اعتذر عن تقصيري ولكن اتمنى ان افيدكم

[MFHE]

السلام عليكم ورحمة الله وبركاته

صبحكم الله بالخير او مساكم الله بالخير

اخواني واخواتي انا بصراحه ماني عارف شلون ابدا موضوعي او كيف اقدر اوصل لكم لو شي بسيط

من الي انا عشته وعايشته معاكم من خلال تسجيلي بالجامعه وحبيت اقول لكم الي بخاطري

لعل وعسى انها تفيد اي شخص منكم بأذن الله

انا ماقدرت افيدكم باني انزل ملخص او اجيب معلومه عن المحاضرات او شي ممكن يفيدكم

بدراستكم لاني بصراحه الى الان مافتحت شي ولا ذاكرت شي مع العلم

اني حليت جميع الواجبات والمشاركات والمحاضرات تم تنزيلها ........

وانا من الناس الي تبهذلت بالرقم السري وتبهذلت بالبلاك بورد ومن بعدها تبهذلت بسالفة انك لازم

تغير المتصفح الخ ...... من المشاكل الي مر فيها الاغلبيه من الاخوان


(( الله يصبركم على سالفتي وتتحملوني ))

الأغلبيه متوترين ؟؟؟

الاغلبيه منزعجين من النظام وطريقته ؟؟؟

الاغلبيه مستائين من التطور عن بعد الذي لم يطبق بحذافيره ؟؟؟

الأغلبيه صابه قلق وارق وتشتت من كثرة الملخصات والمواضيع وصعوبة المواد ؟؟؟

وفيه امور كثيره شاده اعصابكم وتاعبتكم :( الله يعين الجميع يارب



انا طلبي الوحيد والصغير

اتمنى من اي شخص انه يقعد يتأمل لو خمس دقايق بس ويفكر بينه وبين نفسه
وينظر للامور من خارج اطار الدراسه والمنتدى والمحاضرات وان الاختبارات قربت

صدقوني لو يكون التفكير عميق وماهو سطحي ومتفائل جدا

راح تطلع بنتائج ايجابيه وراح تقدر تجاري الوضع الحالي الي انت عايشه

وبتسهل عليك امور كثيره ان شاءالله خصوصا لو تاخذون الامور بهداوه وطولة بال

والي الله مو كاتب له انه بيتوفق ماراح يتوفق والي الله كاتب له انه بيتوفق بيتوفق وعساها خيره

لكن المطلوب انك ماتسابق الزمن ولا تسابق نفسك وتحملها فوق طاقتها حاول تساير

الدراسه وتساير نفسك بانك ماتقصر مع الاثنين

على فكره انا دخلت الجامعه مو لاني دافور ولا لاني اموت بشي اسمه دراسه
انا الي اعرفه اني كنت اخاف بالمتوسط لا اسقط عشان ما يمسح بوجهي الحوش الشايب

والثانويه العامه كنت خايف واخذتها عشان اقدر احصل وظيفه ؟؟؟؟ لكن الجامعه

ماعاد فيه مجال اني اخاف لا من امتحاناتها ولا منها ولا من سوء تنظيمها ولا اسبب لنفسي

اي تعب او قلق الي بسويه اني رتبت اموري بكل هدوء :$

واقدم الي الله يقدرني عليه واذا المحاسبه ولا الاقتصاد صعب مو غلط اني اعتبرها وناسه وفله

واوصل لمتعت الماده حتى لو ماكنت ارغبها

ادري والله اني طولت عليكم وماني عارف هل كلامي بيفيدكم بشي ولا لا لكن قلت

يمكن الله يقدرني وانفع الناس الي بالمنتدى بأي شي ^_^


صح نسيت لا اقولكم ترا انا دخلت الجامعه لاني مره عبيت استمارة بنك واخترت المستوى

التعليمي ثانويه عامه وماقدرت اختار الخيار الاخير الي هي شهاده جامعيه ^_^


فقلت وهو كذالك وش وراي ادخل واخذها هم على روقان :)



بالتوفيق للجميع بأذن الله

[ẤĽSЙΪфRẪΉ]

وعليكم السلام ورحمه الله وبركاتهـ ..

كـلام سـليـم ..


موفقـ لكل خير إن شاء الله وعسـاك توصل للي تطمح له بإذنه تـعـالـى ..

[ROUZ]

درر ,
كلامك يجنن ويفتح النفس ووكله تفائل وسعة صدر على هاالصبح
وصدقني أنا اوافقك بكل ككلامك
,, ودايم اقول للاخوان هنا لما اشوفهم متوترين
يعني مو داخلين حرب أحنا كلها اختبار
وباالعكس هاالمواد سهله باالنسبه لما سبق دراسته فاالسنوات السابقه < لايكون نسيتوا ؟!
الرياضيات ممتعه ودكتورها يجنن والله يخلي الاله ..
والقانون حفظ والله يبارك في الاخ آصف بن برخيا
والاداره حفظظ بعد والله يسلم الاخوان اصحاب الملخصات وأيضاً الدكاتره شرحهم رائع ..
باقي الاقتصاد المحاسبه فالاخوان حاطين لها مليون شرح ومليون نموذج اختبار ..
والشروحات منها المقاليه ومنها الفيديو ..
خلاصة كلامي وسعوا صدوركم وتفائلوا وخلوا دراستكم خالصهه لوجه الله ..
و من توكل على الله كفاآآه 3>


تحياتي لكم

[MFHE]

شكرا على مروركم اتحدى الدراسه

وروز نورتو الموضوع

[ابو حبتين]

اتمنى لك التزفيق وفالك الفل ان شاء الله

اما الخوف فهي ثقافه موجوده ملا يمكن ان تغير

والسبب في ذالك ترسبات الماضي في التربيه من

الاسره وطريقة التعامل مع الطالب من اساتذه لا يعرفون

من وسائل التعليم الا الضرب والطرد من الفصل واستدعاء وي امر الطالب

[MFHE]

حياك الله ابو حبتين

شرفت ونورت موضوعي طال عمرك

[جنون الحياه]

الله يعطيييك العااافيه وانت صااادق ..

ربي يوفقك ويوفقنا جمييييييييييع ...

ويسهل علينا ان شاء الله ..

[أسماء الخالدي]

:|

[فراج البراهيم]

[grade="00008b ff6347 008000 4b0082"] الله يوفقك ويوفق الجميع [/grade]

[عروب الخيل]

ماقصرت اخوي فعلا خففت من توترنا لقرب الامتحانات وفالك فل مارك انشالله وجميع اخوانا وخواتنا