وينكم شباب

[% ولدالمملكة %]

ياااااشباااااب ياهييييييه من سجلت بالمنتدى وأنا ماشوف إلا بنات وين الشباب

[% ولدالمملكة %]

أبي أعرف حفل افتتاح الجامعة وش المغزى منه وهل إذا دعيت له يعني أني مقبول والدراسة متى تبدأ هل مع المدارس ولا

[Chocolate Cake]

اولاً .. ليش يعني مو عاجبينك البنات ؟؟ :mh19:

ثانياً .. انا مادري عن حفل الافتتاح .. احنا بنات دايما فيه تفريق من ناحيتنا مدري ليش ما يدعونا .. ليش احنا نفشل وإلا نفشل ..

عموماً ..

الدراسه تبدا مع المدارس ..

[نور الأوطان]

الشباب مو فاضين ، قاعدين يستعدون لحفل الافتتاح

[hadeel001l]

اخوووي ..
اذا هم ماقالولك انك مقبووول صريحه ..
اتصل عليهم بكره او رح لهم ..
وخذ الخبر الاكيد منهم ..

عشان مايضيع عليك شي ..


وبعدين وش فيهم البنااااااات ؟؟؟؟؟؟؟؟؟
مو عاجبينك والاموعاجبينك ؟؟ لا لا موعاجبينك <<<احد قال شي؟

[.. سارهـ ..]

افا وشفيهم البنات .. تبينا نعلمك كيف البنات

..


ماتوقع ياخ انا اقووول روح اتصل عليهم وتاكد ع شان ماتتوهق ..


..


والي سمعته نبدا مع المدارس ....... لييييييش < بس مو متاكدهـ بس تاكد لنا بيت مكه يوديك :hahaha_2008:

..



ه

[لمبه]

يوديكم لاهاليكم.. يامكه يامعموره ..:hahaha_2008:

قرقيعان وقرقيعان افري ون >>>>توي راجعه من قرقيعان ولد خالتي ..سارووونه مره انتي شكلك متحمسه ع القرقيعان هع

ولد المملكه لاتخاف فيه اثنين هع : محمد المدلوح ( بس هذا موظف بالجامعه) و عبدالله الحماد

صادقهم هع

[% ولدالمملكة %]

أفا زعلتو أنا أسفماكان قصدي أقلل من قيمتكم بس مثل ماشفتوا مادعوكم إلى الحفل لذلك فيه بعض الإختلاف في أنظمة الجامعة عشان كذا طلبت شباب بس عموما مشكورين عالأجوبة وأسف مرة ثانية

[محمد المدلوح]

ولاتزعل أخوي ولد المملكة انت استنى شوي ويصير هالمنتدى كل شباب.

واذا عندك اي استفسار ان شاء الله نرد عليك.

[PMU student]

أخي الحبيب بالنسبة لشؤالك " أبي أعرف حفل افتتاح الجامعة وش المغزى منه وهل إذا دعيت له يعني أني مقبول والدراسة متى تبدأ هل مع المدارس ولا؟""

حفل الإفتتاح سيكون كإسمة الحفل الرسمي لإفتتاح جامعة الامير محمد بن فهد وإكتمال المباني سواء الإدارية أو الأكاديمية على شرف ولي الـــعهد صاحب السمو الملكي
الأمير ســــلطان بن عبد العزيز
هذا اجابة الشق الاول من السؤال أما الشق الثاني إذا دعيت اتوقع انه تم قبولك بس مو اكيد يعني55% اما الدراسة تبدأ
في 11/10/2008 بس طبعا مو مثل المدارس بالضبط لانه سيكون اول اسبوع الى تقريباً ثاني اسبوع وهو تعديل الجداول سواء لك او لطلاب الجامعة وإذا تبي تتأكد من قبولك رح لشخص طيب ومتعاون الأستـــاذ / صباح الطيار مدير القبول.

أما بالنسبة للبنات فكل الإحترام لانها هي الأخت وفي المستقبل الام المربية للأجيال أما بالنسبة لماذا لم يدعوكن؟! لأن الحفل كما تعلمون في قاعة الحفلات الرسمية وهي قاعة واحدة ليس بها قسم للسيدات وتعلمون انه بذلك سيدعوا إلى الإختلاط وأتوقع أن حكمة معرف لديكن أخواتي الكريمات