السلام عليكم ورحمة الله وبركاته

[ناردين 1]

الله يسعد اللي يرد علي , انا ابي اسجل بجامعتكم علم اجتماع ولكن ارغب بالتاجيل لمدة سنة او تيرم على الاقل والسبب انني اريد ان احجز مقعد في الجامعة ثم ادرس بعد سنة او تيرم هل يمكنني طلب التاجيل بعد تسجيلي؟ وماهي خطوات ذلك؟ وشكرا.

[أنا والقمر .. جيرآن]

وعليكم السلام ورحمه الله وبركاته

مم ماعندي اي معلومه اقدر افيدك فيها

بس خذي مقعدي انا بطلع منها

حبيت ادر عليك السلام

وان شاء الله تلقين الي يساعدك ي الغلا


سي يآآ

[manol]

للرفع

انشالله احد يفيدك

[Lubna]

هلا اختي و حيامك الله مقدما

مو ضروري تسجلين الان يعني مافيه حد معين للقبول خلي تسجيلك بعد ما تخلص الفتره اللي تبين تاجلينها

لان لو سجلتي لازم تسددين و حرام تدفعين مبلغ و انتي ماراح تدرسين


هذا رأيي و لك القرار

[بدر 2011]

هلا بك ماادري عن هالشي
وبعدين كيف تحجزين وبتأجلين
انتي ادخلي وادرسي وبعدها اعتقد يحق لك تأجلين

[ناردين 1]

شكرا لكل من رد علي والاخت التي تريد الخروج منها مالسبب هل وجدتي بديل افضل؟ ممكن من فضلك تردين على الخاص اذا في احراج لك؟ وكنت اظن اني اذا اجلت لن ادفع شيئا شكرا جزيلا على التنبية والسبب في فكرتي هذة هو خوفي من ان بعد سنة يلغى نظام الانتساب المطور مثل كلية المجتمع اظن هكذا اسمها في جامعة الملك سعود الغي نظام الدراسة بفلوس لذا قلت اخذ احتياط واحجز تسجيل واذا درست السنة القادمة ادفع لكن وضح لي انه يجب الدفع حتى لو اجلت يعني ادرس احسن لي. دعواتي تحيطكم وشاكرة ومقدرة لكم تجاوبكم وتعاونكم حفظكم الرحمن.

[سيف الغلا]

اختي اللي اعرفه ان الطالب لازم يكمل اقل شي ترم
وبعدين يقدر يأجل
وبالنسبة لتسجيل دامك بتدفعين دراهم محد راح يردك
وتقدرين تستفسرين كان عندهم نيه يلغون نظام الانتساب او لا
والله يوفقنا وياك

[Lubna]

النظام جديد و راح يتوسع اكثر بالجامعات لان حسب ما قرات انه الملك وافق على نظام التعليم عن بعد

يعني قريباً بيكون منتشر بشكل اكبر من قبل

فاتوقع انه ماراح يتوقف بالعكس بيتوسع اكثر


نظام خدمة المجتمع في جامعة الملك سعود توني ادري انه توقف اخبره صار مجاناً

بس اكيد كالعادة لهم انظمة خاصه للقبول

طيب لو سجلتي معانا من السنه القادمه ان شاء الله و درستي ترم بعدين اجلتي من الترم الثاني و معك الصيف يعني تقريبا صارت سنه

[ناردين 1]

شكرا جزيلا للجميع ..
اختي لبنى:
انا لم اوضح كلامي جيدا ياعزيزتي انا لااقصد انه توقف نهائيا ولكن (الذي الغي هو: دفع الفلوس فقط) يعني صار مجانا لكن بشرط النسبة العالية جدا وان اكون خريجة ثانوي بنفس السنة وغيرها من الشروط. لذا اخاف ان يحصل نفس الشيء في جامعتكم ثم اصير بلا دراسة جامعية واتورط. لن انساكم من دعواتي.

[Lubna]

المشاركة الأصلية كتبت بواسطة قمر ونجوم

شكرا جزيلا للجميع ..
اختي لبنى:
انا لم اوضح كلامي جيدا ياعزيزتي انا لااقصد انه توقف نهائيا ولكن (الذي الغي هو: دفع الفلوس فقط) يعني صار مجانا لكن بشرط النسبة العالية جدا وان اكون خريجة ثانوي بنفس السنة وغيرها من الشروط. لذا اخاف ان يحصل نفس الشيء في جامعتكم ثم اصير بلا دراسة جامعية واتورط.:cry111: لن انساكم من دعواتي.

شوفي لو تقدرين تدرسين ع الاقل اول ترم لانه اجباري تدفعين رسومها و بعدين تاجلين المستوى الثاني و بيجي وراه عطلة الصيف ان الله كتب لنا عمر و احيانا

خصوصا ان الدراسه تبدا و تنتهي مع السنه الدراسيه للمدارس و الجامعات