[ جامعة فيصل ] : اختي زهور الفرنسيه وكل اللي يبي يستفيدون

[عيون آلمهآ]

السلام عليكم ورحمة الله وبركااااته

إختي زهور الفرنسيه انا رحت الجامعه وقالت لي الوكالة عمادة القبول والتسجيل اني لازم اخلي اخوي يروح لقسم الرجال قاعة جواثا في الجامعه وانك لازم تخلين اخوك يروح الضمان الاجتماعي يجيب خطاب منهم ويقول لهم ابي خطاب للجامعه عشان يثبت لك انك مستفيدين من الضمان الاجتماعي وبعدين خذي معاك بطاقة العائله وشهادة الثانويه العامه واخذي بطاقة الضمان الاجتماعي معاك وبس
ان شــــاء الله صديقتك تنقبل وانا انقبل والكل ينقبل الله يوفقكم

[أشجان*]

وعليكم السلام ورحمة الله وبركااته
مشكوورة عالخبر
بس عندي صديقتي من ضمن الضمااان بس لاهي معااقة ولا يتيمة شلوون يعني اخليها ترووح؟

[عيون آلمهآ]

اي خليها تروح هم ماخصصوا قالوا عموما الضمان الاجتماعي خليها تروح لاتفوت الفرصه
ان شاءالله تنقبل وانا انقبل والكل ينقبل
اتمنى اني افدتك وبالتوووفيق والله معاكم

[حور الآنس]

طيب يالغلا
يقبلونهم ع اي اسآس ع اي كليه ينآسب موزنتهم
ولا هم من اختيآرهم رآح يحددون اي كليه تدخل
لاني اعرف وحدة علمي وتبي علوم ولا تربيه
هل يدخلونها ع حسب رغبتها ونسبتها
ولا هم الي يقروروآ غير رغبآت الي حطتها

[عيون آلمهآ]

لا حبيبتي انا اللي اعرفه محددين كلية الاداب بس يعني تروح كلية الاداب ولا تجلس في البيت حمد الله على كل حال

[عيون آلمهآ]

يعني يالغلا هذا انا اللي اعرفه ومادري اذا انا غلطانه ولا بس تروح يعني اهم شي تدرس

[اعز انسان]

كيف الضمان ؟؟

طيب انا عندي جدتي ساكنه معنا ويمشي لها ضمان

اقدر استفيد من ضمانها ؟؟

او مالي علاقه

[عيون آلمهآ]

والله مادري بخصوص جدتك

[سلآمـ,]

طيب خيه ..
وين هذي عمادة التسجيل والقبول ؟
في الجامعة ولا في الكليه ؟
وشنو الأوراق اللي ناخذها ويانا غير ورقة الضمان ؟
وهل يقبلون على طول ؟
ولا لازم نسبه - _ - "

[عيون آلمهآ]

في الجامعه في قسم الرجال في قاعة جواثا لكلية الاداب
يعني اخذي معاك بطاقة العائله الاصليه والمصوره وشهادة الثانويه العامه اصليه ومصوره واخذي احتياطك ببطاقة الضمان الخضرا وبس يعني اللي مادري عنه ولا اقدر افيدك هو القبول مضمون ولا بس على الله كل شي والله يوفقك ويوفق الجميع