[ شعر ] : عذب القصيد

[الـدوسـري]

ضروري اقسى على قلبي واعيش امحروم
وأودعك .. والوداع اصعب ظروف الحياه
ضروري انساك وأبعد عنك وأقفي وأشوم
والا انت لولا مقاديرك .. ماعنّك غناه
ماني بـ( جافيك ) كره .. ولا معرّضك لوم
ألّوم وقتٍ على فرقاك دارت رحاه
دمعتك هذي لها فاقصى ضلوعي علوم
اسطى من السيف واثقل من جبال السراه
لاااا اشوفها .. والخطا مانيب عنه معصوم
لكّن طالبك تمسحها بـ( كّم ) العباه
لاتكّمل اللي بقى / ماني بناقص هموم
دربٍ جمعنا سوى .. وصل بنا منتهاه
والهاجس اللي على فراش الجروح مخدوم
اطيح دونه وانا كل امنياتي وراه
والله يالولاك مالي فالمحبه لزوم
يا أعز مخلوق فوق الارض تآطا اخطاه
قصايدي فيك خلتني مابين النجوم
حتى تميّزت عن غيري بخط اتجاه
الله يحللّك ماهب الصبا كل يوم
قنعت !! بأن البنادم مايحقق مناه
شفني خسرتك .. ولكن مارجعت مهزوم
يكفيني اني تجاوزت ألفت الانتباه
قلبٍ عرف ويش معني الحب ..! حلال قوم
لو أسعد الله صباحه .. ما أسعد الله مساه

للشاعر / مشعان البراااق

[صمتي جنون]

صح لسان شاعرها وتسلم يمينك
قصيده راقت لي جدآ
واصل باانتظار جديدك ~



تقديري واحترامي لــ سموك ~

[الـدوسـري]

صمتي جنون .. نورتي خيتي ولا عدمت مرورك العطر

[لوجي الشرقية]

اودعك ,, والــــــوداع اصعب ظروف الحياة

^^ بالفعل اصعبها

انتقئ مميز رعــــاك المولئ

[الـدوسـري]

لوجي .. صدقتي الوداع اقسى ظروف الحياة وخصوصا الذي لا يكون بعده لقاء

شاكر لك مرورك اختي

[آم فـرآس~]

ضروري اقسى على قلبي واعيش امحروم
وأودعك .. والوداع اصعب ظروف الحياه

روعــــــــة..صح لسان شاعرها..
وسلمت اناملك على الانتقاء الجميل..,’

تقبل مروري خيو وكسلر..,’