خبرمهم جداجدا وكنت ابنجن لو صار

[زهرة الخليج وبس]

تعقيبا لما ورد في المنتدى ماذكر بان العام القادم سيلغى الانتساب المطور اتصلت على الرقم المجاني للجامعه واستفسرت عن هالشي فقالوا انه في تسجيل في رمضان القادم واذا كان فيه الغاء هذا يعني ماراح يكون فيه استقبال لدفع جديده وبتكملوا دراستكم عادي هذا ماردت ان اخبركم فيه

[ليثاوي الرياض]

الله يستر يارب شكرا لك

[زهرة الخليج وبس]

العفو اخوي انا قلت اطمن الحبايب اكيد فيه ناس مشغولين بها الموضوع

[وردة الحجاز]

المشاركة الأصلية كتبت بواسطة زهرة الخليج وبس

تعقيبا لما ورد في المنتدى ماذكر بان العام القادم سيلغى الانتساب المطور اتصلت على الرقم المجاني للجامعه واستفسرت عن هالشي فقالوا انه في تسجيل في رمضان القادم واذا كان فيه الغاء هذا يعني ماراح يكون فيه استقبال لدفع جديده وبتكملوا دراستكم عادي هذا ماردت ان اخبركم فيه

طيب ايش اللي يخوف ..!؟

ردهم عادي وطبيعي جاوبوا في حال الاثبات ايش بيصير وفي
حالة النفي ايش بيصير

[عبدالعزيز36]

يلغون !!؟ ماظنيته يمكن يوقفون بعدين لاننسى اننا هنا منتسبين لصرح تعليمي معتمد وله تاريخه يعني حتى لو لاسمح صار شئ من الإلغاء اتوقع بالنسبه للي بدت الدراسه فعلياً مثلنا بيكون لهم حل
والخبر اللي تتكلمون عنه والله أعلم وهالشئ بالجرايد انهم يحذرون من الجامعات الخارجيه اللي تقبل الدراسه عن بعد بدون التنسيق والموافقه من التعليم العالي هم المقصودين والمعنيين بالكلام اللي ذكر .

[زهرة الخليج وبس]

حبيتي ورد فيه ناس فاهمين غلط انه اذا صار الغاء هذا يعني انه معد فيه شي اسمه انتساب واللي كاتب الموضوع قال وش وضعنا احنا اللي قد درسنا لاني سالت المسؤول وقال انه فيه كلام في هالموضوع لكن انتم اللي مسجلين من اول مايخصكم فقط اذا بيطبق راح يكون للدفعه الجديده ولكي تحيتي

[Qaz]

أنا اللي سمعته من بعض الشباب إنهم رآح يلغون الانتساب المطور في كل الجامعات اللي عندها هالنظام

لأن راح يكون فيه شي اسمه الجامعه الإلكترونيه ( يعني اتوقع تكون جامعه موحده للإنتساب المطور )

وغير كذا يوم يعلنون عن الميزانيه اللي راحت خصصوا مبلغ وقدره لشي اسمه الجامعه الإلكترونيه

مآدري إذا كان يقصدون هالشي أو إن الجامعه الإلكترونيه شي ثآآني ؟؟؟

بالتوفيق للجميع

[زهرة الخليج وبس]

اخوي المسؤول قال ان الموضوع هذا سمعنا فيه وانتظري بتاكد ثم رد وقال فيه استقبال دفعه جديده في رمضان القادم واذا بيطبق انتم بتكملوا عادي هذا يخص الدفع الجديده

[إكليل الورود]

أهم شي احنا راح نكمل إن شاء الله

ولما يلغونه ماراح نتضرر راح نكمل معاهم عادي

وماراح يكون فيه دفعات جديده

شكرآ لصاحبة الموضوع

عن جد إحنا محضوضين

بالتوفيق للجميع

[Qaz]

طبعا لو طبقوا هالكلام مارآح يشمل اللي الدفعات الجديده ,, حنآآ مالنا دخل يالشيبان

إلا إذا يبي يرجعون فلوسنا ويخلونا نكمل بالجامعه الجديده على حسابهم