عذرا ياطالبات العلوم

[سبحان الله]

اسأل دائما نفسي لماذا اخواتنا من الكلية يجلسون على السلالم للإفطار او المذاكرة ولايفكرون بالمارة على السلم او الدرج وكأن الدرج بيتها وهذا التصرف غير لائق بطالبة علوم بالإضافة إلا انه منهي عنه في الإسلام لأنه مكان شياطين

[الإلكترونية]

تقصدين أيام الإختبارات ؟!

ربما لأن الأمن يمنعون الدخول داخل المباني والقاعات

يعني بصراحة ع1 و ع2 ليش يمنعون الطالبات من الدخول في الفترة الصباحية إللي تسبق الساعة 8 ؟!

أعتقد إن الدور الأرضي لهذه المباني خالي من قاعات الإختبار

والطالبة تضطر للجلوس على الدرج ( رغم إن الأمن يمنع ذلك في أغلب الأحيان ) لأنه أكثر هدوءاً من الصالة


طبعاً لا يعني ذلك إن وضع الطالبات على الدرج عاجبني .. ولكن الطالبة تضطر للجلوس في هذه الأماكن للبحث عن مكان ( أكثر هدوءاً ) من غيره


بالتوفيق للجميع

[###zarra###]

والله فعلا وضع الطالبات المسكينات وهم يجلسون على الدرج ياحرام يكسرون الخاطر :011:
ياليت فيه كراسي زي العالم والناس مرتبن وحلوه وردية اللون :g11: يعني عشان بنات هههههههه

لا اذا صعدتي ع1 من الدرج قبل لا توصلين للطابق الثاني طلي على برا من الزاوية اليمين بتلاقين ملايين الكراسي المحذووفه في سطح اطابق الارضي :mh19: وحاذفينها على الزاويه بشكل غير واضح للي تمر مدري ليه :mh19:



بس ماشاء الله جامعة البترول تنظيم رهيب ياليت يجيبون واحد من المسؤلين هناك لكلية البنات
على الاقل يغيرون الصبغ ويحطون درامات زباله للبنات


الله يستر من كلامي بنطرد من المنتدى :c8:

[الجــ2008ــوري]

اي وانتي الصادقه يا حنان ..
وبالذات الصبغ الوردي للكراسي .!!!
يا حبيبتي خليهم يعدلون الاسقف اول :no2: ويمسحون صندوق الاقتراحات من الغبار ويشغلون المكيفات ويرحمونا .. خسنا والله .. :bngo12:
عموما ماحد يحب قعده الدرج لان لازم تجيك ضربه من هنا والا من هنا من رجل وحده من البنات بس شنسوي ..والله العالم بحالنا

[كيميائيه]

صحيح ياأختي أنه مكان غير لائق,,بس لاتلومين البنات,,
لأن مافي حل ثاني وين يقعدون بالصاله اللي تشرح الصدر والهدوء اللي فيها,:bngo12:,
أنا عن نفسي شو رايك أني عمري ماقعدت بالصاله,,,من أجي الصباح علط:g8:ول على المصلى(أحلى مكان في الكليه نظيف وباااااردوهدووء يجيب النوم ,,وفي الشتا نقعد جنب المصلى(في البر),,,شو رايك تمرين علينا ؟؟

[لين العود]

صحيح كلامكم ...


والموضه الجديده اللي هــابين فيها ايــام الامتحــانــات ...


يطفــون التكييف .. واحس ان الدرج هو ابرد مكــان بالنسبه للطــالبات وبعدين الصــاله بتكفي مين ولا مين ..

[ابنة النشاط]

:)
المنظر غير لائق
ولكن قد يضطرن البنات لذلك

الامر الغير لائق فعلاً
هو عندما يبقين الطالبات بقايا الطعام على الارض
ولا يحاولن ابعادها على الاقل عن الطريق
بالرغم من وجود سلال النفايات في كل مكان ..
:

[انشودة]

انا معك يا اختي 100 %

الجلوس خطا خطا خطا على الدرج والسلالام
تخيلي وحدة حامل تبغى تصعد الدرج تلقى الامة جالسة وللاسف نفتقد الى الذوق العام تلقيناذا جيتي تصعدين البنات ما يتحركون يبغونك تنقزين فوقهم :bngo12:

[WINGS]

لأن طالبه االعلوم " اتحدث عن نفسي" مشغوله دائما .. ماعندها وقت انها تروح للكافيتيريا لأنها بعيدة .. وأوقات المحاضرات متقاربه .
والشي الثاني انو الكافيتيريا دائما زحمـــه .. لأن الكافيتيريا حقت العلوم كلها بنات الآداب !!
والشي الثالث . انو الصناديق " اللوكرات" عند السلالم .. والسلالم قريبه جدا من المعامل وصالات المحاضرات ..
القصد مو "الأكل مع الشيطان " او "التصرف بشكل غير حضاري " !!
وانا مرة كنت جالسه بصاله الكليه آكل فطوري وقريب من مبنى علوم 5 .. جت موظفه الأمن وقالت لي : قومي اكلي على الكرسي .!!
ولما سألتها قالت لي الحمدالله الكليه فيها كراسي !!:mh19:
لو ان مبنى الكليه حضاري .. فيه طاولات وكراسي و كافيتيريا توسع لنا وقريبه من القاعات هذيك الساعه تكون الفرصه امامنا اننا نستعمل الأدوات ونتصرف بشكل حضاري..
بالاضافه ان قعدة السلالم فيها هــدووء والمكان بارد لأنه عند النوافذ واذا جلسو البنات يكونون متقابلين وهذا يجعل السلالم المكان المناسب للمراجعه قبل الأمتحان
هو فعلا انا معاكم ان قعدة الدرج مزعجه بطرق عدة بس لها مميزاتها واسبابها ..

[Like Dream~]

صدق أتعب أحيانا إذا جيت أروح للدور الثالث .. يعني تمرين ولا يتحركون يرررفعوون الضغط


صحيح انه أحسن مكان للجلسه بس على الأقل يفتحون طريق للمارات


ودمتم سالمين