قــــصه قــــصه الكل يدخل ويقراء

[خواطر الغروب]

بسم الله الرحمن الرحيم :
محآآآآآآآآل .. ان تصل الى القمه دون ان تكون قد نسيت شيئا في القعر
واذا بلغت القمه فوجه نظرك الى السفح لترى من عاونك في الصعود وانظر الى السماء ليثبت الله اقدامك عليها


هذي قصه حقيقة لطالب في احدى الجامعات في الرياض
والله العظيم
انني اعرفه شخصيا لم اره في حياتي متكدر

او متضايق او مزاجه عكر او مهموم

والله لايدخل عندنا القاعه الا وهو متبسم

ومبسوط ونفسيته والله العظيم لاتقارن بغيرها

والله ليس ملتزم يعني ماهو مطوع ولاهو الي متشدد

ولد طبيعي زيه زي اي شاب من شباب الرياض

ولاكن معروف عنه مايترك الصلاه ابدا يصليها بوقتها

ومع ذلك طبيعي يسمع اغاني يطلع يروح يجي

ههههههههه يموت في شي اسمه بالوت هو صديقي مقرب

اعرفه من 17 سنه مع اني اقرب المقربين له ماعلمني انه كافل

لاكني اكتشفت لمى ركبت معاه السياره ونزل هو يشتري من اسواق التميمي

فتحت الدرج حق سيارته بطلع شريط بتسمع اغاني لقيت زرف وانا طبيعتي ملقوف

فكيت الزرف وهنا صراحه صعقت اكتشفت انه كافل ثلاث ايتام وحده عمرها 18

ووحده 8 سنين ووحده سنتين والله اني بكيت سبحان الي يسرله هلعمل الصالح

والله يناس مو باين عليه ابدا يوم رجع وركب السياره طبعن هو مرح جدا طلع

توكس وصقعه بخشتي قال خذ واستغرب شفيني ساكت قال شفيك قلت ولد انت كافل ايتام ؟

هو برطم وسكت شوي وظحك قال امممممم ايه

قلت امانه وشو الي خلاك تسوي عمل عظيم زي كذا

قال والله السبب واحد قريت حديث عن الرسول يقول

( ( انا وكافل اليتيم كهآتين في الجنة ) )

واشار بيده الرسول بآلسبابة والوسطى وفرج بينهما قليلا

وقال والله العظيم ان اموري كلها ميسره بشكل ملحوظ ووالله

ان ربي ساترني ورب الكعبه ان الفلوس ماتنقصني

وابوي وامي راضين علي واقسم بلله ماقد اسصعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بلله

اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني

مهما اوصف ماراح تحسون في الي احس فيه

فقلتله ابي اكفل زيك قال خلاص ورحنا اليوم الثاني المكان اسمه

جمعية انسان
ورقمهم 014966666
طبعا فيه كفالة خاصة وعامه
العامه ب 50 ريال
والخاصة ب 250

تكفلهم بـ 250 ريال في الشهر


بالله وش هي 250 ريال .. والله ولا شي

احيانا تروح بعشاء .. وتقول فدا لفلان


معلومه أضآفهآ أحد الأخوآن الله يوفقه
---------------------
الكفاله في احدى الجمعيات
لطفل يتيم سعودي 2400 ريال سنويا اي 200 ريال في الشهر
لدوله غير السعوديه 1200 ريال سنويا اي 100 ريال في الشهر
وفي الاونه الاخيره زادوها 6ريال في الشهر
يعني 106 ريال للغير سعودي
ولمن يريد ان يتاكد فيراجع اي فرع لهيئة الاغاثة الاسلاميه
ومو شرط تدفع شهريا ممكن تدفع المبلغ كاااش او تقصيد براحتك يعني كل السبل متوفره ..!
-----------------------------
اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحاجون علينا من النار

اتمنى نشر القصه لاكبر شريحه ممكنه واسئل الله ان لايحرمنا الاجر جميعآ ..!
منقول......
ابي منكم الدعـــاء....

[رنو]

الله يجزاااكي كل الخير .....


تقبلي شكري وتقديري لنقلك الرائع ....


مروري

[فهد الحجاز]

جزاك الله خيرا..

[@عبدالله@]

لا تستصغر من المعروف شيئا

[fa6o0ma.m.d]

والله أثرت فيني قصة الشاب هذا
الله يسر لنا عمل الخير يا رب
مشكوووورة خواطر

[لوفي سر سعادتي]

امنيتي اكفل يتيم

[نوآرة]

فعــلاً الفلوس ولا شي مقــابل الأجــر عند رب العــالمين "وصخ دنيـا"..
أسأل الله الفــائدة للجميع من هذه القصة..