[ جميع التخصصات ] : حضاره اسلاميه (د/محمد الطاهرالمنصوري) يدخلون هنا

[سارا"]

السلام عليكم
يابنات الله يجزاكم الجنه ساعدونا
انا محاضرتي يوم الاربعاء الفتره الثانيه

بنات اذا عندكم توصيف لمادة الحضاره اكتبوها هنا الله يعطيكم العافيه
لان موعارفه وش أذاكر من الكتاب بنات الله يجزاكم الجنه أذا عنكم محاضرات
شرح الدكتور أكتبوها هنا لان والله مادري وش أذاكر حاولت اكتب مع الدكتور مااعرف وش يقول أصلاًتكفون يابنات ساعدونا لاتبخلون على أخواتكم ولكم الاجر

لان في طالبات كثير مايدرون وش يذاكرون لان الدكتور الله يهديه مايشرح من الكتاب يشرح من خارج النمهج

[منتدياتي]

اي والله اللي كاتبة معه المحاضرات الاولى تنزلها لنا

الله يوفقها

[بنت وائل]

هلا بنات ...

صدقة الاخت ساراا ودنا نتعاون مع بعض لا ن الدكتور ماقال لنا شي عن طريقة بالاختبار
ولا مواضيع الدروس اللي معانااا لانة مايشرح من الكتاب

فا الله يعافيكم نبي نتعاون ..........

[سارا"]

up

[روينا]

السلام عليكم انا كاتبه معه بس شاكه اني غايبه في محاضرة ومدري باقي بتأكد السبت اذا قدرت
والمواضيع هي:

المحاضرة الاولى:

تبتدي من ص25
*مقدمة الجزيرة العربية قبل الاسلام.

المحاضرة الثانية:

*العرب لم يكونوا منغلقين عن التجارب حتى فبل دخول الاسلام.
دعوة الاسلام الى العلم)..

المحاضرة الثالثة:

*اسهامات العلماء المسلمين في مجال الطب.

المحاضرة الرابعة:

*علاقة علم النبات بعلم الطب

المحاضرة الخامسة:

*العلماء المسلمين وعلم الكيمياء.

المحاضرة السادسة:

الفنون التطبيقية(الخزف-السجاد-المنقوشات)

المحاضرة السابعة:

تابع لمحاضرة6

الامتحان 5 اسئلة مقالية كل سؤال من 6 درجات


وفي الاخير اللي عندها شي زايد تكتبلي وانا باكتب اللمحاضرات اللي عندي ان شاء الله

[سارا"]

روينا أشكرك من أعماق قلبي
أسئل الله ان لايحرمك الاجر
أسئل الله ان يوفقك في جميع أختباراتك ياحي ياقيوم اللهم آمين

[منتدياتي]

مشكورة روينا والله يوفقك

[No0onE]

~

طيب ايش اسم الكتاب ؟؟؟

[روينا]

الجزء الاول الى المحاضرة الرابعة في ملف مفكرة والجزء الثاني ان شاء الله بكرة


اسم الكتاب:فضائل علماء المسلمين على الحضارة الاوربية
للكاتب :عز الدين فراج

[منتدياتي]

الله يوفقك ياروينا وين ماتروحي دربك خضر

بصراحة انقذتينا لان المحاضرات الالى ماحضرتهم وسألت كم بنت ماعندهم

الله يسعدك