اسئله عن المبنى والملازم لجميع المستجدات في كليه الاداب

[عسولة الشرقية]

السلام عليكم ورحمه الله وبركاته



انا طالبه مستجده قسم الانجليزي



حبيت اسال وين الدوام فيه لقسم الانجليزي هل بالكليه القديمه



ولا الجديده (الزرقا) وبعدين اشلون ناخذ الملازم



ناخذها قبل الدراسه باسبوع ولا لما تبدا الدراسه الدكتورات يعلمونا ايش يبغون؟


وبعدين هالدراسه زي النظام الجامعي ولا لا


يقولون اذا النظام الجامعي اسهل بس ايش الفرق اصلا ياليت اتوضحونه لي



وفيه بعد البانر اشلون اسجل فيه وهل انزل مواد زي الجامعه ولا الجداول موحده مافيه بنات ينزلون جداولهم؟




هذي الخمس اسئله يا ليت اتجاوبوني عليها بلييييييييييييز



مشكورين واسفه على الاطاله

[Angelica]

حبيت اسال وين الدوام فيه لقسم الانجليزي هل بالكليه القديمه



ولا الجديده (الزرقا) وبعدين اشلون ناخذ الملازم


ووشو نظام البانر ؟


هذي الأسئلة تدور في بالي أنا بعد

ياليت احد يجاوبنا عليها

[ضيائى]

اهلين فيك اختى عسولة


انا مش قسم الانجليزي


حبيت اسال وين الدوام فيه لقسم الانجليزي هل بالكليه القديمه

انا اللى اعرفة فى المبنى القديم


وبعدين اشلون ناخذ الملازم


الدكتورة هى اللى بتقولكم بنات ترى فى ملازم فى التصوير

وموقع مكان التصوير اللى بتأخذى منه الملازم برى والله حياتى ما اعرف اوصف لك مكانة عند الكافتريا تقريبا


وبعدين هالدراسه زي النظام الجامعي ولا لا


نظام الكلية ترى حلو زى المدرسة المحاضرات تبدء 8ونصف تقربيا

والخروج بيكون يا12 او 2

بس انا اللى اعرفة ان بنات اولى بيكون اكثر ايامهم2

وفيه بعد البانر اشلون اسجل فيه وهل انزل مواد زي الجامعه ولا الجداول موحده مافيه بنات ينزلون جداولهم؟


اما هذا السؤال والله ما اعرف وان شاء الله البنات يفيدونك اكثر

[عسولة الشرقية]

تسلمييييييييييييييييييييييييييييييييينلي ضيائي على التوضيح



وربي مشكوره وما اتقصرين



وياليت اذا احد مر وشاف مشاركتي انه يرد علي بمعرفته ولا يبخل علينا فيها


مشكورين كلكم سواء ساعدتوا ولا لا

[AMOON]

ايش يعني البانر؟؟

ياليت توضحون؟؟

[عسولة الشرقية]

الظاهر والله اعلم ان البانر هو النظام الي اتسجلين فيه رقمك الجامعي ورقم السري


وتدخلين اتنزلين مواد وتحذفين مواد


واتشيكين على المكأفاأت الماليه حقتك

[ضيائى]

انا جبت هذا الرابط من موقع الجامعة وفية كل المعلومات بانسبة للبانر

http://www.kfu.edu.sa/banner_system/page3.htm

ان شاء الله اكون افدتكم

ياليت يابنات تدعولى بالتوفيق

[Angelica]

ضيائي

الله يوفقك ويسعدك :s12:

أفدتينا بمعلومات كنا نسأل عنها :g8:

[::طموح::]

عاد انا بكليه العلوم بس دخلت هنا اتصفح المواضيع

المهم بالنسبه لأسئلتك
الدراسه للانجلش في المبنى القديم وطبعا هم كل مره يطلعون اشاعات ويقولون آداب بينقلونهم كلهم للمبنى الجديد يس للحين الانجلش والتاريخ والدراسات كلهم في المبنى القديم

شوفي اما الملازم مالي علم عنها صراحه

اما سؤالك عن نظام الدراسة هو جامعي والا لا انا اختي الحين طالعه ثاني وهي علوم بس نظامهم السته اللي راحن كان جامعي بس مش كل شي يعني بوضح لك معدلهم مثل الجامعات يعني يحسب من 5 مش زينا من 100 وبعد المادة اللي يرسبون فيها لازم يدرسونها مره ثانيه اما احنا اذا رسبنا في ماده بس نعيد نمتحن بدون دراسه من جديد
وهم لازم تحاسبين على معدلك الجامعي مايقل عن شي معين ماادري بالضبط حتى ماتاخذين انذار لانه لو خذتي عدد معين من الانذارات بتصير سالفه ماادري يفصلونك والا لا
وبعد معدلك للتحرج يحسب من سنه اولى يعني اذا تبين معدلك يصير حلو شدي حيلك من اول اما احنا(النظام القديم) يحسب معدل التخرج بدون سنه اولى

وبالنسبه للجداول العام كان جدول موحد لكن هذي السنه في تاريخ13\9 قالوا لهم انتوا تنزلون المواد على نظام البانر يعني في هذا التاريخ اكيد ببيحطون في الموقع حق الجامعه كل شي عن التسجيل للجدول لانه العام في وقت تسجيل الجداول لطلاب وطالبات جامعه فيصل في الوقع كتبوا ان كليات البنات ياخذون الجدول من الكليه يعني بتشوف وش بيكتبون هالسته بيخلونهم يسون الجدول او لا وانتي تابعي الموقع حق الجامعه وبعد منتديات النقاش حق الجامعه مفيده جدا

اما اللي تسال عن البانر هو نظام يكون لك اسم مستخدم وكلمه مرور خاصه فيك وفيه سجلك الاكاديمي ونتائج الامتحانات تنزل عليه وكل شي عليه

وموفقين

[ضيائى]

Sweet Angle


تسلمين حياتى على الكلام

والله يوفقكم ان شاء الله فى دراستكم ويسهل عليكم امورها






والخت جادة :g8:ماقصرت جابتلكم معلومات عن الدراس

بس حبيت ازيد على كلامها

انة الانذار بيعطونك اياة اذا جاء معدلك تحت 2.50

ولك 3 انذارات وبعدها يطوى قيدك يعنى يفصلونك