تمنياتي لكم بالتوفيق تم انسحابي من البرنامج

[Aisheea]

السلام عليكم و رحمة الله و بركاته


كانت ايام معاكم حلوه و فرصه سعيده اللي تعرفت فيها عليكم

فبعد اخذ وعطا و شد و جذب و تفكير عميق قررت الانسحاب من البرنامج نهائيا

لعدم جدواه بالنسبه لي

الترم الماضي لم يضيف لي جديد

نفس اسلوب دراسه المنازل بالثانويه

و سائل تعليم قاصره و بدائيه

عشوائيه في كل شي

لا تواصل بين الاداره و الطالب و لا بين المدرب و الطالب

خسائر ماديه بين تسجيل مواد و اعاده حمل مواد

بالنهايه شهاده مرتبه ثالثه

لا يستفيد منها الا من هم على راس العمل بالتعديل الوظيفي

بالنسبه لي لا طموح لدي للوظيفه و لا ارغب بها رغم انها لا تشفع

لذا اكتملت عندي الاسباب للانسحاب

حاولت تقليب الامر من كل الجهات وجدت باني مجرد اوهم نفسي

قواكم الله و موفقين ان شاء الله

و مع السلامه جميعا

و سامحوني ان اخطئت بحق احد بدون قصد

[ملك بلا ملكه]

الله يوفقك في اي مجال تختارينه

لكن الشهاده راح تنفعك حتى في حياتك العامه ,, من خلال زيادة معلومات


اتمنى لك التوفيق

[ǺĽ ẕeeห]

وشو وشو ؟؟

ماشفت وش كتبتي ؟؟

اقول تعوذي من ابليس وارجعي لوانك طالبه تأجيل افضل

تأجلين وترتاحين وتفكرين زين وعقب تقررين تنسحبين او تواصلين "

ليه ماقلتي لي انك بتنسحبين هاااه ؟؟

ايتها الدووبه الشهبااء انا اعلمك ان ماعضيتك عض لن اكون ( قطوه ) طيب طيب

شف البنت قال ايش قال تبي تطلع

لايكون انسحبتي وخلاص ؟؟

<< تقولك تم انسحابي

تدرين انك دووبه

هههههههههههههههههههاي

حبوبتي استهدي بالله وانا اختك وفكري زين لازم نتعب ياغلاي عشان نحس بمتعه الشهاده اخر شي "

[Ola]

السلام عليكم........اختي Aisheea نطقتي بالحق وبالعقلانية وربي...... مع اني كنت
بالترم الاول اوهم نفسي وان الشهاده مافيها اي نقطه شك فيها.....لكني بديت اشوف انها مامنها فايدة حتى لو تطوروا بكل الوسائل يبقى الطريقه التقليديه افضل بكثير.....

ولا فيها تطبيق كالانتظاااام.....وهذا كلام وحدة تقربلي دكتورة تقولي وشلون اداره اعمال مافيها تطبيق؟؟؟؟طبعا شرحت لها كيف درستنا من الى .....لكنها باين انه مو عاجبها خاصة انها افهم مني بالامور هذي بحكم وظيفتها الراقية...... ويوم قلت لها ابي انتظم فرحت واقنعتني واقنعت اهلي بالانتظام

فيه موضوع بالمنتدى العام شوفوه ياللي تقولون تعليم عن بعد احسن من انتساب مطور//
http://www.ckfu.org/vb/t152542.html
انا عن نفسي مابغى لاانتساب مطور ولاتعليم عن بعد......لاني مابي اضيع فلوسي وتعبي وسنيييين من عمري على شي مامنه فايدة .....

Aisheea صدقتـــــــــــي وربي ......انتي السابقة وانا اللاحقه باذن الله يالترم هذا او بعدة بحد اقصى

ماقول الا عسى ربي يعووووووووضك بالانتظام.......كل التوفيق لكـــــ

واعذروني ياللي بتكملون اتمنى اني ماخربت عليكم........كملوا وكلن له اماني يحققها بطريقته الخاصة

[ملك الإنتساب]

كل واحد وظروفة.. اللي يحس انها ماراح تفيده في حياته العلمية والعملية ينسحب ويشوف مجال ثاني اصرفله

[Nashmi]

وانتى قلتيها

تنفع اللى على راس العمل فى التعديل الوضيفى بس

ويمكن تنفع فى التوظيف ما احد يدرى

وانا اشوف ان الانسحاب نهاشى غلط يعنى لو تعذرين هالترم وتشوفى الوضع

والله يهديك للى يفيدك

[سمو الأنوثه]

قرارك حز بنفسي والله بس كلنا ما ندري وش اللي كاتبه لنا
يمكن لو اخذتي شهادتك تتوظفين احسن وظيفه انتي بس خليك مقتنعه ان الرزق بيد الله
مو بيد عباده واللي ربي كاتبه بيصير سواء اخذتي الشهاده او لا
انتي اجلي هالترم علشان نفسيتك ترتاح ولا تنزلين اذانيك عند كل شخص يتكلم
وبالاخير اتمنى تفكرين مره ثانيه وتعدلين قرارك يالغلا وانت وصاحبه السنكرس
والله يوفقنا جميع

[ابونوآآآف]

غلطانه 100% واذا على الفلوس يمكن حلها لكن الاستفاد ملموسه وباعتراف الكثير تنورنا واستفدنا كثير فرجاء لاتستعجلون والمواد اللي حملت يمكن تعويضها بالجد والاجتهاد

[طالب الشمال]

شوفي وانا اخوس انا معك وضدك بنفس الوقت بس انتي استخيري وشوفي وش يصير معك

والله يكتب لك اللي فيه الخير ،،، آمين

[>> Ł3ўőőη Ďƒ2 <<]

دوووووووووووووووبآ ليييه :(

لو انك طلبتي تأجيل آحسسن

بس دآمك انسحبتي وهذا قرارك ربي يوووووفقك ان شاء الله ووييسر لك الخير ويعوضك باللي آحسن من هذا وماجا منك الا كل خييير

وشسمه مو يعني طلعتي يعني ماتدخلين تسيرين علينا ياويلتس لو قطعتي

وآهم شي قبل لاتطلعين استخرتي ؟! اذا استخرتي فمآ لنا كلآم خلاص

وبفقدكـ آوي آوي < قلوب من هنا لباب بيتكم