اللغة الانجليزية أبي نصيحتكم يابنات الخطه القديمه :) - ملتقى طلاب وطالبات جامعة الملك فيصل,جامعة الدمام

مبتسمة دوماً · #1 2011- 6- 27

السلام عليكم أخواتي العزيزات

بنات أبي أسألكم بما أنكم تخصص انجليزي وخطه قديمه
أنا قسم انجليزي وخطه الجديده
درست السمستر الاول ورسبت في اللسننق والقرمر (وما أخذت الكتابه والقراءة)
وتحطمممممممت والسمستر الثاني بصراحه ماخذت ولا ماده من التخصص
بس عامه مع تحضيري كان باقيلي

وفكرت أحول قسم ثاني (لأني بصراحه أقول اللي هذا السهل رسبت اجل اذا جاء الجد والصعب
وش أسوي )
لكن بسألكم بحكم أنكم جربتو وخصوصا اللي الأن سنه رابع ماشالله أبي خبرتكم
أول مادخلتو القسم عانيتوا زي كيذا
وإذا رسبتي تحسين بتحطيم ولا...

هل القسم جدا صعب صراحه متخوفه منه كثيييير...
أبي ردكم ياحلووات

ومشكوريييين مقدماً..

سوري أن الخط صغيير لكن علق معي ماطاع يتعدل

Black Widow · 2011- 6- 27

مي تووو ابي خبرتكم
لاني جغرافيا ومب حابته

وابغى احول عنقليش
و الي اعرفهم و مستواهم كويس جابوا العيد

مبتسمة دوماً · 2011- 6- 28

بناااات بلييييز لاتطنشون

ردو علينا

ǎήǎ`ήổήǎ *_* · 2011- 6- 28

السلام عليكم ..
بقولكم رايي الشخصي يعني الراي الأول والاخير لكم ..
هو من ناحيه صعب صراحه فيه صعوبه وضغطط .. بس على نظامكم المواد صارت اقل وصار في تدرج بمواد الادب .. فاحس هذا من صالحكم .. والمواد المقاليه واللغويه تحسن مستواكم بالبدايه ..

اذا انت تحسين انك كاره القسم غير لمن مجرد حاسه بصعوبه بس حابته وماتشوفين نفسك في مكان غيره ..
اذا انت حابته وعندك استعداد إنك تشدين على نفسك وتتابعي اول بأول ابدي من جديد ومن بدايه السنه حطي في بالك اول بأول واكتبي وحلي وكل شي يعني اكرفي .. وبتلقين نتيجه بإذن الله .
وبالنسبه انك حملتي المواد فعادي خذيها مره ثانيه والمواد لغويه ومقاليه يعني اعادتها بتفيدك .. واهم شي توكلي على الله .. ومافي شي يجي بسهوله يعني التعب طبيعي جدا ..

اما اذا انت حاسه ان خلاص القسم مايناسبك وانك بذلتي اغلب الاسباب وتشوفين ان التحويل من صالحك يعني ممكن اذا حولتي لقسم ثاني وانت حابته وتتفوقين فيه يكون من صالحك ..

واهم شي معدلك اذا جاك انذار حاولي تتداركين الموضوع .. لأن الانذار الثالث فصل .. الله يبعده عن الجميع ..

واهم شي استخيـــــــــــــــــــــــري وصدقيني ربي بيكتب الخيـــــــــــــر ..

ربي يوفقك ويسخر لك الخير ويسهل لك كل صعب ياااارب ..والبنات اجمعين ..

رأي الشخصي من خبرتي المتواضعه ..

Purity~ · 2011- 6- 28

همسة انـآ مثلكـ خطة جديدة ودرست الفصل الاول المواد كامله
وحملت 3مواد القراءة -الكتابه-الاستماع

الفصل هذا درستهم والحمدالله نجحت في القراءة والكتابة الاستماع مابعد تنزلي

انا مثلك كنت مصدومة بس بعدين فكرت وقلت عـآدي حتى لومـآنجحت اول مرة ادرس مواد تخصص
ومـآكنت ماخذة الامر بجدية بس بعدين السمستر الثاني شديت حيلي
خـآصة وانه عرفت اسلوب القسم وانه يبي له جد ومذاكرة اول بـآول والحمدالله عديت

حبيت اقولكـ تجربتي خاصة وانكـ مثلي خطة جديده

والـأمر لكـ

الله يوفقكـ

مبتسمة دوماً · 2011- 6- 28

الله يجزاك خييير
وشكرا ع النصائح :)

غلآكمـ · 2011- 6- 28

امممم

اول شي استخيري ..

و بعدين سألي نفسك ..

انتي تعبتي السمستر الاول و ذاكرتي اول بأول ؟
وعطيتي وقتك للتخصص و بعدين حملتي مواد ؟

اذا ايه نصيحه حولي

بس ممكن انتي ماكنتي فاهمه نظام الدراسه الجامعي ؟؟

يمكن تقولين هذي علوم وش تبي جايه عندنا

بس انا كنت احس نفس احساسك العام ..

حملت 5 مواد

تحطططمت بشكل مو طبيعي .. و ما اخفيك اني طلبت تحويل .. بس لكليه ثانيه ..

و جاني الرد بانه تم رفض طلب التحويل عشان معدلك التراكمي مايساعد تحولين

تحطمت اكثر .. بس لما فكرت فيها .. انا ماشديت حيلي لما حملت هالـ 5 مواد ..

و لا عطيت تخصصي حقه

كنت اذاكر اي كلام و ابي انجح و ابي معدل

بس لما عطيت التخصص حقه و ذاكرت و صرت بنوته دافوره

شفت تقديرات ماحلمت اني اجيبها بالجامعه ابببد

فكري بكلامي و الله يوفقك ..

برايفت / سوي قد ماتقدرين عشان ماتحولين عن الانجليزي .. كان حلمي اتخصص انجليزي

الحمدلله على كل حال ..

الله يوفقك و يسر لك اموركـ ..

Purity~ · 2011- 6- 28

اقتباس:

المشاركة الأصلية كتبت بواسطة غلآكمـ