[ جميع التخصصات ] مادة الغير عضوية..=(

[فطرس]

السلام عليكم

انا مقهورة صدق مقهورة قلت مالي إلا أدخل المنتدى وأفضفض لكم

انا حملت مادة الغير عضوية ورفعت فيها تظلم وأطلعت النتيجة

قلت انا حاملتها يمكن انا ناقصة 10 أو عشرين درجة

وما أطالع نتيجة التظلم إلا يطلع اني ناقصة 4 درجات بس على درجة النجاح

حزتها حسيت ان ضاق صدري

وقلت بكلم الدكتور صبري بس مارضى يكلمني ورحت حق رئيسة القسم قالت الله يعنج مالج إلا تعيدينها

وقتها خلاص حسيت أن الغصة تتكسر في حلقي..

وخلاص حسيت اني احبطت الصراحة
يعني على 4 درجات اعيد المادة من اول وجديد

انتوا اشرايكم..؟؟!

[لوفي سر سعادتي]

الله يعينك قلبو بس وحده اعرفه جابت 59 وحملت الماده الله يعينها من شاف مصيبه غيره هانت مصيبتها يمكن خيره وانت ماتدري لاتزعلي على شي مايسوى افرحي وانسي الهم باقي قدامنا مشووووووووووووار طويل ولابد من العثرات

[jroOo7]

يآعمري عليك ,. صدقيني الحيآه حلوه ,, لاتحطين الحمل نهآية العآلم لآوربي ,.
محدثتك في سنه اولى وحملت ريآضيآت عآمه على ان المآده سخيفه بس مآنقول غير ربي له حكمه ..
سويت كل شي يطري على بآلك في فنون الكآبه بس وربي الحين مرتآحه ورآح اخذهآ صيفي مع كم مآده عشآن اريح ..
وانتي سوي كذآ حبيبتي روحي قسمك وشوفي وش رآح ينزل صيفي اذآ مآدتك موجوده حلوو واذآ لا ارفعي من الحين خطآبآت وابدي شغلك انوو لآزم ينزلونهآ .. وخذي معهآ كم مآده من السنه الجآيه عشآن تحسين انك عوضتي ..
تفآءلي خيراً تجديه وربي

لآتحطم لو تحطم لك أ مل
آعرف إن الله يحبك ..
وآبتسم
لآتقول الحظ عمره مآ كمل
قل : آنآ حآولت والله مآقسم .. !

[فطرس]

عاد ليش هالظلم يعني مايسوى على درجة ولا اربع درجات اتعيدين من اول وجديد

بس على قولتج ماتدرين شنو فيه الصالح
الله يعين

[♥..ЙAИa]

لا حول ولا قوة الا بالله
وأكيد مارح يرضى يكلمك لانك رفعتي تظلم بيشوفها إهانه له ! مدري كيف يفكر هالادمي

الله يكون بعوونك

[فطرس]

جرو 07
يعطيج العافية حبيبتي على رفع معنوياتي..

[فيزيائية طموحة]

الله يهدي الدكاترة اللي كذا يعني المفروض يتعاونون مع الطالبات خصوصا بنظامنا الحلو هذا اللي تحمل مادة تدرسها مرة ثانية

الحمد لله على كل حال وقدر الله وماشاء فعل

وزي ماقالت الأخت جروح إذا نزلت المادة صيفي خذيها عشان تفتكين منها وإذا مانزلت الله يعينك وماتدرين وين الخيرة فيه

وخليك دائما متفائلة وإيجابية ولاتخلين هالمادة توقف في طريقك وإذا انتي حملتي مادة غيرك حمل أكثر

طالعي حالتي حملت مواد طوال دراستي يعني كل سنة لازم تطلع لي حتى لو مادة والحين وصلت سنة

رابعة المفروض اتخرج بس بسبب هالمواد زادت علي سنتين مع ان باقي المواد الثانية اللي

نجحت فيها تقديراتي فيها أغلبها زينة ولله الحمد ومع ذلك بس في البداية اول ماأشوف نتيجتي أزعل شوي

بعدين خلاص ولا كأن شي صار يمكن تأخيري في الكلية يكون خيرة لي

الله يوفقك وييسر أمورك

[فطرس]

المشاركة الأصلية كتبت بواسطة ŘoOoИΨ

لا حول ولا قوة الا بالله
وأكيد مارح يرضى يكلمك لانك رفعتي تظلم بيشوفها إهانه له ! مدري كيف يفكر هالادمي

الله يكون بعوونك

تسلمين حبيبتي

[فطرس]

المشاركة الأصلية كتبت بواسطة فيزيائية طموحة

الله يهدي الدكاترة اللي كذا يعني المفروض يتعاونون مع الطالبات خصوصا بنظامنا الحلو هذا اللي تحمل مادة تدرسها مرة ثانية

الحمد لله على كل حال وقدر الله وماشاء فعل

وزي ماقالت الأخت جروح إذا نزلت المادة صيفي خذيها عشان تفتكين منها وإذا مانزلت الله يعينك وماتدرين وين الخيرة فيه

وخليك دائما متفائلة وإيجابية ولاتخلين هالمادة توقف في طريقك وإذا انتي حملتي مادة غيرك حمل أكثر

طالعي حالتي حملت مواد طوال دراستي يعني كل سنة لازم تطلع لي حتى لو مادة والحين وصلت سنة

رابعة المفروض اتخرج بس بسبب هالمواد زادت علي سنتين مع ان باقي المواد الثانية اللي

نجحت فيها تقديراتي فيها أغلبها زينة ولله الحمد ومع ذلك بس في البداية اول ماأشوف نتيجتي أزعل شوي

بعدين خلاص ولا كأن شي صار يمكن تأخيري في الكلية يكون خيرة لي

الله يوفقك وييسر أمورك

صحيح هالنظام تعذيب اول كان احسن على الاقل اذا ماقدمتي زين في الاول تقدمين زين في الثاني

لا هالمادة يكون فيها معمل ماينزلونها صيف

الله يعينج حبيبتي انشاء الله تتخرجين
وتكونين فزيائية أد الدونيا..

[♥ أميرة بطلتها ♥..]

وعليكم السلام ورحمه الله اختي فطرس :
تاكدي ان الله كتب لك تحملين الماده لحكمه هو العالم فيها اوصيك بالصبر و الدعاء
واعلمي ان حال المسلم كله خير انتي ماتدرين اش تخبي لك الايام0
قولي الحمد لله على كل حال وتفائلي ولا تفكري فيها ركزي على الجاي لين الله ييسر لك وتاخذيها صيفي000
اسال الله العظيم ان يفتحها عليك ويرفع عنك ما اهمك ويرزقك التوفيق 000