ايش رآيكم بكلامي

[ibrahiiim]

السلام عليكم ورحمة الله وبركاته

اولا ابارك للمقبولين والمقبولات في برنامج المنح وأسأل الله ان يوفقهم دنيا وآخرة...

ثانيا...سأكتب مابداخلي.. :
عندما وصلت لي رساله من الوزارة مثلكم ذهبت الى الكلية فقالو لي : تبي تداوم ؟؟ تبي تداوم ؟؟ او تنتظر لين يطلع اسمك ؟؟

انا شكيت بالوضع فقلت ابي اداوم فداومت الى أن تم الرد من الوزارة بالرفض...
فالوزارة حسب رسائلهم بالإيميل كانت محفزة للقبول وعباراتها : تم رشيحك ... عليك الذهاب للكلية .. تم مطابقة المعلومات ..

يعني انا حسيت وربما انتم ايضا بالقبول وطبعا التفاؤل قبل كل شيء

فداومت الأيام الماضية كلها ولم اتغيب ولا يوم وتم مذاكرة جميع الدروس بفضل الله
وانا اداوم من الجبيل يوميا 80 كيلو .. ولا تنسنون زحمة الطريق والإشارات...

ايضا كل ماسألني احد ها بشر وينك الحين تدرس متوظف اقول ادرس بعدين يقول وين؟

ارد عليه وخدودي حمره زي كذا في كلية الغد...
ويعني ناس كثير الحين وش اقول لهم


وانا داومت لأني ابغى ادرس اولا وثانيا فكرت انها لعبة من الإدارة من شآن يشوفون اللي يحظر واللي مايحظر..بالعربي اللعاب من غيره وقرأت الكلام هذا هنا بأنه سيتم ارسال كشف الحظور كل اسبوع الى الوزارة..؟؟:mh01: والله اني مسكين

النهاية

انا قرأت اني مرفوض وقلت الحمدلله ..إنا لله وإنا اليه راجعون اللهم اجرني في مصيبتي هذه واخلفلي خيرا منها ...قال صلى الله عليه وآله وسلم الا أخلفه الله خيرا منها

عموما الحياة مابتتوقف على هالكلية لاكن انا نفسي بالتخصصات الطبية
واذا على حسابي الوالد مابيقصر لاكن انا مقدر ظروفه ..
من بعض ظروفه الله يطول بعمره وجميع آبائنا وأمهاتنا.. منها بنيان بيت وعندي اخوان غيري وديون منها لأشخاص ومنها قروض بنكية :s9: وغيرها ....
ورواتبنا تعرفونها كيف نهاية الشهر طفره !
وصدقوني الدوله مابتقصر معنا بشيء يعنى بإمكانها تقبل كل طلاب المنح
ولاتنسون تكلفة طلاب المنح اقل من تكلفة الطالب الحكومي لأن الطالب الحكومي عنده مكافأة وكتب مجانا وسكن شبه مجانا وتأمين طبي

عموما... نحن ابناء الوطن ان لم تنفعونا بشي ممكن لاسمح الله نضر أنفسنا ثم الوطن
مثل الأعمال التخريبية في اليوم الوطني مثل مشاكل الأسواق والمجمعات مثل خراب البيوت والأنفس ولاتنسون رفقاء السوء يمثلون اغلب الشباب الا من رحم ربي..العطالة والبطاله تؤدي اكثر من ذلك .. وظيفه لا يوجد.. قالو بسبب الشهادة .. طيب نبغى ندرس ..

لأن النفس ان لم تشغلها بالطاعة والعلم اشغلتك بالمعصية والظلم
نبغى نتزوج ..نبغى نكد على انفسنا بأيدينا وليس بإستعانة من والدينا.. نبغى نتسنع مو طول الحياة ابوي ابي فلوس... ولاتنسون ظروف والدينا ..لم هذه المذله
عموما مهما كان الوطن اغلى شيء لدى كل انسان وانا بالذات لكن اردت ان اوضح بعض النقاط المهمة دام عزك ياوطن

وأنا لا أحرض بفعل المعاصي اذا اصبحنا عاطلين لاكن هذا سبب اغلب شباب هذه الأمة فنحن جميعا أكبر من ذلك ولدينا رب ندعوه فيستجيب لنا
وسنفيد انفسنا ان شاء الله بدورات التحفيظ القرآن والدورات الإنجليزية ووظيفة تمشية حال

آسف على الإطاله ... نشوف منكم الردود وحرات القلوب

[الباحث عن العلم]

اخوي الكريم
الله يساعدك
انا من البداية ما قررت اداوم الان ان تطلع المنحة ليش المشوار انا من اهل الاحساء وكنت متوقع قبولي لان معدلي في الدبلوم قوي لكن
تجري الرياح بما لا تهوى السفن
في البداية انفهرت لكن بعدين قررت ادرس الفصل الثاني واجيب معدل قوي وان شاء الله اقبل
يقولون
ما اضيق العيش لو لا فسحة امل

[lahfa]

الحال من بعضه يا أخوي

حتى انا كنت متفائله واقول لأمي تراني بنقبل

وبعدين جات الصدمه بالرفض

بس الله كريم

ومارح يضيع تعبنا

[تاج حيدر]

تدروا البارحة جاني إلهام بالصبر وان الأنمور راح تتيسر حتى لو كان مالي تصيب في كلية الغد
رآح يكون لي نصيب في جامعة أو كلية احسن منها
لكن وش اقول حسبي الله ونعم الوكيل

[hyofa]

ضــــــاقت فلمـــا أحـــكمت حلقاتها فرجــــت وكـــــنت أضــــنهـــا لا تـــفرجو

إن مع العسر يسرا إن مع العسر يسرا

[ibrahiiim]

مثل ماقلت في الموضوع عندما قرأت اني مرفوض سبحان الله ماحزنت لأني استخرت قبل ما أدخل وقلت الحمدلله على كل حال..إنا لله وإنا اليه راجعون اللهم اجرني في مصيبتي هذه واخلفلي خيرا منها ...قال صلى الله عليه وآله وسلم الا أخلفه الله خيرا منها..

-(ولاتيأسوا من روح الله إنه لاييأس من روح الله الا القوم الكافرون).
2-(ومن يقنط من رحمة ربه إلا الضالون).
3-(إن رحمة الله قريب من المحسنين) ...

احسنوا الظن بالله .. اذا قلت مابنقبل او مرفوض خلاص مافي أمل تدري ايش بصير ؟ بصير صح مافي أمل اما اذا قلت ان شاءلله سأقبل ...الله مابخيب املي... الله بعوضني ..كذا احسنت الظن بربك
وكما قال حبيبنا بأبي هو وأمي تفاؤلوا بخير تجدوه..
ولاتنسون اذا ربي بلاك بشيء انما هو تكفير لذنوبك او بسبب تأديب لك لكي تقلع عن ذنب تفعله
واذا دعيت ربك تأكد دعائك مستجاب ...ممكن تقول انا دعائي غير مستجاب لا غلطان ياحبيبي
لأن الله عز وجل قال في كتابه العزيز (أمن يجيب المضطر اذا دعاه ويكسف السوء)
(وإذا سألك عبادي عني فإني قريب اجيب دعوة الداعي اذا دعان فليستجيبوا لي وليؤمنوا بي لعلهم يرشدون)
تدري كيف يقبل الله دعائك ؟
ربما الله عز وجل يعجله لك في الدنيا __ أو يدفع به بلاء لك__أو يعوضك بالآخرة ..!

علمت كيف ان الله سبحانه لا يرد من سأله !

[تاج حيدر]

مثل ماقلت أخي ابراهيم
أنا قلت لنفسي ماادري يمكن صار معي كذا لأن الله راح يرزقني بشي ثاني أفضل يعني أنا لو ادرس الحين رآح يروح علي إلي اكبر منه ..والله اعلم يمكن السنة الجاية انقبل طب وخصوصاً ان ناس معدلاتهم مثلي قبلوهم طب في الرياض
..
وكم لله من لطفٍ خفيٍّ يَدِقّ خَفَاهُ عَنْ فَهْمِ الذَّكِيِّ وَكَمْ يُسْرٍ أَتَى مِنْ بَعْدِ عُسْرٍ فَفَرَّجَ كُرْبَة َ القَلْبِ الشَّجِيِّ وكم أمرٍ تساءُ به صباحاً وَتَأْتِيْكَ المَسَرَّة ُ بالعَشِيِّ إذا ضاقت بك الأحوال يوماً فَثِقْ بالواحِدِ الفَرْدِ العَلِيِّ

[هدوء البنفسج]

اخوي ابراهيم وإلى كل اللي مانقبلوا
ثقوا ثقة ان الله يعلم بأحوالكم
وإن الله لن يضع تعبكم سدا
ورح يعطيكم اللي احسن منه
وعدم قبولكم فيه خيرة ومنفعة لكن لم تعلموها إلى الان

اتمنى أن لا يدخل اليأس في قلوبكم

فمثلا انا ماكنت اتمنى اني ادرس بالدمام
كنت ابي جامعة فيصل تربية خااصة او صيدلة اكلينيكة
وم رفضي من الاثنين
وفي النهاية الله كاتب لي اني ادرس بالغد

توكلوا على الله وربي مرح يخيب ظنكم

دعوواتي لكم بالتووفيق

[مفارق غالي]

بس انا بصراحة تحطمت لأني كنت متوقع القبول ولكن لما شفت النتيجة مرفوض
والله انصدمت ... وزعلت كثييييييييير لكن انا مازعلت على كلية الغد لاوالله انا زعلت عشان راح اضطر الترم الثاني
اروح ادرس بعيد عن اهلي ..
وانا مسؤول عن امي وثلاث اخواتي وثنين اخواني الصغار .. ومع كذا هما مصرين اني اروح ادرس
والله كنت اتمنى اقعد وادرس عند اهلي وانا جربت جميع الطرق والله سجلت في جامعة الملك خالد عندنا في ابها ولا قبلوني وفي كلية الغد في ابها ورفضوني .. رغم ضروفي .. يعني جميع محاولاتي بائت بالفشل ..
وعلى فكرة كان في شي ودي اقوله لكم من زماااان بس ماحصلت الوقت المناسب .. انا انقبلت في جامعة الخرج ترم ثاني تخصصي << تربية خاصه >> والله يوفقني ويوفقكم اجمعين ويعوضكم بشي ماكنتو تتوقعوه او تحلمو فيه يارب ..

[ibrahiiim]

يا مفارق غالي...يعلم الله قدرت وضعك وحسيته لأنك اخوي ..

اسمع ياخوي اتمنى منك تكتب خطاب لاتبقي شي الا وكتبته ويكون اسلوبك مؤثر جدا وارسله لأمير ابها او اي امير وصدقني حيراعون ظروفك...الحين اكتبه وارسله في اقرب فرصة يكون متواجد فيها الأمير وموشرط امير ابها بإمكانك ترسل للملك او اي امير..

وبعد سمعت انه في دفعة بعد الحج ...الله كريم

ابها اظن فيها كلية تقنية ..برضو قدم فيها صدقني صارت كويسة بإمكانك اذا جبت معدل تكمل دراستك بعثة ...
اسأل الله ان يفرج همي وهمك وهم جميع اللي ماتوفقوا في شيء