تجمـــع لطـــرح اسئــــلة العقيــــــدة في المحاضـــــــــــره المباشره الاخيـــره

[najwa]

بسم الله الرحمن الرحيم

السلام عليكم ورحمة الله وبركاته

والصلاة والسلام على اشرف الانبياء والمرسلين نبينا محمد وعلى اله وصحبه اجمعين

طبعا انا حطيت هالموضوع عشان يكون موضوع موحد بدل ما نشتت انفسنا بين المواضيع

هالموضوع بأذن الله رح يكون الاسئله اللي نحاول نطرحها على الدكتور محمد قطاونه

لانه دكتور جديد علينا ومانبي نتعرض لمفاجئات وقت الاختبار الله لا يقدر ان شاء الله

عموما نحاول تكون اسئله مهمه وتفيدنا

انا للحين ما فيه اي سؤال في بالي وكتبت الموضوع من بدري عشان نحاول نفكر بأسئله تفيدنا

طبعا المحاضره من ست ونص الى سبعه لا تنسون الموعد ان شاء الله

تمنياتي القلبيه للجميع بالتوفيق

وعلى فكره الموضوع ما يمنع انه يكون شباب وبنات

لانه محاضرتهم بعدنا على طول وعشان ما يكون فيه تشابه في الاسئله المطروحه

واللي ناقصنا احنا ما سألناه

اخوانا الشباب يكملونه بأذن الله

يلا حبايبي فكروا بأسئله

[najwa]

انا يمكن اسئله هالسؤال

هل اسئلة الاختبار ممكن يكون فيها جزء من الاسئله تطلع عن المحتوى ام انه كل الاسئله من المحتوى فقط

برررب جاري التفكير بسؤال ثاني

[آبيات]

اهم شي اسألوه عن الايات اللي داخله معنا ؟؟؟

يسلمووووووو ع طرح الموضوع

[زهرة الريف]

يعطيك العافيه يالغلا موضوع بمحله..
سؤالي طريقة سورة النبأ بالاختبار..
هل في الاختبار نوع من اسئلة صلي وصح وخطأ ولا كلها اختياري..

الله يوفقكم ويسهل علينا وعليكم وفااالكم ال a+..
تحياتي..

[najwa]

المشاركة الأصلية كتبت بواسطة mnoo0or

اهم شي اسألوه عن الايات اللي داخله معنا ؟؟؟

يسلمووووووو ع طرح الموضوع

الله يسلمك اختي

اتوقع الايات قد جاوب قبل وقال كل اللي بالمحتوى

بس برضو اذا قدرت اخذ المايك واتكلم ابشري رح اسأله

[najwa]

المشاركة الأصلية كتبت بواسطة زهرة الريف

يعطيك العافيه يالغلا موضوع بمحله..

سؤالي طريقة سورة النبأ بالاختبار..
هل في الاختبار نوع من اسئلة صلي وصح وخطأ ولا كلها اختياري..

الله يوفقكم ويسهل علينا وعليكم وفااالكم ال a+..

تحياتي..

الله يعافيك

اخاف اسأله يعصب علي هههههههههههههههه

عاد لو عصب تخنقني العبره على طول

بس ان شاء الله من ضمن طريقة السؤال بقول انه هل كله خيارات السبعين سؤال والا فيها طريقه ثانيه

اما حقت سورة النبا مازلت مصره انه اتوقع الهدف منها فائده لنا

[najwa]

يلا انا بروح اخذ لي غفوه او بالاصح قيلوله

وان شاء الله نلتقي هنا من العصر او من قبل المحاضره بنص ساعه عشان نشوف وش الاسئله المهمه

[زيدان9]

مشكورة اخت نجوى على هذي الفكرة والله يعطيك العافية ..


والدكتور بصراحة فيه رحابة صدر الله يجزاه خير وهذا شي يريحنا، المهم اللي يمسك المايك لا يخاف ولا يرتبك ولا تطقه العبرة
ولا يطلق المايك الا وهو مبرد خاطره من الاسئلة المفيدة ، اما اللي يقوله فيه تسميع والثاني يقول تبي تجيب آيايات. فلا تلومون الدكتور ان ضاق من هذي النوعية من الاسئلة.


بالنسبة لسورة النبأ اتوقع ان طريقة الاسئلة عليها تبي تكون يكتب آيه ويطلب منا اختيار الآية التي تليها . ما يكتب آيه ويطلب أكمالها عشان مايصير تحريف.

لكن اللي نبي نعرفه من جد هو : هل سيكون في الاجابات الحركة البايخة اللي ما احبها (جميع ما ذكر صحيح ) او ( ليس شيئا مما ذكر ) او ( الاجابتين كذا وكذا ) او هل فيه اجابات كلها صحيحة او قريبة للصحة ويفرق بينهم شي بسيط . تضيق الصدر قصة الاجابات المتشابهة.

وهل فيه تركيز على مواضيع معينة ام ان الاختبار شامل والاسئلة موزعة بالتساوي على جميع المحاضرات والمواضيع.



والله الموفق،،،

[هديل المشاعر]

صار للعقيدة 4 محاضرات مباشرة ولا عندهم غلط

فكرت راحت علينا محاضرة العقيدة كويس غيرو التاريخ

موفقين

رابط الحضور المباشر:أضغط هنارابط مشاهدة التسجيل:أضغط هناتاريخ بداية المحاضرة:27/11/2011 0600 متاريخ نهاية المحاضرة:27/11/2011 07:00:00 مرابط الحضور المباشر:أضغط هنارابط مشاهدة التسجيل:أضغط هناتاريخ بداية المحاضرة:08/12/2011 05:45:00 متاريخ نهاية المحاضرة:08/12/2011 0600 مرابط الحضور المباشر:أضغط هنارابط مشاهدة التسجيل:أضغط هناتاريخ بداية المحاضرة:08/12/2011 0600 متاريخ نهاية المحاضرة:08/12/2011 07:00:00 مرابط الحضور المباشر:أضغط هنارابط مشاهدة التسجيل:أضغط هناتاريخ بداية المحاضرة:11/12/2011 0600 متاريخ نهاية المحاضرة:11/12/2011 07:00:00 م

[هديل المشاعر]

أسألوه هل بيجيب

من القائل لهذه العبارة؟

وهل بيحط سؤال عن الشخصيات الموجودة كثير بصراحة