه، واغلبه لي بقوّتك القوية، ومحالك الشديد، وامنعني منه بمنعتك التي كل خلق فيها ذليل، وابتله بفقرٍولا تجبره، وبسوء ولا تستره، وكله إلى نفسه فيما يريد، إنّك فعّال لما تريد. يا رب اللهم عليك بمن ظلمني اللهم اسقم جسده، وانقص أجله، وخيّب أمله، وأزل ظلمه، واجعل شغله في بدنه، ولا تفكّه من حزنه، وصيّر كيده في ضلال، وأمره إلى زوال، ونعمته إلى انتقال، وجدّه في سفال، وسلطانه في اضمحلال، وعافيته إلى شر مآل، وأمِتْه بغيظه إذا أمتّه، وأبقه لحزنه إن أبقيته، وقني شرّه وهمزه ولمزه، وسطوته وعداوته، فإنّك أشدّ بأساً وأشدّ تنكيلاً

وحسبي الله ونعم الوكيل

[(» мs Ёℓǻƒ .. ♥)]

لي عوده عشان اقرا السالفه زين

[بنت حصه]

صوره من موقع المؤسسه تؤكدت لكم
واذكركم بأسم مديرة وصاحبة المعهد / هيفاء احمد الرميييح

[بنت حصه]

المشاركة الأصلية كتبت بواسطة (» мs Ёℓǻƒ .. ♥)

لي عوده عشان اقرا السالفه زين

اقريها وتمعني فيها خذي راحتك

[بنت حصه]

في حال ماعندكم ردود لسالفتي ..

مابي منكم الا ترفعون الموضوع عشان الكل يقراه

[بنت حصه]

يارب اللهم انتقم من الظالم في ليلةلا أخت لها، وساعةٍلا شفاء منها، وبنكبةلا انتعاش معها، وبعثرةٍلا إقالة منها، ونغّص نعيمه، وأره بطشتك الكبرى، ونقمتك المثلى، وقدرتك التي هي فوق كل قدرة، وسلطانك الذي هو أعزّ من سلطانه، واغلبه لي بقوّتك القوية، ومحالك الشديد، وامنعني منه بمنعتك التي كل خلق فيها ذليل، وابتله بفقرٍولا تجبره، وبسوء ولا تستره، وكله إلى نفسه فيما يريد، إنّك فعّال لما تريد. يا رب اللهم عليك بمن ظلمني اللهم اسقم جسده، وانقص أجله، وخيّب أمله، وأزل ظلمه، واجعل شغله في بدنه، ولا تفكّه من حزنه، وصيّر كيده في ضلال، وأمره إلى زوال، ونعمته إلى انتقال، وجدّه في سفال، وسلطانه في اضمحلال، وعافيته إلى شر مآل، وأمِتْه بغيظه إذا أمتّه، وأبقه لحزنه إن أبقيته، وقني شرّه وهمزه ولمزه، وسطوته وعداوته، فإنّك أشدّ بأساً وأشدّ تنكيلاً

[بنت حصه]

ياليت بنات هالمعهد يقرون موضوعي .. انتظر ردودهم

[(ღ) βãяβiǝ (ღ)]

[بنت حصه]

المشاركة الأصلية كتبت بواسطة (ღ) βãяβiǝ (ღ)

[حلمي كبير]

حسبي الله ونعم الوكيل

مآدري بصراحة شقولك , لكنك وكلتي أمرك للي عينه ماتنام والمديرة خلقة منكوبة اصلا على هالمبالغ اللي عليها

الله يفرج همك ان شالله

وكثري استغفار بنية الرزق والله يغنيك عنهم