ارجوكم ساعدوني ابغى رد ياطلاب الصيدله

[نيسان]

ممكن لطالب متخصص في الصيدله يقدر يقولي طبيعةالدراسه كيف

هل هي صعبه زي ماسمعت من البعض انها مره صعبه ولا عادي زي اي تخصص يبغى اليه مذاكره

يعني ابغى اعرف كل شيء بتفصيل وهل اذا كانت دبلوم تكون اسهل الدراسه يعني وش تدرسون

مثل منهج الكيمياءالي بالثانوي بس بتوسع اكثر يعني خبروني عن كل شيء

ادري طولت عليكم وثقلت بس ابغى استفيد من المعلومات وساعدوني

[نيسان]

افا مو لهدرجه الي طالبته ما الي رد

يالله ابغى ردود :011:

[صيدلي المستقبل]

بصراحة ما اقدر افيدك لاني طالب جديد

بس اقولك اذا كنتي ترغبين بالقسم ادخلي و ما عليك من الكلام

دائما نسمع كلام حتى بالثانوية يقولون ثالث ثانوي صعبة و ما تقدر تجيب معدل و بعدين طلعت سهلة و تافهة

و يقولون الطب صعب و اللي يدسون طب كثير ما شاء الله داخل السعودية و خارجها و ماشيين

[روح شفافة]

موووفقه حبيبتي..

وكلام صيدلي عين العقل..

اذا انتي حابه هالتخصص بتمشي فيه ولا عليكِ من أحد..

وكل شيء يجي بالعزيمه والاصرار..

دعواتي لنفسي ولكِ وللجميع بالتوفيق والسدااد..

[saud077]

وانا كمان بضيف شيء بسيط
لو سمعنا كلام الناس صدقيني محد مشى بالدنيا هذي
انتي حبيتي شيء صدقيني راح تبدعي فيه لانو الناس ما راح ينفعوك
هذا الكلام

[الفيصـــــل]

في البداية اعتذر لك اخوي نيسان توني اشوف مشاركتك




حط ببالك مافي شيء يجي بالسهل



وصدقني وانا اخوك الصيدلة سهله مرة شوف انا داخلتها وانا مابيها وماحبها بس النصيب




لكن الحمدلله حصلت على معدلات احسن من جيد جداًُ




انت شد حيلك واترك التفكير عن كل شيء ولاتفكر الا بدراستك وبس




وصدقني بتلقى نفسك تبتدع فيها



واي شيء ينقص عليك ول تبغى مذاكرت حاضر وتحت امرك يالغلا

[Dr.Zaz0oo]

انا طالب سنة ثانية واقول لك بكل صراحة وشفافية اذا كنت تحب الصيدلة مافي شئ راح يوقف في وجهك واقول ان الدراسة عندنا يبغالها شوي مو زي الكليات الثانية بس بالمراجعة وتمشي مع الدكاترة خطوة خطوة ماراح يصعب عليك الموضوع والحمدلله عندنا طاقم مميز من هيئة التدريس وكليتنا اعطيها درجة الامتياز في التنظيم
ولا في شئ في الدنيا صعب
خل هذا شعارك!!!!!!!!!!!!

[د رشا]

بالتوفييييق