ما توصلت إليه من مادة الصحة واللياقة

[alqarni]

السلام عليكم ورحمة الله
بما ان المادة مهمة وفيها كثير من الفوائد ولكون الساعة التاسعة صباحا ولم اتمكن من قرائتها كاملة ولو قراءة سريعة وهذا هو المطلوب في هذا الوقت اتضح لي بعض الامور وهي
الجزء الاول تقريبا من المادة تخصص (تغذية) يعني اخصائي تغذية الدور الثاني عيادة (21)
الجزء الثاني منها تخصص (ممرضين) يعني (ستتاتر ) جمع (سستر ) يعني بالعربي (اخت) وفي الغالب (فلبينية) عموما ليش ندرسها بهذا الشكل المكثف مدري !!! خصوصا عندما تحس انك دخلت جو في المادة تحس انك جالس في الطواري من كثرة العدة التي لا يمكن توفرها في المنزل او في السيارة او حتى عند الجار ابو عبدالرحمن! (ركزوا على علامة التعجب) تونا امس اختبرنا تحرير وهذا ممارسة للتحسين
لكن المهم واللي حسيت اني استفدت منه كيف اسوي رجيم

ترويح عن النفس فقط حتى اروح اجيب الاولاد من المدارس بما اني اجازة اختبارات
تحياتي لكم

[رورو1]

انا للحين ببدأ فيها
بس سؤالي بليززززززززززززززز جاوبوني وش اكثر مسببات الوفاه ؟؟؟؟؟؟
عندي اساله بذاكرها بس معاد يمدي افتح الملخص بكبرة

بليز النجده

[PARIS]

ههههههههههههههههههههههههههههههه

رور ضحكتيني
حفظت الملزمه صمممم ولما شفت سؤالك ماعرفته
اصلاً ماذكر مر علي مسببات وفاه
هذا لاقالو لك مضحك مبكي

[..Ebtihal]

انا قرات قبل شوي بالملزمه ( تمثل حوادث الطرق السبب الثالث الاكثر اهمية لأجمالي الوفيات بالعالم ) < لاحظوا القوسين خخ

الله يوفقناا وياااكم

[رورو1]

بروح اذاكر الاسئله
حسبي الله عليهم حاشرينا بقوووووة

[hdoy]

كنت احسب انا لوحدي بالمحاضره الخامسه اثاري في مثلي

انا جالسه اقراها اصلا وبحفظ اسئله وبفهمها وبتوكل على الله مافي حل غير كذا

[alqarni]

من الامور التي لفتت انتباهي في المحاضرة (13)
1. كيف تكتب (13) وكيف يعرب الجزء الاول منها
اووووووووووه نسينا المعذرة يوجد تاء مربوطة في المعذرة ركزوا
المهم
انواع الضغوط (الضغوط الدراسية)
حسيت انهم ما يا يفهمون ما يدرسونا او انهم يفهمون ويجربون فينا عن طريق طرح المواضيع المكثفة والجداول المبهذلة للذاكرة التي عجزت ان تسوعب حتى اغراض البقالة بعد صلاة العشاء

[(كـبـريـآء)]

وش رايكم باللي مافتح الملزمه

بس احفظ الاسئله الشامل اللي منزله بالمنتدى والاسئله الاخير بالملزمه

والله يوفقنااا


متفائله باان الاسئله سهله وماهي معقده

[alqarni]

الله العالم ان اكثر اسباب الوفيات هي امراض القلب والشرايين بناء على الجدول الموجود في ملزمة المعتقل صفحة 3

[أبوأليان]

قرني الله يصلحك جايك جري من اعلى المنتدى على بالي مسوي مخلص للحين وربي ما فتحتها توي مخلص مهارات ..

عموما حلوه معلومة جمع سستر ..

ومن ناحية التكثيف على ماقولت المفكر العربي (سعد الفهد) ..
( قولي بربك) فيه مادة ندرسها ماهي مكثفه ..حتى التحرير اللي نازله من بطن واحد هي والنحو العربي

(سعد الفهد ،2008 :اقلب الشريط) < تحسون اني مذاكر مهارات موو