طريقة مذاكرتك

[كلك حركات]

السلاااااااااام

ياخوان كل واحد يحط طريقة مذاكرته ووقته لكي نستفيد من تجارب بعض

وبتوفيق للجميع



بقولكم طريقتي :

امسك الكتاب كل يوم سبع صفحات واذاكره عدل واذا خلصت اسوي اختبار
وامسك باليوم محاضرة مع المحتوى واذاكره عدل

والحمد الله ذاكرت وبخلص قريب ومالي وقت محدد


<<<<<<<<<<<<< سدحوا طريقتكم

[my Dreams]

اخصص ثلاثة ايام لكل مادة بدء من غدا وانتهي في 24 محرم ثم اخصص يوم لكل مادة للمراجعة وانتهي في 30 محرم وبعدها ابد الاختبارات كل يوم ومادته وكذا سويت العام الماضي وجبت معدل عالي ولله الحمد بس انا اركز على المحتوى فقط وهذه الطريقه تعتمد على التركيز ومحاولة التخطيط بالقلم الرصاص على اهم المعلومات عشان ترجع لها وقت الاختبارات
تحذير جامعي : لاتجرب هذه الطريقة بالبيت فهي للمحترفين

[RoshoF]

ما شاء الله عليك

الله لا يضرك

[اكورد]

انا كل يوم اقول اليوم ادرس ولا دراسه ولا هم يحزنون بس خلاص بكره ابد اكيد شجعوني عشان اتحمس

[الطموح1]

انا والله كل يوم اقول بذاكر ومسوي جدول وحركااااااات بس ماعندك احد المشكله انا تعودنا قبل الاختبار بيوم نحفر ام الكتاب وفي القاعه عيونك ماتثب 5 ثواني قدام كله يمين يساااار

[دلع الملحم]

المشاركة الأصلية كتبت بواسطة my dreams

اخصص ثلاثة ايام لكل مادة بدء من غدا وانتهي في 24 محرم ثم اخصص يوم لكل مادة للمراجعة وانتهي في 30 محرم وبعدها ابد الاختبارات كل يوم ومادته وكذا سويت العام الماضي وجبت معدل عالي ولله الحمد بس انا اركز على المحتوى فقط وهذه الطريقه تعتمد على التركيز ومحاولة التخطيط بالقلم الرصاص على اهم المعلومات عشان ترجع لها وقت الاختبارات
تحذير جامعي : لاتجرب هذه الطريقة بالبيت فهي للمحترفين

راح اعتمد طريقة الاخ ماي درييمز والله يوووفقنا

[حياة الرووح]

المشاركة الأصلية كتبت بواسطة اكورد

انا كل يوم اقول اليوم ادرس ولا دراسه ولا هم يحزنون بس خلاص بكره ابد اكيد شجعوني عشان اتحمس

اقول ماعاد فيها شجعوني والا دفوني ,,
ليما الحينك تفكر !؟ خلااااص ازف الوقت وبدأ العد التنازلي ==========>> فضخت قلبه خلاص

اقول شد حيلك كلها كم يوم تمر بلمح البصر ,نبي نخلص علشان نستانس بالعطله ومانبي اي احد منا يكون مضايق بسبب المعدل او الرسوب لاسمح الله





my Dreams ماشاءالله تفكير عملي ذكي ,, شكلي بقلد


ــــــــــــــــــــــــــــــــــــــــــــــــــ ـــــــــــــــــــــــــــــــــــــــ



اممم اما عن نفسي ,, انا باديه منذ مبطي على راحتي بعض المواد خلصت النصف وبعض المواد وصلت للمحاضره التاسعه وبعضها من بداية السمستر ذاكرت 4 محاضرات منها


اما هالشهر هذا راح ابدأ اختم المواد ان شاءالله ,,والله يعين ويطرح البركه في اوقاتنا
يوم الشتاء قصير وغير هذا بيتنا زحمه وكله جمعات ووناسه وسوالف وازعاج
قاعده امشي ببطئ شديد,, شوي اذاكر , وشويتين هني معاكم , وشوي قهوه وحلا وسوالف


امممم احب اتابع المحاضرات حتى لو ماكان فيه لزوم , اخاف يطوفني شي

اممم اطمح لمعدل عالي وخااايفه مووووت كل ماقرب الوقت يزيد الخوف


اتبع طريقة التحديد بالقلم الحبر ===>> طريقة الحريفين هههههههه

[اكورد]

حياة الروح اشكرك الله يوفقك ما شاء الله عليك

[رنو]

أنا طريقتي مثل طريقة الأخ ماي دريمز

والله يجزاكم خير يارب

مروري

رنــــو

[طموح فتاه]

والله للحين مابديت اذاكر بس بحاول ابدأ بأسهل ماده عشان مااتراجع واحس بصعوبه

أنا طبعي ملوله فبتكون مذاكرتي ميكس قبل اخلص الماده بروح لماده ثانيه >>> كسر الروتين

ولازم شاهي عشان اركز وينفتح مخي