 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2011- 10- 21
|
||||
|
||||
ومـاذا بَعْد ..؟! [ يوم للعريفي بـ كليتنآ ]
[ALIGN=CENTER][TABLE1="width:95%;background-image:url('http://im17.gulfup.com/2011-10-20/1319138512402.jpg');"][CELL="filter:;"][ALIGN=center]
 وماذا بعد ..؟! لـ د.محمد العريفي الزمان : الأربعاء من الساعه 10 صبآحا الى 12 المكان : قاعة الأميره جواهر بـ كليات البنات بالدمام قبل البدء : ازدحام على البوابه من الصباح ومن أول مانفتحت البوابه الساعه 9 ونصف القاعه ممتليه بالرغم من ان المحاضرات الدراسيه تبدا 8 وتخلص 10 كان الحضور من مختلف التخصصات والطبقات والمذاهب اختكم في الله ماعندها محاضرات بهاليوم وحضرت عشان هالفرصه اللي أكيد مارح تتكرر وكنت بجانب [ دمعة الشوق وَ أمواج الغلا ]  الغريب في الأمر كنت بجدال عقيم ليلة هالمحاضره مع ثنتين ومن مذهبين مختلفه يظهرون ويصرحون بالعداء العلني للشيخ .. وأنه جاهل ولا يملك من العلم الا القليل وأنه يستغل مظهره الحسن وكانوا اول ثنتين لمحتهم في المدرجات  آلمهم .. مع بداية المحاضره المدرجات فُلْ ! المقاعد .. العتب .. الارضيه .. الاستيج فتحوا البوابه وفتحوا قاعات صغيره مجاوره .. بالقاعه نفسها كانت شاشتين عرض كبيره .. وانا كنت مباشره قدام وحده فـ اول ماطلع الشيخ البنات آوووووووووووه وبعدها تصفيق .. وانا لبق فيسي بـ كتف دمّوعه امواج الشينه تذكرت العجوز اللي تتغطى من التلفزيون وشبهتني بها بس وربي فيه رجال من هيبتهم ورجولتهم تنزلين راسج وفيه كثير ماتفرق معج اذا شفتيه هو ولا حرمته ! البـدايه : قصة اسلام ضمام بن ثعلبه اللي ماغابت الشمس وفي قومه أحد كـآفر ! طبعا حاولت اكتبها بأسلوبي مآزبطت معي مثله ماشا الله .. قوقلتها وحصلتها بأقل من 10 دقايق [flash=http://www.mashahd.net/fplayer/fp.base.swf?config=http://www.mashahd.net/fpjs/87f26229de1822fbada8?embed=1]width=480 height=385[/flash] لما قال ضمام لزوجته : اليكِ عني .. ماظنت فيه على طول .. جاي من سفر يعني اكيد فيه إنّا  فـ استشهد فضيلة الشيخ بقصة الرجل اللي بالدمام وزوجته من اهل الرياض .. وكل مره تحن عليه يوديها لأهلها  وكل شهر في مشكله جديده معه لـ نفس السبب .. مره رجعت ولا صار لها اسبوع من رجعتها دق بنهار الاثنين نسيب الرجال , آخو الزوجه وقاله : الوالد اتوفى و ودنا تجيب اختنا زهم حرمته وقال مشينا يبي يلحق على الصلاه ولا يبي يخبرها.. آنصدمت المره .. وبعد اقناع مستمر قالت طيب وش أجهز بالشنطه < حيلتي على خواني قال لها أي شي .. حرّكوا وهم من مشوا وهي تحن عليه نشبت بحلقه  آخر شي قالها اسمعي .. الشرع حلل لي أربع و و و و و المهم بخليج اسبوع عند اهلج الخميس عرسي والعروسه على الأقل يبيلنا اسبوع سوا يقول بغت تفتح الباب وتطب .. وهي اللي تصيح وتتحلطم والاولاد يتصايحون يقول بينه وبين نفسه لو قلت لها ابوج اتوفى اصرف لي لما قربوا وشافت السيارات وكذا .. يبي يمسكها بيدها يقولها وهي اللي تنفض يدها وتقول لا تقربني ولاتلمسني قالها يَ حرمه اسمعي .. ابوج اتوفى .. قالت الله يرحمه !  اهم شي انت ماتزوجت ! <<< آوووم الجحده مربيج ومعيشج ومزوجج وتاليها ببساطه الله يرحمه ! قالها كم تبين تجلسين ..؟ قالت لا خلاص استنى بس اسلم واعزي ونرجع للدمام .. العيال وراهم مدرسه  كمل الشيخ قصة ضمام .. وقام يثير هالسؤال بنفوسنا .. احنا وش سوينا !؟ هذا وهو توه يسلم ولا معه من العلم الا قليل ولا امسى ذاك اليوم الا وربعه مسلمين معه ! احنا درسنا .. حفظنا اجزاء .. فاهمين .. واعين .. ملمين بأسس الدين .. نواهيه وأوامره وماذا بعد ..؟!  أنتهت الساعه الأولى .. ابتدت الساعه الثانيه من المحاضره اللي خُصصت للأسئله حتى لاحد يظن ويروح فكره بعيد .. كان المايك مع مسؤوله تفتحه وبمجرد ماتلقي السؤال تسكره يعني نسمع الشيخ وهو مايسمعنا اتجمعت الاسئله وكانت كثير × كثير × كثييييييييييير اختاروا منها كم سؤال لـ ضيق الوقت المسؤولات والمنظمات شويه تأخروا .. فـ هو انصدم ماوصله ولا أي سؤال ! قال : انتم يَ تعرفون كل شي تمام ولّا ماتعرفون ولا شي  برب نجيب الأسئله المذهله !  [/ALIGN][/CELL][/TABLE1][/ALIGN] 
|
|
2011- 10- 21
|
#2 |
|
مشرفة قسم الخريجين سابقاً
|
رد: ومـاذا بَعْد ..؟! [ يوم للعريفي بـ كليتنآ ]
*[ALIGN=CENTER][TABLE1="width:95%;background-image:url('http://im17.gulfup.com/2011-10-20/1319138512402.jpg');"][CELL="filter:;"][ALIGN=center]
س : انتشر في الكليه وضع الحلق على اللسان والشفاه , توجيه ؟ ملامحه اتغيرت < مَ تنلـآم وربي !  وضّح آلشيخ اجابته من طرفين اولا : ان مافيها شكل جمالي - بالعكس امر مقزز - خصوصا وقت الاكل وهيك ثانيا : فيها تقليد لـ عبدة الشيطان س : هل يجوز لي اتزوج شخص من مذهب آخر ؟ اجابته مره رائعه ! .gif "(204)") قال اذا عقيدته سليمه فـ يجوز لك ذلك , حتى لو سمّى نفسه سنّي أو شيعي أو صوفي أو سماوي .... آلخ بمعنى : اذا مايعتقد بنقص القرآن وانه باقي قرآن بينزل بآخر الدنيا , اذا ما يكفر الخلفاء الراشدين , اذا امنا عائشه هي أمّه ] فيما عدا ذلك فـ حكمه حكم زواجك من مسيحي ! س : اتطلقت وقت النفاس وتزوجت بعد 6 سنين هل زواجي صحيح ؟ زواجك يَ بنتي صحيح .. اللي بعده  س : حكم الزنا وجمع الصلاه ؟ من الصدمه اللي جاتني ماقدرت اركز بالاجابه وربي ..  اللى اذكره قال عقوبه التاخير الصلاه فى البرزخ وكان شئ مخيف جداا فما بالى فى جهنم ...  يعنى لا تتهاونون بتاخير الصلاه .gif "(177)") س : ماحكم كشف الوجه وعباية الكتف الفضفاضه بالعمره ؟ قال انا راح اجاوب على عباية الكتف .. بس لاتروح فيكم وحده تنزل بمنتدى وتقول العريفي اجاز لي العبايه ! << متت ضحك  قال العبايه اذا صارت عباية كتف و فضفاضه جدا 45 سم  وفوقها خمار اللي يجي اطرافه حد اليد اذا نزلتيها فـ هنا لابأس فيها  على طاري العبايه .. الشيخ مررره منصدم  من العبايه الاستريتشلدرجة انه يقول استر لها لو ماتلبس عبايه ! فعلا العبي اللحين يبيلها عبايه فوقها ! وبالنسبه لكشف الوجه .. قال حاجه جميله مقنعه يقول اذا طلب منك اخوك تشوفين له بنت حلوه تخطبينها له وكل يوم وهو يسئل اليما حصلتي ذيك البنت الحلوه .. وقلتي له واتحمس .. يَ اللاه اوصفيها لي وبديتي تشرحين : بتقولين وآلله يَ خوي ساقها تهبّل ! متناسقه وشكلها يجنن .. بس عيبها اصبع رجلها الاخير طايح عليه درج وهي صغيره ومتشوه ! بيقولك وبعد ..؟ .gif "(107)") يبيك توصفين وجهها , شعرها , لأنه بأجماع الكل مكمن جمال وجاذبية المرأه [ وجهها ] يعني لو تغطين وجهج وتكشفين سيقآنج آصرف آلمهم آن اللي قاله الشيخ : للي خلوا الدين كله وطبقوا فتوى من اجاز بالكشف فـ نقول آن اللي اجازوا الكشف اشترطوا بدون زينه ! وحنّا الله يخلف حتى المستشفى صرنا نتكشخ له >.<  س : محادثة الشباب بوسائل المحادثه عن بعد ؟ يقول اللحين اتوفرت عندنا جميع الوسائل .. مسن .. شات .. منتديات .. بيبي .. واتزاب كل شي ! وآلله ثم وآلله محد خسران غيركم يَ بنات  لاتقولو هذا بس بالسعوديه ! هذا عندنا عشان مجتمعنا وعاداتنا ! ترا حتى الاجانب الامريكان دايم اللي خسرانه المرأه ! تخق بسرعه وينلعب عليها بكلمتين ولا وقع المحظور تجلس باكتئاب وتعاسه 9 شهور وهو ولا درى عنها ولا حس بنص الآمها ! هذا اذا مالعب عليها الشيطان واتخلصت منه بطريقه غير انسانيه ! قال لنا قصتين وآلله انها من ابشع القصص اللي مرت علي =( الأولى : دقّت عليه وحده وهي بالشهر السادس تبكي وتشكي له من هـ اللي يدّعي الانسانيه ماعاد يرد عليها وهي على وشك ولاده وحالف لها بكل مره انه مايعرف غيرها وانه يبيها ويبي يتزوجها أخذ الارقام منه .. واتوصل له بطريقته اول ماكلّمه وحسّه بيتهرب .. قال قسم بالله ان مارديت لا انادي الشرطه والهيئه عليك ويقبضونك وووو ... فـ خاف وضبط معه لقاء يقول اول ماشفته .. استغفر الله شكله بس شكله ( ينقض الوضوء ) للي يتصيد على الشيخ تراه ماكان يعيب خلق ربي له , بس كنايه عن سوء الشخص , ومعروف اش اللي ينقض الوضوء ! جلس يقنعه الا تتزوج .. مايصير ووو من هالكلام ! قال : انا اتزوج هذي ! ( بأحتقار ) مب انت اللي تحلف لها بكل خطوه انك ماتبي غيرها قال شسوي هي اللي التفتت لي وعطتني وجه !! ترا كانت البدايه من هالوسائل اللي نستخدمها يوميا ! حاجه ثانيه مؤلمه جدا جدا جدا .. تأثر اغلب الحضور !وحده ثانيه كلمت الشيخ تبكي من شدة بكائها انقطع الاتصال رجع الاتصال .. هذي وحده نفس اللي بالقصه السابقه بس حالتها صعبه .. عايشه مع زوجة ابوها ولما وقعت بالمحظور .. وجاها المخاض .. واشتد الألم دخلت دورة المياه - تكرمون - عشان لاتسمع زوجة ابوها صوتها وتمخضت اليما ولدت !! تخيلو عذاب الولاده ومكان ميلاد روح جديده ( دورة مياه ) !! شافت الطفل يتزحلق على الارضيه ويصرخ بشكل متواصل خافت تنفضح .. حطت يدها على فمه تبيه يسكت لما اشتد صراخه رمته بسطل المويه .. مات !  اقصصصد .. اقتلته ! اي نعم قتلته !  اي حياه ! اي ذل ! اي استعباد مشاعر يسويها رجل يدّعي رجولته ! بنات خذوا نظره بعيدة المدى .. رتبوا توقعاتكم لنتيجة قراراتكم .. اذا شي فيه نسبة 1 % ضرر عليج بلاش منه !! الناس يشترون راحتهم وانتي تسعين وراها ...!؟ في النهايه: دعى الشيخ دعاء جميل لكل الفتيات والحضور وحذرنا من الغوايه او نغوي احد لأن اذا خربتي على احد ودعا والدينها [ الله لايوفق اللي كان السبب ] ترجع الدعوه عليج فـ لا انتي اللي اتوفقتي بدنياج ولا آخرتج ..  [/ALIGN][/CELL][/TABLE1][/ALIGN] |
|
|
|
2011- 10- 21
|
#3 | |
|
فريق تطوير الملتقى
|
رد: ومـاذا بَعْد ..؟! [ يوم للعريفي بـ كليتنآ ]
حوآر جداً جميل وَ حضور جداً راقي , مميز هذا الشيخ , وَ كم أحبه في الله " شكراً جميلة على هذا التقرير المميز , أفدتينا بِ كثير حاجات , , اقتباس:
طيّب وَ اللي تجيهآ كتمة , وَ هي فيهآ ربو أصلاً وش تسوي بهالحالة |
|
|
|
|
2011- 10- 21
|
#4 |
|
فريق تطوير الملتقى
|
رد: ومـاذا بَعْد ..؟! [ يوم للعريفي بـ كليتنآ ]
وَ شكراً لِ الشريرة [ أموآج الغلآ ] كفو وَ الله يَ بعدي , مآقصرتوا في إخرآج الموضوع بِ أبهى حُلة , لآهنتوا يَ الغوالي |
|
|
|
2011- 10- 21
|
#5 |
|
أكـاديـمـي مـشـارك
|
رد: ومـاذا بَعْد ..؟! [ يوم للعريفي بـ كليتنآ ]
تقرير وافي ومميز ومن اجمل التقارير
الجميله ، ، امواج كلمة شكراً لاتكفي لابدآعكم دمتم لنا ودآمت حروفكم القيمه وِفْقتم
|
|
|
|
2011- 10- 21
|
#6 |
|
أكـاديـمـي ذهـبـي
|
رد: ومـاذا بَعْد ..؟! [ يوم للعريفي بـ كليتنآ ]
أختي آمــواج الغلا سلمت يمناك على الطرح القيم والهادف دائمآ متميزة في موضيعك جعلهـا الله في موازين حسناتك |
|
|
|
2011- 10- 21
|
#7 |
|
صديقة مدونات الأعضاء
|
رد: ومـاذا بَعْد ..؟! [ يوم للعريفي بـ كليتنآ ]
 ماشاء الله تبارك الله .. تقرير وافي وكافي ويُقرأ مع الشاهي >> ياسماجه وما بعد كلامه كلام الله يكتب له الأجر .. تستااهلون أحلى تقييم وأحلى لايك وحبة خشم  الله يوفقكم ويسسهل دروبكم ..  _________ البنات إلي يحطون حلق بلسانهم الله لاتبلانا هم مايحسون بأنفسسهم انتوا تسمعون وشلون يتكلمون كأن أحد قاص لسانهم وث وث = وش وش  |
|
|
|
2011- 10- 21
|
#8 |
|
أكـاديـمـي مـشـارك
|
رد: ومـاذا بَعْد ..؟! [ يوم للعريفي بـ كليتنآ ]
Jamilah ~♥ & امواج الغلا أفدتــونآ , وأمْتَـعْتونآ بِ هالموضوع الرآآقي معَ الرآآئــع الشيخ الدكتور محمد العريفي أهنيــكمْ صرآحه [  ]شــكراً لــآ تفيكٌمـ حقّكم ع الطرح الرآآآقي .." ودي http://up.tgareed.com/upfiles/eRZ03314.gif |
|
|
|
2011- 10- 21
|
#9 |
|
أكـاديـمـي ألـمـاسـي
|
رد: ومـاذا بَعْد ..؟! [ يوم للعريفي بـ كليتنآ ]
ماشاء الله تبارك الله تقرير رائع بارك الله فيك ...
والشيخ العريفي ماشاءالله عليه محاضراته دائماً تكون مشوقه الله يجزاه كل خير . تسلم يدينك على الموضوع واسأل الله ان ينفع به . تقبلي مروري |
|
|
|
2011- 10- 21
|
#10 |
|
أكـاديـمـي ألـمـاسـي
|
رد: ومـاذا بَعْد ..؟! [ يوم للعريفي بـ كليتنآ ]
ما شاء الله تقريرك جمييل
أندمجت بالقراءة ومعلومات يستفاد منها الله يوفقك ~ |
|
|
|
| مواقع النشر (المفضلة) |
| الكلمات الدلالية (Tags) |
| للعريفي, بَعْد, دول, ومـاذا, كليتنآ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ جميع التخصصات ] بَعْد تَسْلِيْم آَخَر وَرَقَة إِخْتِبَار فِي الْحَيَاة الْبَكَالُورْيُوسِيّة أصْبحَنْ { خْرِيْجَات } | أميرة التميز | منتدى كلية العلوم بالدمام | 46 | 2012- 1- 31 03:50 PM |
