موقع الجامعة

[ابو أسيف]

عندي موقع الجامعة والبلاك بورد مايفتح الا بعد معاناه وان فتح اي صفحه ابيها أو أي ماده ودي ادخل عليها أقعد من 3-5 دقايق مدري وش العله واتصالي برود باند أحلى كلام الأبراج متنثره على سطح المكتب يعني ful ويعطيكم العافيه على تعاونكم معي ومع الجميع واشكركم من كل قلبي

[ابو أسيف]

إلى الحين محد رد علي ماهي عاده لكم والله

[بقـآيآ حلم]

نفس المشكله خيووووو

[ابو أسيف]

يعني البلاء فيهم

[بح'ـلم بيك]

اتوقع من عندهم كلنا نع’ـاني

[القادم أحلا]

غير المتصفح
شغل البلاك على المتصفح قوقل كروم

[متفائله بقوة]

لاااااااااااااااااااااا تغير شي ترى عندنا حتى احنااا البلاك ورد يعلق وما يفتح الا بعدد المووووت
لا تسوي شي حاول تفتحه وانتظره لمن يحمل كثير يواجهون نفس المشكله يالغالي اتوقع ضغط عشان المحاضرات الجديده الي نازله حتى انا قرفت منها بس حاااول تحملها عشان ترتاح تقبل تحيااتي ومروري

[مس نوره]

ماتصدقون لو احلف واقول من 5 العصر الى الحين 12 بالليل وانا معاناه بهالبلاك

[Zo0oZo]

حتى اناا يعلق مو شي جديد نفس كل مرة الله يعينا بس

[ابو أسيف]

تصدقون لو ندرس على حسابهم ماصار فينا كذا وأنا بصراحه مليت من هالنظام صارلهم أكثر من سنه ونفس معاناة الطلاب المفروض نصير مثل جامعة الملك عبد العزيز ملخصات وتعال اختبر آخر السنه وإذا يبون يتميزون ينزلون كامل المحاضرات بالموقع أو تصير بسي دي وتباع بالمكتبات وانتهينا وبطريقتهم هذي ضيعوا وقتنا مابين بلاء بورد ومنتديات وإعلانات وياليتها أنظمه على مستوى اللي يتداولون الأسهم عن طريق النت بالملايين عن طريق موقع واحد ومع ذلك مايصير فيه ضغط ولا تعليق ولا مشاكل وحنا صايرين فئران تجارب بالبلاء بورد كل ترم لهم نظام وازيدكم من الشعر بيت انا استفيد من الملتقى أكثر من موقع الجامعة والبلاء بورد أذا بغيت محتويات حصلتها وإذا بغيت استفسر لقيت من يرد علي لكن حبايبنا بهالجامعه مايدرون عن المعاناه اللي نعانيها ولا عمرهم بيحسون فينا