قصيدة محزنة ...........

[أديم2008]

قصيده مؤثره جداً ومحزنة

قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمة وعطف الأم
الله يخلي لنا أمهاتنا يارب
ويارب تكون القصيدة درس للكثير من الأبناء
ودرس لزوجات الأبناء الذين يحرضون الأولاد على عقوق أمهاتهم
والدنيا دوارة

أترككم مع القصيدة

وين أنت يا حمدان أمك تناديك .. وراك ما تسمع شكايا وندايا

يا مسندي قلبي على الدوم يطريك .. ما غبت عن عيني وطيفك سمايا

هذي ثلاث سنين والعين تبكيك .. ما شفت زولك زاير يا ضنايا

تذكر حياتي يوم أشيلك وأداريك . . والأعبك دايم وتمشي ورايا

ترقد على صوتي وحضني يدفيك .. ما غيرك أحدٍ ساكن في حشايا

وإذامرضت أسهر بقربك و
أداريك .. ما ذوق طعم النوم صبح ومسايا

ياما عطيتك من حناني وبعطيك .. تكبر وتكبر بالأمل يا منايا

لكن خساره بعتني اليوم وشفيك .. و
أخلصت للزوجه وانا لي شقايا

انا أدري إنها قاسيه ما تخليك .. قالت عجوزك ما أبيها معايا

خليتني وسط المصحة وأنا أرجيك .. هذا جزا المعروف وهذا جزايا

يا ليتني خدامة بين أياديك .. من شان أشوفك كل يوم برضايا

مشكور يا ولدي وتشكر مساعيك .. وأدعي لك الله دايم بالهدايا

حمدان يا حمدان أمك توصيك .. أخاف من تلحق تشوف الوصايا

أوصيت دكتور المصحة بيعطيك .. رسالتي وأحروفها من بكايا

وإن مت لا تبخل علي بدعاويك .. وأطلب لي الغفران وهذا رجايا

وامطر تراب القبر بدموع عينيك .. ما عاد ينفعك الندم والنعايا

الله يقدرنا على رضاء والدينا وقبل هذا رضاء الله..
خالص تحياتي