عن جد إحباط .. حسبي الله ونعم الوكيل

[ديجافو]

السلام عليكم ورحمة الله ..

عندي كلمتين في خاطري توصل لأي شخص يهمه مستقبل بنات الخفجي


انا من صغري كنت اتمنى اكون معلمه لغه انجليزيه


غلطتي اني دخلت علمي علشان تكون فرصه قبولي اكبر


وتخرجت هالسنه بنسبه 97


وباللغه الانجليزيه 100 %


سجلت لغه انجليزيه بكليه الخفجي


وتفاجأت يوم الاربعاء


انهم يقبلوني رياضيات :mh3535:


وقسم الانجليزيه صار من نصيب بنات الأدبي فقط


طيب وانا ؟


والحلم اللي كبر معي ؟


ما اكذب لو قلت اني بكيت طول الاسبوعين اللي طافت


والله اني كل يوم اغمض عيوني واتصور اني ادرس بالقسم اللي احبه


ولاتخيلت لحضه اني بقابل ماده ماصخه مثل الرياضيات


لوبيدي كان سجلت بأي كليه ثانيه


لكن ظروفي ماتسمح اني ابعد عن الخفجي

يعني حلم 12 سنه دراسه تبخر في يوم


هذه موبس قصتي !!

هذا حال كثييييير بنات تخرجو بدفعتي

بس عن جد ياكليتنا الموقره هذا يسمونه


إحباط

:011:

[إبتسامة خجل]

بسم الله الرحمن الرحيم
صحيح احباط
بس اذا استمرت لغتك الأنجليزية في التطور راح تستفيدي كثير منها وخصوصا انها مطلوبة
الله يعينك

[الدكتور:عسعس]

والله السنه ذي كلن دخل قسم غصبن عنه انا وحدة مهم


بس


يالله الحمدلله على كل حال

وعسى ان تكرهوا شيئا وهو خير لكم



لكن انا بقولش اللي أعرفه

انا بنت عمي كانت مثلش قبلوها كلية العلوم في الجامعه ودخلت قسم رياضيات ودرست سنه وبعدين حولت الى الانجليزي بس اشلون مادري :mh19:

طبعا هذا يمكن حسب نظام الجامعه تقدري تغيري القسم بعد مرور فصلين دراسييين وعلى اساس كذا حولت عطوها فرصه ......



والله أعلم


والله يوفقش ويوفقني لما يحبه ويرضى ولما فيه الخير والصلاح

:praying:

تقبلي مروري تحياتي

[متأمله بالله]

إن كان القبول بقسم الانجليزي أولويته لبنات أدبي

فهذا لايعني انه لا .. مجال لك دخوله انتي يافتاة علمي:o3:

والمسألة لم تصل إلى حد الإحباط :no2:

فأنتي لديك أمل وأمل كبير أكثر من غيرك حيث انكٍِ حصلت على مقعد قبول :g8:

وبهذا كسبتي فرصة التحويل السنه القادمه

كل ماعليكي الان اذا كنت راغبة بدراسة الانجليزي

ان تستمري بالرياضيات وتدرسيه لمدة فصليين دراسين وعليكِ ان تحصلي على معدل معين

ومن بعدها تطُالبي بالتحويل من الرياضيات الى القسم الذي تحبيه وتحلمي به (الانجليزي )

وبالتوفيق عزيزتي

[ديجافو]

يعطيكم العافيه حبايبي عالرد ..
بس كلية الخفجي تقول اذا إنتي علمي ما لك إلا رياضيات ..
يعني دخلت علمي قلت علشان تكون جميع الاقسام متاحه لي ..
لقيت كل الابواب مسكره
الله يعين ..

[أسماء عبدالعزيز]

الله يوفقك ياارب ويسهل لك ..

ويسمحون لكم بالخفجي دخول بنات علمي للإنجليزي ..

ياااارب ..

ويحقق أمنيييتك ..

والحمد لله على كل حاااال .. وأحمدي ربك غيرك ما أنقبل حتى في مطبخ بيييتهم:s3: هههههه ..

جااالس كذا عطااالي >>>> مثل حااالتي الله ييسر لي ويااك ..

مع إحترامي وتحياتي لك ...

[بنت أبوها]

الله يوفقكـ

وتدخلين القسم اللي تحبيهـ

عليك بـ الدعااااااااء وأنا اختكـ

:)

[ro0ose]

الله يعينك

بس ع الاقل انتم الخفجي بنسبتكم تدخلون وفي امل انكم تحولون

احنا شوفي كيف ظلموووونا جبنا نسب 98 و 99 وآخرتها مايبووووونا

هذا اكبر تحطيم لما ناخذ مثل كذا نسب عالية بالثانوي بعدين يقولون لااااااا انتم نسبتكم مع التحصيلي والقدرات تصير أقل بأكثر من عشر نسب

[بـــو أحــمــد]

ديجافو
ما أدري أيش أقول لك يا أختي ..
مثل ما أنتي شايفة ضوابط القبول أستصعبت أكثر من قبل ..

ممكن لو درستي فصليين دراسيين (سنة دراسية كاملة) في قسمك ألي أنقبلتي فيه
و بعدين قدمتي طلب تحويل .. ممكن يحولونك لقسم اللغة الإنجليزية