 |
|
||||||
| منتدى الكلية الجامعية بالجبيل منتدى الكلية الجامعية بالجبيل ; مساحة للتعاون و تبادل الخبرات بين طلاب و طالبات الكلية الجامعية بالجبيل و نقل آخر الأخبار و المستجدات . |
 |
|
|
أدوات الموضوع | إبحث في الموضوع |
|
#1
2011- 9- 21
|
||||
|
||||
|
كيف تحافظ على وزنك؟ وتقضي على كرشتك بطريقة صحية ملائمة لوضعك الدراسي
بسم الله الرحمن الرحيم
السلام عليكم ورحمة الله وبركاته اليوم موضوعي يمكن يعتقد البعض إنه بعيد كل البعد عن الدراسة ولكن الموضوع فيه صلة ربط عجيبة ومن خلال الاستطراد بالموضوع < استصطراد o.O المهم مدري وش يبي المصطلح يَ ربّ صح  كيف تحافظ على وزنك وصحتك وطريقة التخلص من الكرش من واقع تجربة .gif "(204)") الموضوع للشباب والبنات أولاً: لازم إنك تمشي لمةد ساعة يومياً، مَ هو مشي دلع وعلى بيض لازم تلبس لبس مريح وأهم شيء الجوتي وأنتم بكرامة لازم تكون مخصصة للمشي مو تمشي ب زبيري ولا كعب < للبنات فيه محل يقاله (المتجر الوطني) موجود في الجبيل البلد والصراحة مسوين عروض وتخفيضات يَ تلحق يَ مَ تلحق .. الفلبن مكوشين على كل شيء تقض لعمرك وبالنسبة للبنات مدري وين تروحون عشان مع المشي مَ تحس بالتعب لآن رجلك حَ تتفطر إذا مو مريح الشوز < اسألوا مجرب عادي تحط داخلها اسفنج من محلات تصليح الجزن وأنتم بكرامة < ترى طولتها بذا الكلمة خلال مَ بقول وأنتم بكرامة في كل جملة .. وأنتم بكرامة على طول < وش أخربط o>O نجي لمرحلة المشي .. تسخين لمدة 10 دقايق قبل المشي والتسخين يكون كالتالي تحرك يديك يمين ويسار وتسوي مثل التمارين الصباحية أيام الطابور الصباحي وتسوي تمارين شد الفخذ وتحريك الظهر إلخ عشان لا يجيك من بكرة شد عضلي م تقدر تقوم منه وتداوم وبعدها توكل على ربك وامش لمدة 50 دقيقة لأنك تمرنت 10 دقايق خلال العشر دقايق الاولى لا توقف .. اعمل التمارين وانت تمشي بهدوء وسكينة ووقار وبعدها امش بسرعة ولا توقف .. يّ حبذ لو يكون معك أحد يسليك ويضيع الوقت أو تصطحب معك آيبود/آيفون/ نوكيا / بيبي .. الي هو اشبك سماعة واستمع سواء قصص لغة إنجليزية وتستفيد أو قرآن كريم عشان ينشرح صدرك مَ أنصح بالأغاني لأن مرات يجيك حالة وودك ترقص قدام الناس بالذات لو كنت تسمع لرابح أو الفارس أو الماجد أو الزيعلي طمبق طمبق  ولو سمعت لمحمد عبده يمكن تفترش الطريق وتنام لأن أغانيه هادية .gif "(269)") ويمكن تروح جنب البحر وتبكي وتفكر ويشيب راسك  خالد عبدالرحمن هاه شسمه اممم يمكن ودك تشب ضوء وتتلثم وتمسك خط الجنوب < مدري ليه ههههههههههه المهم باك آفتر شطحة انتهينا من أولاً < كل مَ سبق كان أولاً  ثانياً الله لا يهينك خف يدك وانت تأكل مهب لازم يطلع من بطنك صوت وغغغغغغ بعضهم مَ يرتاح إلا يخلص الصحن الي قدامه < بالعكس ميزة خل صحنك شوي .. وخلصه وقم مع الوجبة لا تشرب الماء والبارد وابتعد كل البعد عن الغازيات اشرب العصائر الطازجة .. عندك فرغلي / عصائر الامارات في الواجهة < المصارية  فاصلييييييييييين وصراخ في المحل أطلع وانا مصدع والتي في حاطين أم كلثوم بصوت قوي  اشرب الشاهي الأخضر بعد كل وجبة بفترة بسيطة على أن لا يزيد معدل شربك عن 3 أكواب يومياً واحد تحمس وجلس يشرب دله شاهي أخضر يقال يختصر المدة ، المهم راح للدكتور يشتكي من بطنه طلع أبو الشباب حارق الغشاء الي على جدار المعدة وأصيب بقرحة الله يعطينا وإياكم العافية وهو كذلك الموضوع الآخر أقل شيء اشرب 6 إلى 8 أكواب ماء في اليوم فهو يحسسك إنك شبعان وما تأكل غير الوجبات ، وغير كذا قبل الوجبة بنص ساعة اشرب لك كوب قل للعالم ترى أنا عندي نظام صحي وأتبعه .. بكذا مَ أحد يحرجك ويقدرون إذا أنت ساكن عند أهلك قلهم خففوا من حلا القهوة مع المغرب والدسوم لا تروح للسوق وأنت جوعان .. أقلها اشرب كوب ماء واطلع لأنك لو رحت جوعان مَ بتخلي شيء إلا وتاخذه ثالثاً: سجل بنادي وترى تكلفته بسيطة جداً وكانوا يعطون خصم للطلاب مدري عن الآن .. بالنسبة للبنات فيه الحويلات بوه نادي وعندكم كران وحق كران دخلته بنفسي جيد ومقبول وكذلك الانتركونتيننتال < صح o.O حلو كذلك زوين المهم سجلوا بنوادي والي آبائهم في شركات سابك ترى لكم خصوم في نوادي شركاتكم أنا أدري إني طولتها ولكن نجي لربط الموضوع مع الدراسة لو كنت بدين (سمين) مَ بتذاكر وبتقعد منقع في المطبخ وتأكل ولو كنت بدين أنفاسك بتتعبك وأنت تقرأ الكتاب تقعد تنافخ لين تطير الورق سوف تتوسع فتحات خشمك بمجرد طلوعك ونزولك من الدرج لن تجد كرسي يحتوي شسمه في الجامعة وستبقى جالس على جنب وجزء من جسمك خارج الكرسي مما يعيق على الذين خلفك رؤية المحاضر سَ تتضايق من حمل الكتب وتكتفي بحمل نفسك عوضاً عنها كل ما كان جسمك صحي وتمزن تتحسن صورتك وشكلك يزين مهب تصير أطخم وخقه لا لا بس تصير أفضل مَ شاء الله معاً ويداً بيد لنصبح أول كلية جامعية رشيقة وصحية  للمعلومية الجامعة فيها (كافتيريا الفقر) حفاظاً على صحتك وعساااااااكم على القوة ودعواتكم القلبية 
|
|
2011- 9- 21
|
#2 |
|
أكـاديـمـي ألـمـاسـي
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
نسيت أمر
ابتعد كل البعد عن المعجنات الناس تقول عشاء خفايف، أبد معجنات وعصير طازج < صحي مَ شاء الله المعجنات سلمك الله كلها خماير وتزيد الوزن وتجوع بعدها بفترة بسيطة السكاكر كذلك حاول تقلل منها بقدر المستطاع ولكن خذ شوكليت باليوم صغير لأنه مفيد  تناول الفواكه والخضراوت الطازجة ابتعد عن النوم بعد الوجبة مباشرة < يَ لبيه بعد الغداء أحلى نومه < مَ فيه شهر واحد فقط .. وتطلعون أرشق وأصح ناس إن شاء الله كل مَ تذكرت شيء بجيكم الحقوق: حقوقي  |
|
|
|
2011- 9- 21
|
#3 |
|
أكـاديـمـي فـضـي
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
ههههههههههه مشروع دكتور..
شكلك وأنا أختك متعقد من الكرش 
|
|
|
|
2011- 9- 21
|
#4 |
|
أكـاديـمـي نــشـط
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
الرياضة أهم شيء لصحة الانسان
يعطيك العافية أخوي |
|
|
|
2011- 9- 21
|
#5 |
|
أكـاديـمـي
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
fitness and health
> . . موضوع مفيد ، يعطيك العافيه 
|
|
|
|
2011- 9- 22
|
#6 |
|
أكـاديـمـي نــشـط
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
+ الرياضه تفتح الذهن مضبووووط وتريحنا من التفكير شوي >> صارت هالجامعه ماخذه تفكيري 24 ساعه
أكثر شي أسويّه الرررركض وتمارين الإطاله  يعطيكـ العافيه أخوي نصائح في محلّها , صراحه عرفت عن بنات إنّهم يزيدون كل سمستر ثلآث كيلو أو أكثر والله انذهلت من تغير أشكالهم |
|
|
|
2011- 9- 22
|
#7 |
|
:: متميزة في ::
منتدى الكلية الجامعية بالجبيل 
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
الوزن
 جبتها ع الجرح وكانك مادريت  انا هالسنه امشي ع دايت وخسيت شويااات ادعولي بالجسم الممشوق والصحه والعافيه السليمة ياارب
|
|
|
|
2011- 9- 24
|
#8 | |
|
أكـاديـمـي نــشـط
|
رد: كيف تحافظ على وزنك؟ وتقضي على كرشتك بطريقة صحية ملائم لوضعك الدراسي
موِضوعْ مفيد جداً [  ،وأحس في كثآر يعآنون من السمنه للأسف [ امـآ بخصوص .. اقتباس:
أي شخص جسمه مو متعود ع المشي صعبه يمشي من أول يوم ساعه أو ساعه الإ عشر يعني ع الأقل نص ساعه لمده أسبوع وبعدين يكملها بـ ساعه الإ أو ساعه لآن اللي مو متعود ع الحركه أصلاً .. بس تخلص الساعه بيحس انه متبهدل حده ورجوله مو شايلته [ .. بعكس لو عوّد نفسه ع المشي بالتدريج من الأقل فـ الأكثر [ و إضافه بسيطه .. * اللي بيمشي لآيأكل بعد المشي على طول أو يأكل ويمشي [ في بنآت أعرفهم أستغرب منهم يعني يروحون الممشى هذا مال القنآه المائيه [ تقريباً يوميا عشان يمشون ساعه إلى ساعتين كل يوم وهذا شي حلو بس المشكله يخلصوآ من المشي و وينك يـ مطعم بـ كذا ماسوو شي :( * يعني اعتبروها نصيحه ، إضافه لـ كلآم الأخ ,, على هوآكم + يعطيك ربي العآفيه [ |
|
|
|
|
2011- 9- 27
|
#9 |
|
أكـاديـمـي ألـمـاسـي
|
رد: كيف تحافظ على وزنك؟ وتقضي على كرشتك بطريقة صحية ملائمة لوضعك الدراسي
من تاريخ كتابة هذا الموضوع حتى هذا اليوم مَ مشيت أبد
وجاتني وعكة صحية جعلتني طريح الفراش  ذهبت للمواساة مول ولا استفتدت شيء يعبون الكيس أدوية كأني طالع من بنده وقال لي شسمه تبي ابرة  قلت وين؟ قلت في شسمه قلت انزح وراك يَ شيخ  أقصد دكتور يَ جماعة اذكروا ربكم أول مره تشوفون واحد صحي يزيل كرشته معد بقولكم أي شيء  دعواتكم |
|
|
|
2011- 9- 27
|
#10 |
|
أكـاديـمـي نــشـط
|
رد: كيف تحافظ على وزنك؟ وتقضي على كرشتك بطريقة صحية ملائمة لوضعك الدراسي
خطاك السوء اجر وعافيه ب اذن الله
اضحك الله سنك ترى المرض يخسس يعني متسدح وينزل من هالكرش وش احسن من كذا .. طلع المنتدى من اصحاب الاوزان الثقيله يبي لنا الخاسر الاكبر هنا ي الله اليوم ببدأ مشي ننتظر المغرب على خير
|
|
|
|
| مواقع النشر (المفضلة) |
| الكلمات الدلالية (Tags) |
| للائمة, لوضعك, الدراسي, تدافع, بطريقة, صحية, علي, وتقضي, وزنك؟, كيف, كرشتك |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ][乂النصر乂][ رابطة الملكي][乂النصر乂][ | ₪ƦάЂƳ ДĽ7εƧ₪ | ملتقى الرياضة | 3666 | 2013- 10- 7 10:07 AM |
