[ جميع التخصصات ] متحطمه لآخر حد :(

[طويلة الرمش]

السلام عليكم


بنات امس صديقتي راحت الكليه وقلت لها تسال عني بالرياضيات للأسف طلعت حاملتها حسبي الله ونعم الوكيل فيهم وربي تعبت نفسي وانا اذااااكر وسهر وقل نوم وآخر شي أحملها

المهم حبيت اسأل. اذا حملت الماده متى اقدر. أخذها ؟!وهل اقدر اغير الدكتوره ولا لا


لاهنتوا جاوبوني وربي متحطمه نفسيا

[رنة فرح..*]

وعليكم السلام ورحمة الله وبركاته

أولا/ لاتتحطمين نفسيآ لأنها مش نهاية الدنيا ولانهاية مشوارك الجامعي ولله الحمد
على الأقل ماده ولا أكثر من ماده. وحنا قبلك حملنا مواد مو بس ماده والحمد لله عديناها..

ثانيآ/ إن شاء تدرسينها مره ثانيه السنه الجايه الترم الأول أو إذا نزلوها لك الترم هذا تقدرين تآخذينها
وبإمكانكـ تغيرين الدكتوره إذا غيروها لك وحطو لك خيارات بالجدول...

ثالثآ/ إن شاء الله ربي يوفقك وتكون آخر ماده تحملينها ...

موووفقه

[Liza phantomhive]

ليش تتحطمين يا قلبي مثل ما قالت رنة فرح ما انتهت الدنيا على كذا..

وإحنا مو أحسن حال منك ,انا ماشفت نتيجتي لكن متوقعة أحملها يعني..

احنا سوينا اللي نقدر عليه وكدينا ودرسنا وتعبنا لكن الي حصل مقدر ومكتوب..

(عسى أن تكرهوا شيئاً وهو خيرٌ لكم وعسى أن تحبوا شيئاً وهو شرٌ لكم)..صدق الله العظيم..

بالنسبة هل تعطيك نفس الدكتورة هذا على حسب المتوفر =)

ووبس ..أتمنى أفدتك

[::طموح::]

لا تتحطمين يا اختي وانك تحملين ماده في الكليه ما يعني ان مستواااك نازل لا ابدا
والله يا اختي بنات من العشر الاوائل حملوا مواد بأولى وشدوا حيلهم بعدها
كثير حملوا مواد وبنات مستواااهم حلو والله ....
لا تقيمين نفسك على هذا الشيء
وربي يوفقك
رنه فرح جوابت على سؤالك مشكوره ,,

[حلم كيميائي]

ليش تتحطمين الحمدلله على كل حال

انا اعرف بنت معرفه شخصيه حملت مادتين في سنه اولى

وماشاء الله في سنه رابعه من العشر الاوائل

وانتي توك في اول المشوار تقدرين إن شاء الله تعوضين

اما بالنسبه للماده تنزل السنه الجايه الترم الأول وتدرسينها مع التحضيري <<اتوقع

حسب دكتورات الي محددين للماده وتختارين منهم وتسجلين الماده

والله يوفقك ويسهل امرك..

[مملوحة الوصايف]

اصلا خلاص تعووودي

ماده تتعبين فيها تحملينها هذا شئ عاددي جدن

انا السمستر يوم كنت باول حملت الرياضيات والفيزيا

[apple]

أنا اللعام حملت الإحصاء
الحمدلله على كل حال

[طويلة الرمش]

مشكورين حبايبي والله رفعتم من معنوياتي

والله يابنات ماتدرون قد ايش تأزمت بس من جد كلامكم مو نهاية المشوار

ربي يرفع قدركم مثل مارفعتو معنوياتي

[غلآكمـ]

لا تتحطمين و لا شي يا قلبي ..

و أكيد خيره لك ..

و مثل ماقالو البنات مو نهايه المشوآر .. و هذا انا اللي أكلمك سبق و ان حملت 5 موآد

و الحمدلله كذا ماده منهم انجح فيها بـ a << ماشاء الله

صحيح كنت متحطمه قبل .. بس لما فكرت فيها .. انجح بـ d ولا اعيدها و انجح بـ a ??

و مثل ماقالو البنات شدّي حيلك ..

و بالنسبه لي كانت حمل الموآد قرصة أذن و ان شاء الله ماتتكرر ..

و فيه اشياء كثيره استفدتها لما حملت الموآد

و انتي حاولي تستفيدين من هالتجربه ..

موفقه بباقي الموآد .. و جعلك ماتحملين ولا مآده آبد

[tweet]

الله يوفقك ياااقلبي ولا تتحطمين ولا شي ترى الدنيا ماتسوى ومثل ماقالوا الاخوات مو نهاية الدنيااا والله يوفقك وييسر امرك ياااارب العالمين وتنجحين بعدين فيهاااا بأعلى الدرجات