الــحــقــونـــي مــمــكــن أفــقــد عــقــلي ... وينكم

[خرفوش]

السلام عليكم ورحمة الله وبركاتة
يا جماعة الخير هذي شروط كلية الجبيل الصناعية

أن يكون الطالب سعودي الجنسية.

أن لا يزيد عمر المتقدم عن 23 سنة ولا تزيد مدة حصوله على الشهادة الثانوية عن ( 5 ) سنوات.

أن يكون حاصلاً على شهادة الثانوية العامة (علوم طبيعية أوعلوم إدارية وإجتماعية فقط ) وبتقدير لا يقل عن
( جيد).

أن يكون حاصلاً على نتائج اختبار القدرات العامة لحاملي قسم العلوم الإدارية والإجتماعية.

أن يكون حاصلاً على نتائج اختبار القدرات العامة والأختبار التحصيلي لحاملي قسم العلوم الطبيعية.



طيب أنا نسبتي في الثانوية مع التراكمي 81.67
وفي القدرات 60
وفي التحصيلي 56

هل ممكن أن أنقبل في الكلية
هل الأمل معدوم جداًً؟؟

[Dr.Al_khaldi]

شوف اخوي بصفتي انا طالب في كلية الجبيل الصناعيه والله تبي الصدق ولا اخوه:011: اكيد الصدق النسب حقتك مش ولا بد والله اخوي مابيك تحزن ويضيق صدرك لكن اتوقع نسبة قبولك 55% في الكليه لانه زي منت عارف الأولويه للدوافير

لكن احب اقولك انت قدم في كليه ومتدري يمكن ربك يسهل لك القبول والله قادر على كل شي

[خرفوش]

المشاركة الأصلية كتبت بواسطة Dr.Al_khaldi

شوف اخوي بصفتي انا طالب في كلية الجبيل الصناعيه والله تبي الصدق ولا اخوه:011: اكيد الصدق النسب حقتك مش ولا بد والله اخوي مابيك تحزن ويضيق صدرك لكن اتوقع نسبة قبولك 55% في الكليه لانه زي منت عارف الأولويه للدوافير

لكن احب اقولك انت قدم في كليه ومتدري يمكن ربك يسهل لك القبول والله قادر على كل شي

طيب هي نفس كلية ينبع الصناعية ؟؟
طيب أخوي بما أن الأمل معدوم وش تنصحني بها النسبه اللي تسود الوجه

[Dr.Al_khaldi]

ياطويل العمر ان كان بتسمع مشورتي( ماعندي سالفه) وانا اخوك والله وبرغم ما انا مريت فيه من الشرشحه يوم جيت اقدم على الكليات والجامعات الله لا يعدها من ايام ..زين اخلص على الرجال قول مشورتك) ولو انك سألتني متأخر جدا ولو سأل من

بداية التقدم كان يمكن اقولك وين تقدر تروح كان بقولك اول شي قدم في معهد الجبيل التقني. يقبلون اصحاب النسب المتوسطه مثلك لكن للاسف انتهى ىالتقديم.

كذلك الجامعات الكبيره جامعة الملك فيصل وجامعة الملك سعو وغيرها لكن حسب ما اعلم انتى التقديم بعد.

وبعد كان في برنامج لشركةسابك يدربونك عندهم سنتين ثم يوظفونك برتبة مشغل. يعجبك هذا.

ولو لكن لاتيأس انتها التقديم عندهم وبشرك انه في تقديم يبدأ قبل نهاية الترم الاول في اواخره.

حاول تابع مواقعهم على النت.

بقي ان اختم بشي باقي لك فرصه في برنامج شركة ارمكو المنتهي بالتوظيف خرجين المرحله الثانويه هذا ما بدى التسجيل فيه بس لازم تزور موقع الشركه عشان تتأكد وتسجل اذا كان بدى التسجيل فورا او على الاقل تعرف وقت التسجيل.

مع تمنياتي لك بالتوفيق ومستقبل باهر..:066:

نسيت اجاوب على سؤالك الله يقطع بليس. تقريبا تقدر تقول انها نقس كلية ينبع

[خرفوش]

ارامكو بس أنا نسبتي في القدرات 60 يعني ما اقدر
والله مدري وش أسوي حالتي النفسيه صعبه وأسواء سؤال في حياتي لما يجي واحد ويقولي وين بتروح بعد الثانويه


ياليت آخذ إميليك إذا ما عندك مانع لإن عندي كم سؤال أبي اسألك

(الله يعينك على الغثه)

[Dr.Al_khaldi]

ايه اخوي ماعندي مانع بس هذا المنتدى من قوانينه ممنوع وضع الايميلات وحاولت ارسل لك ايملي عن طريق الخاص ماقدرت يقول لازم عدد المشاركات 20 وانا اقل مادري عطني طريقه اسل لك فيها ايميلي؟؟؟
:mh19:

[ابو كرش]

أخي خرفوش لا تيأس من رحمة الله :011:
إذا ما انقبلت هذا الترم بإمكانك التقديم في الترم الثاني
وهذا الترم استغلة بأخذ دورات انجليزي وحاسب :mh19:
وإن شاء الله انك تقدم في جامعة أو كلية احسن من هذه الكلية :praying::s12:
والله يوفقك

[جداوي]

يا خرفوش ياعسول ،،


نسبتك مره حلوه مقارنه بطلبات الكليه


طالبين من جيد وفوق بس وتكون مختبر تحصيلي فقط


لا وكمان معطينك فرصه لو ماجا التخصص العلمي تنقبل نظري



يعني مرره احتمال كبير تنقبل ،،:066:



على فكره والله ماسجلت في المنتدى الا عشان ارد عليك واوضح لك بس

[خرفوش]

المشاركة الأصلية كتبت بواسطة جداوي

يا خرفوش ياعسول ،،


نسبتك مره حلوه مقارنه بطلبات الكليه


طالبين من جيد وفوق بس وتكون مختبر تحصيلي فقط


لا وكمان معطينك فرصه لو ماجا التخصص العلمي تنقبل نظري



يعني مرره احتمال كبير تنقبل ،،:066:



على فكره والله ماسجلت في المنتدى الا عشان ارد عليك واوضح لك بس

إن شاء الله يارب
الله يكثر خيرك وجزاك الله خير تسجل علشان ترد عليه بس الله يوفقك يارب
واللخ مدري وش أسوي الكلية إلين اليوم ما ردوا خبر

[خرفوش]

المشاركة الأصلية كتبت بواسطة ابو كرش

أخي خرفوش لا تيأس من رحمة الله :011:
إذا ما انقبلت هذا الترم بإمكانك التقديم في الترم الثاني
وهذا الترم استغلة بأخذ دورات انجليزي وحاسب :mh19:
وإن شاء الله انك تقدم في جامعة أو كلية احسن من هذه الكلية :praying::s12:
والله يوفقك

الله يسمع منك يارب