والله البلشه مع المواد

[abu azooz]

يسعد لي صباحكم يالغاليين والف مبروك اللي نجح وهاردلك للي رسب ((( تراك قديم

المهم ياجماعة الله يوفقنا بهالسمستر وكل المراحل القادمه نكون مع بعض دوم يارب ومثل ماعودتونا بعدم البخل علينا بمجهوداتكم ومساعداتكم لنا اتمنى انكم تتكرمون وتقولون لي الفلم اللي انا عايشه اللحين ..
طبعاً اللحين مستوى ثالث وانا مااخذت في الثاني لارياضيات 2 ولامحاسبة 2 ولااقتصاد كلي ولاصحة ولياقة وكل هالفلم لاني كنت حامل رياضيات1 واضطريت اخذ الرياضيات مع كم مادة تقنية معلومات وعقيدة وانجليزي ولان معدلي الترم الاول نازل كان 2.30 اللحين بعد مااجتزت بعد معادلة المعدلين صار معدلي 2.20 تقريباً ادري يفشل بس الله كريم الزبدة ....
مدري شسوي سواليفكم تغري بصراحه اساليب كمية وهيك شغلات وفي نفس الوقت مدري بالنسبه للي مانزلتهم وش السواة يالربع والله ابي اسجل ومحتار وتعودت اخذ شوكم في كل شي تحياتي لكم وانا مخطط انزل اربع بصراحه عشان مااظغط نفسي بصراحه لامعدل ولاشي ودوام وبيت والخ يعني زين الواحد فكر يكمل دراسته بس .

[abu azooz]

تكفووون يالربع لاتخلونا والله اخوكم للحين يصفق كف بكف ولايدري وش السواة .

[ليمونة حامضة]

صباحك أسعد اخوي أبو عزوز

اتوقع معدك يسمح لك بـ 15 ساعة بس, عشان تعدل معدك حاول انك تاخذ مواد مو صعبة مرة عشان تقدر انك تذاكرها , وشوف إللي يريحك

لو تحب, خذ:

تقنية 2 ---- 3 ساعات

مهارات إتصال ---- ساعة

صحة ولياقة ------ ساعتين

أساليب كمية ---- 3 ساعات

احس هالمواد خفيفة وترفع بالمعدل
وزين عليهم مادة عشان تكون الساعات مناسبة لمعدلك..

بس هل عنك مادة محملها؟


لكن القرار الأول والاخير لك, لا تعتمد على كلامي أهم شي انت وش تحب تاخذ من مواد

[abu azooz]

صباحك ورد اختي ليمونه ،،
مررررررره يسلمووووو ع الحكي الطيب والنصيحه الاجمل والاروع منك لاانا ابشرك هالترم ماحملت شي معي وبالنسبه لاقتراحك راح اخذه بعين الاعتبار اكيد بس الشي اللي مشغلني ولاعب فيني انه الرياضيات 2 والمحاسبة 2 بالذات لهم او للمحاسبة تتابع في المستويات القادمه بمسيات اخرى وحتى الرياضيات احصاء وخلافه واخاف اندم اللحين لاتوهقت فيها بعدين بس اممم افكر في حكيك ولاادري طيب لو بضيف مادة خامسه وش اضيف ماده علمية والا للقراءه والاطلاع وتنجح وش رايك

[مس برونز]

اخوي ممكن تقولي طريقة المعادله انا من جامعة الملك عبدالعزيز

ابي اعادل الاحصاء والعقيده والانجلش ومهارات الاتصال وش اسوي الخطوات يالليت تفيدني وكم كانت درجاتك اللي عادلتها d ولا c

[abu azooz]

اهلين اختي ،،
والله شوفي انا بالنسبه لي كان طريقة حساب المعدل التراكمي عندنا كانت الايقونه حبتين معلقه فأظطريت احمل برنامج حساب المعدل التراكمي وطريقته تحطين الساعات اللي اخذتيها ومعدلك السابق ع اليسار وتكتبين بس الدرجات وعدد ساعات المواد ودايركت هو يسوي كل شي البرنامج جدا البرنامج سلس وبسيط بالتوفيق

[ليمونة حامضة]

المشاركة الأصلية كتبت بواسطة abu azooz

صباحك ورد اختي ليمونه ،،
مررررررره يسلمووووو ع الحكي الطيب والنصيحه الاجمل والاروع منك لاانا ابشرك هالترم ماحملت شي معي وبالنسبه لاقتراحك راح اخذه بعين الاعتبار اكيد بس الشي اللي مشغلني ولاعب فيني انه الرياضيات 2 والمحاسبة 2 بالذات لهم او للمحاسبة تتابع في المستويات القادمه بمسيات اخرى وحتى الرياضيات احصاء وخلافه واخاف اندم اللحين لاتوهقت فيها بعدين بس اممم افكر في حكيك ولاادري طيب لو بضيف مادة خامسه وش اضيف ماده علمية والا للقراءه والاطلاع وتنجح وش رايك

شوف كل المواد راح تنجح فيها لو تابعت المحاضرات اول باول مافي شي مستحيل على نجاحك فيها بإذن الله تعالى..

أنا أشوف إنك تاخذ مادة لها متطلب أفضل, لأن بعدين لو راكمت المواد إللي لها متطلب إلا ما يجي مستوى وتضطر تختارهم كلهم صدقني, وهذا الشي اللي اكيد ما تبيه..

[abu azooz]

طيب وش رايك ليمونه اخذ محاسبة 2 والا رياضيات 2 والا اقتصاد كلي شورك وهداية الله اقتنعت بجدولك السابق اللي اخترتيه لي لاني كنت منشن على كم مادة منه من اول بس زادت قناعتي وقلت بأضيف لي مادة هيك ع الماشي تكون شوية صعيبه عشان افتك بعدين صح وضعي شوي ظغط في العمل بس سهالات ان شاءالله وش رايك بالنسبه للرياضيات مخوفينا من دكتورها يقولون ماله دخل بالموضوع طيب والمحاسبه وش وضعها ترا نجحت فيها السمستر الاول بدرجة 60 يعني رجلك والقبر وش رايك

[ليمونة حامضة]

الرياضيات 2, دكتورها بالنسبة لي ما يوصل المعلومة تمام, مع إني احب الرياضيات بس هو صراحة كرهني فيها والسبب شرحه, مش بس انا, الأغلبية كانو ما يستوعبون شرحه لأنه ما يوصل المعلومة بشكل سليم, والحمد لله عديتها..

بس لو بتاخذ رياضيات جيب لك مدرس, أنصحك بالمدرسة وبقوة..

المحاسبة الدكتور الله يسعده شرحه تمام التمام ويوصل الشرح للطالب بشكل حلو وكانت من امتع المواد بالنسبة لي من حيث الدكتور..
لكن بالامتحان خون فينا وجاب لنا شغلات كثيرة يبي لها حل, لو انت متابع معه اول باول بتحل..


الإقتصاد الكلي أتعب وانا اقول احب هالمادة, الشرح روعة والمادة أروع والإمتحان ولا أسهل, خصوصي إنه جاب نفس أسئلة المستوى إللي قبلنا نسخ لصق..
أسهل بكثير من الإقتصاد الجزئي..


ماأدري والله وش انصحك فيه, او أي مادة تكون كويسة وسهلة لك, لأن بيني وبينك مواد المستوى الثالث دسمة شوي, ولا بد بيجي يوم وتاخذها اكيد, الافضل انك تشطب على مواد المستوى الثاني لو كان فيه مجال..


لكن كل واحد فينا له ظروف ما يقدر ياخذ فوق طاقته..



انا موظفة مثلك, كنت والله اذاكر وانا في الدوام في أغلب الاوقات..



ربي يسهلها عليك وعلينا..


في الاخير ما أبيك تعتمد بس على جدولك, شوف ظروفك اول هل تسمح من ناحية الوقت او لأ..


كل التوفيق لك

[مس برونز]

ابو عبدالعزيز مافهمت الطريقة ساعدني اكثر