مهم لكل منتظر نتيجة اختباره ,, تفضل

[ابوهاجر]

اسعد الله اوقاتكم جميعا ,,
الاخوه والاخوات اللي منتظرين نتائج الاختبارات ,,

شيء طبيعي ان كل واحد منكم ارتفع ضغطه ومل الانتظار وكل شوي يدخل يبي يعرف نتيجته ,, وانا طبعا نفس الحال ,, والكثير يضيع منه وقت بدون فايده ,,
لكني بدأت استغل الوقت في ترتيب وضعي والاستفاده منه ,,
انصحكم بالتالي :
أولا : وضع ملف على سطح المكتب وجزأه على حسب عدد مواد المستوى الثاني ,,
كل ملف للماده جزأه الى 14 ملف لكل ملف محاضرته الخاصه ومحتواها ,,
ابدا بتحميل المحتويات والمحاضرات المسجله وان امكن المباشره بعد , طبعا الاخوه جزاهم الله خير في احد المنتديات المعروفه للمنتسبين وضعوا حقائب بشكل مرتب لكل ماده وحملوا المحتويات على مواقع التحميل ,,
وكذلك اذا حصل ووجدت اسئلة للماده وكتابها , ضعها في ملف مستقل داخل ملف الماده.

طبعا لكل واحد طريقته الخاصه بترتيب الملفات ,, ولكن عن نفسي وجدت ان افضل طريقه هي التجزأه الشجريه ( اي انشاء ملف عام يحتوي على عدة ملفات وتتجزا الى ملفات اخرى مترابطه )

ثانيا : نصيحه انقلها لكم من اصحاب سبقوني بالانتساب ,, لا تحاول تحذف أو تضيف مواد ,, الا في اصعب الضروف سواء ماديه او غيرها ,, فالجامعه وضعت خطة لتنزيل المواد وهي الانسب للجميع , لان في حالة اضافة ماده قد تتعارض في وقت الاختبار , وفي حالة حذف ماده قد تشكل لك عائق مستقبلا وتضطر الى اخذ مواد صعبه في مستوى واحد أو تضطر الى اخذ مستوى اضافي من اجل ماده فقط.

ثالثا : هذي النصيحه سارية المفعول حتى بعد طلوع النتائج , فلا تنتظر كل محاضره حتى تنزل بالبلاك بورد , فكلنا نعرف البلاك بورد ومشاكله , فمن الافضل ان تتغدى بالذيب قبل لا يتعشى بك !

رابعا : هذي النصيحه ايضا سارية المفعول حتى للاخوه والاخوات المستجدين بالمستوى الاول , ابدأوا من الان في تحميل المحاضرات ,

خامسا : اللي عنده وقت ويحب ياخذ فكره , يمر مرور الكرام على المحتوى لاخذ فكره عامه , خصوصا بالمواد الجديده , وكذلك على اسلوب الدكتور وشرحه ,,

سادسا : حال اكتملت لديكم الملفات وبدأنا بحول الله الدراسه يتبقى لكم فقط مشاهدة المحاضرات سواء المسجله او المباشره من البلاك بورد للحصول على الدرجه , وكذلك الواجبات والنقاش ,,

هذا ما جادت به النفس ,, ورأيكم مهم ,,

واترك لكم التعليق ,, بالتوفيق

[لولوجده]

نفسي اسوي كذا واحمل محاضرات
ويصير بعدين من البلاك بس افتح المحاضره شوي عشان اخذ درجة التحميل
لكن الخوف من شي واحد
يعني تخيل مثلا تغير المنهج؟ زي القانون
او تغير الدكتور؟ زي الاقتصاد الجزئي

عشان كذا فكرت فيها ولقيت انه من الافضل اني بعد ماشوف النتيجه
ارتب نفسي والمواد اللي باخذها
وبعد كذا اذا بدت الدراسه راح اشوف المحاضرات والدكاتره
اذا هم نفسهم .. بقعد اسبوع اشتغل على تحميل المحاضرات والمحتويات وطباعتها من بدري واخلص
وان شاء الله ربي يكون بعون الجميع ويوفقنآ

شكرآ لك اخوي
وجزاك الله الف خير

[sw0ee0t]

[عادل عمر]

انا باقي فقط المحاضرات ياريت احصلها مستوى ثاني

[ســالم !!]

بارك الله فيك .. وفعلا نصيحه ثمينه وفي وقتها ..
وبـ كذا في اي وقت فراغ ممكن تستفيد ويكون كل شي جاهر ومرتب ..

كل الشكر يا غالي

[د. نملة]

الله يعطيك العافية

نصائح من ذهب


تقريبا نفس اللي انا قاعده اسويه

[‏M!$s JnoO]

ايه واخيراً فيه مواضيع تنسينا هم النتايج ..


أشكرك من قلب ..من جـد مشتتـه مب عآرفـه اسوي شي ..نصايح ثمينه جعلك للجنـه ..


مـوفق ..

[هلاترك]

يعطيك العافية

[قمييله]

الله يعطيك الف الف عاافيه فكره رااائعه جااري تنفيذ

[اداري طموح]

مشكور ويعطيك العافية والحمد لله بدأت فيها قبل فترة بغض النظر عن النتيجة !

ودي