آڷبشر فيَ آڷدنيَآ هذيَ،صَآر يَآڪِڷْهَآ بشر ,, !!!

[قلبي مجنوونك]

مغفره و ذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر



عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر




تِختصر مَعنى حياتِكْ كيف تبني لِكْ قصور !
أحْتِــــرم رايك ..
وهذي تُعتبَــر
..... ( وجهَــة نظر) !



زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟



حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر



رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "



وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر



ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر




لا تقول : الحَلْ إنِّكْ تِلقَى لِكْ , عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!




مِثلِكْ أوَّلْ كان حَالي وضِيقتي ونفس الشعور
كِنت أقول : شمعنى قلبي في مشاريعَه خسر



ما دريت إنَّ الغِيابْ أحيَان أفضَلْ .. مِنْ حضور
لِين شِفت" الشمس " تشرق بعد ما يغيب ( القمر )



وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!



كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر



لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر



قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر



مَهْمَا كِنت إنسَان" راقي " وتعشِق أنواع البخور
التراب .. اللَّي يضمك بعد مُوتك
........ والقبر !!




ياما قالوا الناس : خايف
وقلت : ما فيني قصور



بَسْ شِفتْ إنَّ الشَّجَاعَه مَعنى ثاني للخطر
إيهـ خافْ وكُونْ سَالِم دام هالدنيا بحور !



والبحر مَهْمَا وفالِكْ طبعَـه ( غدار ) البحر
وللشجر إن شفت هامه هذا مِنْ طيب الجذور



يعني أعمالك جذورك هذي هـي بالمختصر
القضيه : ما هِـي شخصٍ خالِفَـه شِرطي المرور



البشر في الدنيا هذي . . . صَار , ياكِلْهَا بشر !




قلبي مجنوونكـ..

[نوآرة]

وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!

[عسولة الشرقيه]

الله عليكِ



قصيده رائعه بمعنى الكلمه


كل الشكـر لـِ
انتقآءك المميز


سلمت الأيآدي


لاتحرمينآ ,


تقبلي مروري
وأسمى تحيه

[محمد آل فهاد]

بوح جميل
يحمل بين سطوره الجزالة و النقاء
و مشاعر راقية بالفعل دمتي بود

[أنين]

تسلم الايادي..

[قلبي مجنوونك]

المشاركة الأصلية كتبت بواسطة نوآرة

وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!

اسعدني تواجدك في متصفحي الروعه هو انتي يالغلا ...

المشاركة الأصلية كتبت بواسطة عسولة الشرقيه

الله عليكِ

قصيده رائعه بمعنى الكلمه

كل الشكـر لـِ
انتقآءك المميز

سلمت الأيآدي

لاتحرمينآ ,

تقبلي مروري
وأسمى تحيه

اللرائع هو انتي يالغلا..
اسعدني تواجدك ومرورك العطر ياعسل ....

المشاركة الأصلية كتبت بواسطة محمد آل فهاد

بوح جميل

يحمل بين سطوره الجزالة و النقاء
و مشاعر راقية بالفعل دمتي بود

نورت متصفحي بمرورك خيوووو ...
اسعدني تواجدك ...

المشاركة الأصلية كتبت بواسطة أنين

تسلم الايادي..

الله يسلمك يالغلا
نورتي متصفحي بمرورك ياعسل...