استفسار ضروري بخصوص التوصيات

[حلم ميت]

السلام عليكم اجمعين
في جامعة الملك فيصل حاطين ورقة توصيه نطبعها ونوديها لدكتورة تعبيها
او الدكتورة نفسها عندها اوراق ونطلب منها تعبي البيانات؟

اذا كتبت التوصية ترسلها للجامعة
او تسلمها لنا واحنا نحطها في الملف؟


عادي ناخذ توصيات من دكتورات مادرسونا لان فيه كثير سافروا؟


معليش كثرت اسئلة هذه اول مرة اسجل ماستر ومحتاسة بقووة

[ملتقى المريخ]

وعليكم السلام ورحمة الله وبركاته
أهلاً بك أختي حلم ميت ، وإن شاء الله حلمك مايكون ميت
بالنسبة لاستفساراتك راح أقول إليك من خبرتي
ورقة التوصية تطبعينها وتعطينها الدكتورة وتكتب إليك البيانات .
ورقة التوصية أنت تستلمينها بعد ماتكتبها الدكتورة .
وبالنسبة لدكاتر إذا كانوا موه موجودين عادي تكتبها دكتورة مادرستك .
ولا تنسين يكون معك السجل الأكاديمي والوثيقة مع حسن السيرة والسلوك .
ونقطة مهمة جداً أنك بعد مايكتبون الدكتورات التوصيات تختميها عند رئيسة القسم ومن ثم إلى العميدة يكون عليها ختم الكلية .
وأي استفسار مايردك إلا الكيبورد .
مع أجمل المنى لك بالتوفيق

[فراشه]

وعليكم السلام ..
التوصيات تأخذيها من موقع الجامعه أو من شؤون الطالبات ...
وعادي تعبيها دكاتره مادرسوك بس خذي معاك الوثيقه والسجل الاكاديمي الي هو كشف الدرجات وبعد ما تعبيها الدكتوره روحي اختمي من عند شؤون الطالبات ...
ولاتنسي انسخيها واختمي النسخ بختم طبق الاصل ..
والتوصيات انتي تحطيها بملفك اثناء التقديم ,,,

[عاشقة القمة]

أنا عندي توصية من كليتي اللي تخرجت منها
إذا أبي أقدم على جامعة ثانية لازم اطبع نموذج التوصية من موقع الجامعة اللي بقدم عليها
واوديها للدكتوزة تعبيها مره ثانية؟ ولا تكفي التوصية اللي عندي؟

[ملتقى المريخ]

أختي عاشقة القمة التوصية تكون من الكلية التي تخرجتي منها ، وليس من الكلية التي سوف تتقدمين إليها ،
والتوصيات إلا عندك تكفي .
مع أجمل المنى لك بالتوفيق

[عاشقة القمة]

مشكورة أختي ملتقى المريخ على الرد
التوصيتين اللي عندي عليها ختم من القسم بس
ماعليها ختم العميدة لازم ختم العميدة؟ أو لا؟

[بنت الريح]

مرحبا اخواني ..

شسمة وحده قالت لي عادي لو اقدم بصوره من التوصية

والاستاذه اللي اخذت منها اوراقي تقول مايحتاج الا توقيع

رئيسة القسم ؟

ماجابت طاري العميده

شسمة انا قسمي احياء يصلحلي ارشاد نفسي

ادري ثقلة وكني صايره ماافهم >

يعطيكم العافية والله يوفقنا

[فراشه]

المشاركة الأصلية كتبت بواسطة عاشقة القمة

مشكورة أختي ملتقى المريخ على الرد

التوصيتين اللي عندي عليها ختم من القسم بس

ماعليها ختم العميدة لازم ختم العميدة؟ أو لا؟

التوصية تكون من الكلية الي تخرجتي منها او الي بتقدمي عليها عادي يقبلوها ..
الختم مو شرط يكون من العميدة انا ختمت من عند شؤون الطالبات .

[اليوم]

الختم مكتوب عليه كليتك واسم جامعتك

يعني ختميه عند أي شخص عنده الختم
أنا ختمت لي ثنتين

[حلم ميت]

ملتقى المريخ
حبيبتي مشكورة كثير على المساعده
الي فهمته منك
ان التوصية يكون عليها ختمين
ختم رئيسة القسم
وختم العميده
صح الي فهتمه؟؟