ما الحل في رأيك لو كنتي مكاني؟؟؟

[دموع الزمن]

مساء الخير على جميع العضوات
ما أعرف وين أبدي بس أنا قصتي قصة مريرة
أعيش من بعدها طعم الحزن والهم لدرجة أعيش في كآبة
أنا كنت مخطوبة ومكتوب كتابي لشخص لمدة سنتين وسافر إلى الخارج لكي يكمل دراستة
أنا أدرس وما اقدر أسافر معه وأبويا رفض أنه أسافر
طبعاً كنا على تواصل وكان بينا مشاعر جميلة وحب وتوافق وضحيت بأجلة بأمور كثيرة لأني كنت أشوفه الدنيا وما فيها وكان حبي له صادق
بس كان عندي شعور غريب رغم أنه يحلف أنه يحبني كنت أحس أنه ما يحبني أو بأصح كان مجرد يخدعني خدعة كبيرة كنت أكذب هذا الشعور
كانت تصير بينا خلافات ونرجع نتصالح
المهم صار بينا قبل فترة خلاف وزعلت منه كثيرررر لأنه أكتشفت أنه ما يحبني وأنه شخص مايوثق فيه فطلبت من أبويا الطلاق وهو عادي عندة ولا حتى سأل أو حاول يرضيني
تعرفين لما تحسين أنه بايعك وأنك ندمانة على عمرك اللي راح وانتي تنتظرينه آآآآآآآآآآآآآآىىهههه
والله أبكي وأنا أكتب لكم أنا ماعندي أحد أفضفض له غيركم أرجوكم أنصحوني

[why not]

ياحياتي والله اني ماافهم بهالسوالف بس صدقيني خيره ربي يحبك ومايضرك ابد ولوهالشي فيه خيره لك كان تممه ربي
وترا الحزن ماينفع والي باعك بيعيه ولاتفكرين فيه ابد:nono:
حاولي تشغلين نفسك باي شي ومثل ماهو قدر يبعدك عنك انتي بعد بتقدرين
ولاتنسين الدعاء
والله يوفقك

[دموع الزمن]

المشاركة الأصلية كتبت بواسطة why not

ياحياتي والله اني ماافهم بهالسوالف بس صدقيني خيره ربي يحبك ومايضرك ابد ولوهالشي فيه خيره لك كان تممه ربي
وترا الحزن ماينفع والي باعك بيعيه ولاتفكرين فيه ابد:nono:
حاولي تشغلين نفسك باي شي ومثل ماهو قدر يبعدك عنك انتي بعد بتقدرين
ولاتنسين الدعاء
والله يوفقك

شكر حياتي why not الله يسعدك يكفي أنك رديتي علي
صحيح كلامك بس لما يكون حبه بقلبك كيف تقدرين تنسينه؟؟؟
كل زاويا في بيتنا تذكرني فيه تعبت تعبت والله أبي أنساه وأبدي حياتي من جديد بس صعبة

[c!nema]

ياعمري
حبيبتي لانك تتذكرين الاشياء الحلوه اللي صارت لك وانتي معاه
بس تراه مايستاهلك
وصدقيني ربي يحبك عشان كذا ابعدك عنه
الحب ياحياتي مو كل شيء في الحياه
وش الفايده اقولك احبك وانا جالسه اخونك
او اقولك احبك وانا ماابادرك بالشيء الحلو
اهتمي بدراستك وياقلبي الدنيا مااشيه به والا بدونه
لاتجلسين تبكين وتندبين حظك وتضيعين باقي ايامك وانتي حزينه
بالاخير راح تندمين وتتأكدين انه مايستاهلك
وبتقولين ياليت مازعلت وياليت وياليت
خيره من رب العالمين
هذا اختبار من الله لازم تصبرين ..
وادعي ربك يجيك اللي احسن منه وينسيك اياه
وصدقيني اوثقي بالله وراح يجيك الاحسن وبتعيشين احلى عيشه
الله يوفقك ياعمري

[كبريــا]

8
8
كلامك روعه
ترى فتره وتنسينه...اهتم بدروسك احسن

[اطيب تحياتي]

الله يسعـــــــــــــــــــــــــــــــــــــــــــــــ ـــــدك يارب دوووووووووووم في الدنيااا والاخره

حبيبتي انسي ولا عااااد تذكريه ربي يعوضك الجنه وبعدين من يكوووون عشان تبكين عشااااانه اللي باعك برخيص بيعيه بتراب وانااا اختك ولا تشيلين هم ترى مو اخر الدنياااا وترى الطريق قدامك مفتووووح وان شاء الله ربي يرزقك بالي احسن منه (( ومن ترك شي لله عوضه الله خيراً منه )) ..

موفقه يالغلا

<<<<< اخر الاحزاااان ان شاء الله يا بعد رووووحي ..

ولك اطيب تحياااتي

[.: كلي وفآ :.]

لآحول الله


الله يجبر بكسر قلبك حبيبتي , وآذآ بآقي مآانفصـلتوآ ( آسآل الله آلعظيم آنه يآلف مآبين قلوبكم ويحنن قلبه عليك ويعـرف قيمتك يـآرب )


حآولي تشغلين نفسك بدراستك ولآتقعدين لحآلك كثـير علشان مآتهوجسين وتلعب بك الذكريآت



اتمنى من كل قلبي آشوف لك موضوع تبلغينا فيه عن فرحك ^ـ^


الله يوفقك ويكتب لك مآفيه آلخيـر

[مدعوجة العين]

حبيبتي هالشيء خيييره وربي

وبعدين ما تدرررين يمكن ربي يعوضك بأحسن منه

[ملاكـ الرgح]

(( وعسى أن تكرهوا شيئاً وهو خير لكم ))
الله يهونها عليك ويعوضك باللي احسن منه
فتره وتعدي..
قدر الله و ما شاء فعل
وفي الأمر خيرة مايعلمها الا الله.
لا تشغلين بالك بالتفكير بالموضوع.
لان التفكيرماراح يفيدك بشي بالمستقبل بالعكس راح يشغلك عن حياتك ويهلكك معنوياً
اشكري ربك على كل حال وإدعيه ...

موفقه

[احاسيس..]

ربي يبيلك الخيرررررررررررر صدقيني

ومهما صارك اي شي بالدنيا قولي (حمدالله والشكر لك يارب) صدقيني مهما صار لك من مكروه تكرهينه او ضيقه فـ ثقي ان ربي بيعوضك الاحسن باذنه

حمد الله صار هالشي هالفتره فترة دراسه وانشغالات

يعني نادر ماراح تقعدين وتفكرين فيه .. ونفس ماقالوا لك البنات لاتفكرين في الاشياء الحلوه لانك بتتعبين

وصدقيني صدقيييييييييييييييييييييييني من تجربه انتي بيدك تنسين وبيدك تجلسين على الاطلال وتهمين نفسك بالتفكير ..

ثقي بربك وباللي اختاره لك ..( خيره ان شاء الله) ربي يعوضك ويوفقك يارب بدراستك وبالرجال الاحسن والاخير منه