عن آذنـگ برحـل لدرب آلغياب آللي ينآديـني..!!

[ابن فـــهـــد]

على أمـرك يابعـد نبض الخفـوق وهاجسي ومنـاي

مـدامـك ماتبي وصلي أنا وش عـاد يبقـينـي


أبحفظ مابقى لي من كرامـهـ واستحـث خطـاي
على درب الغيـاب ووين مـاودى يودينـي


وإذا هـفـهـف على صدري هـواك وحـدّني لاقصـاي
دعيت اللهـ يطّـمن في بعـادك قلبي وعينـي


وطلبتـهـ مثل مامكن غـلاك وثبتـهـ بحشـاي
يشيـلهـ من معاليـقي قبل لا الوجـد ينهينـي


حسافـهـ كنت أحسب إنك تقـدّر طيبتـي ووفـاي
وعلى الأقل احتمـال تراعي اللي بينك وبيني


توقعت إنك أخلص من عرفت وشـفت في دنيـاي
أشـك بكل من حولي ووحـدك ماتخلينـي


طلبت البعـد في وقـت أبيـك تكـون بـهـ يمنـاي
بعد ماجارت أيامي علي وحارت يدينـي


ولايخفاك صكات الزمـان وما حصـل ويـّاي
ولو مافي يـدك حاجـهـ وجـودك كان يكفـيـني


توفي لو بعض دينك إلين أوقـف علـى ماطـاي
لعل يكون لي صبـر على الفرقــا يقدينـي


على كل حـال ماينفع ملامي لك وكثـر حكاي

عن اذنـك برحـل لدرب الغياب اللي يناديـني

[بدر نت]

صح لسانك اخوي قصيدة جميلة

لاكن اخي ابو فهدد يوجد منتدى مخصص للشعر المفروض نزلت القصيدة في المكان المخصص لها

لاهنت

[ابن فـــهـــد]

المشاركة الأصلية كتبت بواسطة بدر نت

صح لسانك اخوي قصيدة جميلة

لاكن اخي ابو فهدد يوجد منتدى مخصص للشعر المفروض نزلت القصيدة في المكان المخصص لها

لاهنت

صااادق والله وصح بدنك

وش اسوي نسيت احطها في موقع المخصص للشعر
خطا مطبعي وكل دقه بتعليمه

وبعدين انا ابن فهد ولست ابو فهد هههههه

شكرا لك وانا اخوك .