 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2013- 2- 20
|
||||
|
||||
لـ تقديم آفضل [ برزنتيشن - Presentation ] خطوه بـ خطوه ツ
[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu13368176992.png');"][CELL="filter:;"][ALIGN=center]
 بسم الله الرحمن الرحيم .. يسعد مسآء \ صبآح الجآمعييآت و الجآمعيين . .   مَنْ فينا مآ توهق بـ برزنتيشن ؟  أو احتاس بجمع المعلومات , ولا بـ كيفية اداء العرض , أو حصل له موقف عارض , او تقسيمة الدكتورز رمته مع قروب متهآون !  كلنا بالجآمعه أو بالتدريب أو بالعمل رآح نحتآج نعمل [ عرض - Presentation ] وكل هالأشيآء و العوآرض رآح يحصل بعضهآ معنا , ماهي هذي المشكله , المشكله كيف بنقدر نتعآمل معهآ بدون مآنخسر درجآت أو نشوه جمالية العرض .. مآرح أطول بالمقدمه , بس من تجربه وخبره خمس سنين بـ عروض الكلاسات ومن تجربه تدريب مكثف لـ عروض المؤتمرآت الطلابيه رآح آحكيلكم بالتفصيييل عن العرض " الجآمعي " من البدآيه وحتى النهآيه , لأني بفترآت سآبقه كنت أبحث بس ما ألقى موآضيع تبرد الكبد  وكنت أضطر آبحث بالآنقلش , ومن هنآ وهنآك وبكم هائل من المواقف , آتعلمت ..  [/ALIGN][/CELL][/TABLE1][/ALIGN] 
|
|
2013- 2- 20
|
#2 |
|
مشرفة عامة سابقاً
|
رد: لـ تقديم آفضل [ برزنتيشن - Presentation ] خطوه بـ خطوه ツ
[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu13368176992.png');"][CELL="filter:;"][ALIGN=center]
أشيآء لازم نعرفها قبل العرض من الدكتوره : طبعا غير الأشيآء البديهيه كـ ( الزمآن , المكآن ) - المحتوى المطلوب : لأن العروض من نآحية المحتوى مختلفه , فيه عروض مفتوح مجآل أختيآري لـ عنوانهآ , وفيه عروض نكون مقيدين بنقآط من المنهج . بعض الدكتورز يحددون عدد معين من المرآجع , آو يشترطون آشيآء معينه , لآزم نرآعيها . ولو كآن المجآل مفتوح .. آجتهدي جددا بآختيآر شي مميز و عصري .. - الدرجه المقرره لـ جزء العرض : بالعآده تكون من تقسيمة أعمال السنه , 5, 10 , 15 , 20 درجه ! واذا حسيتوا ان التقسيمه أكبر من كذا , ومبآلغ فيها لكم حق الإعترآض عند رئيسة القسم .. - الوقت : لآزم تعرفين كم الوقت المسموح فيه للعرض عشآن مآتآخذين رآحتس بزيآده ولا تختصرين وتخسرين درجآت .. - التقييم : اللي على اساسه بتآخذين الدرجه , بعض الدكتورز يركزون على المحتوى , بعضهم على الاسلوب , بعضهم على الآكسنت \ اللهجه وهذا لـ بنات الآنقلش ! لذا ضروري تسألين الدكتوره : كيف رآح يتقيم العرض ؟ أو على أي اساس ؟ بالمره بتحس بـ حرص الطالبه على الدرجه الكآمله ! - في حالة العرض مع مجموعه : ضروري تقررون مين بيكون ( الرئيسه \ Leader ) , وتتبادلون وسائل الإتصال مع بعض , حتى لو ماتعرفين مين هالمجموعه ماتتحرجين من السؤآل , الغرض و المطلوب وآضح , والمصلحه للجميع .. وانا فضّل اني أكوّن مجموعتي بنفسي , أو اكلم الدكتوره تغيّر مجموعتي لو حصلتها مو منآسبه .. - في نقطه ما تتصنف مع النقآط السابقه , بس أحرص عليها .. " عقليه الدكتوره" آحب أفهمها قبل ألقي عرضي قدآمها , بالعاده بتكون دكتورتي وفاهمه اسلوبها , لو كآنت جديده علي رآح اسئل و اسئل اليما أفهم بعضكم بيستغرب من هالشي , بس بقولكم كـ مثآل : دكتوره عندنا , تحب دآيم نفخر بإنتمائنا العربي حتى لو كنا ندرس الأدب الآنجليزي , فـ لما ألقي قدآمها موضوع يحوي نقآط عن نهضة عربيه أو شي من هالقبيل , طبيعي رآح تنبسط عليه وتتحمس للعرض و و و و ( تكرم بالدرجه ) ..  [/ALIGN][/CELL][/TABLE1][/ALIGN] |
|
|
|
2013- 2- 20
|
#3 |
|
مشرفة عامة سابقاً
|
رد: لـ تقديم آفضل [ برزنتيشن - Presentation ] خطوه بـ خطوه ツ
[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu13368176992.png');"][CELL="filter:;"][ALIGN=center]
اذا عرفتي هالآشيآء .. تبدئين الآن رحلة البحث : بالبدآيه لآزم تفهمين ان العرض يبيله شغل مسبق , وعشآن لا تتعبين وتتمللين منه , ويجيس كآبوس آسمه برزنتيشن  آشتغلي كل يوم شوي " على الرآحه " يوم تبحثين , يوم ترتبين المعلومآت , يوم تعيدين الصياغه , يوم تعدين العرض , وبعده وقت مفتوح لـ التدريب إلى يوم العرض . أولا : جمع المعلومآت .. اللحين من المفترض آن الفكره المطلوب البحث عنها " وآضحه " بآقي تصيغين عنوآن منآسب و جذآب , وآحذري من العنآوين الخآدعه ! مآتنآسب العروض العلميه , وربما تؤخذ كـ مأخذ على تكآمل و وضوح العرض .. طبعا . . اذا كنتي مع قروب " لازم توزعون الأجزاء بينكم " مسبقا .. بعدها أبححححري بالقراءه عن موضوعس , اقري وَ اقري وَ اقري اليما تفهمين الموضوع صح ! أعتبري الأمر زيآده ثقآفه , وأنتي تقرين حددي الأجزاء اللي تخدم العرض وآطبعيها أو احفظيها على الجهآز .. بعض الموآضيع مآرح نحصّل لها شي أون لاين , يبيلهآ مكتبه وَ كتب وَ استعآره , لا تترددين بـ إستعارة كتب دكتورة المآده أو تنسخين من مكتبه الكليه الصفحات المطلوبه ! أهم شي بهالمرحله [ الإلمام بموضوع العرض ] بحيث ماحد يسألس عن نقطه إلا وأنتي حاسه آنس بتجآوبين وبتشرحين بكل وضوح وثقه . ثآنيا : ترتيب المعلومآت .. بهالمرحله بيكون المحتوى كله موجود بين يدينكم , اختاروا المعلومآت المميزه والسهله على أفهام الجميع واللي تحسون انها بتجذب انتباه الكلاس وبتضيف لهم شي جديد واستبعدوا الحشو , والتكرار لو كنتي مع قروب , رآح تتبآدلون اجزاءكم بهالمرحله عشآن كل وحده تقرا جزء ثانيه وتعرف وش بتقول ولا تتفادون الإحراج بـ تكرار معلومات بعض وعشآن تعرفون ترتيبكم بالعرض , مين اللي فكرتها الأولى والثآنيه والثآلثه وهيك ...) المهم هنا [ عملية الإضافه والإستبعآد ] ثالثا : صيآغة المعلومات .. اللحين الفكره والمعلومآت متوفره وجاهزه , باقي تعيدين صيآغتها بأسلوبس أنتي وبمفردآتس آنتي لأن كل الدكتورز " يرفضون لغة الكتآب " وصدقوني هم خبرتهم أكبر مننا بكثير تعمقوا بالدرآسه والبحث , يعني بيميزون لغة الكتآب ولغة الطآلبه .. و لا تنسين قسّمي المعلومات على شكل فكره رئيسيه ونقآط . . وآنتبهي لسلآمة اللغه ! سجلي اللي بتقولينه بـ بطآقات صغيره , مثل البطاقات اللي تكون بيدين مقدمي البرآمج . طبعا القروب بهالمرحله مالهم شغل , كل وحده وشطآرتها بصيآغه جزئها بأسلوبها وبطريقتها الخاصه .. مبرووك , تم الإنتهاء من جمع المعلومآت .. وآنتهت رحلة البحث !  [/ALIGN][/CELL][/TABLE1][/ALIGN] |
|
|
|
2013- 2- 20
|
#4 |
|
مشرفة عامة سابقاً
|
رد: لـ تقديم آفضل [ برزنتيشن - Presentation ] خطوه بـ خطوه ツ
[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu13368176992.png');"][CELL="filter:;"][ALIGN=center]
نجي لـ العرض : هنا يبين دور الرئيسه او الليدر , تستقبل من كل وحده النقآط اللي تبيها تنعرض بدورها .. بحيث تنسق العرض على نفس النمط . وسائل العرض , مقتصره عند الأغلبيه على " عرض البآوربوينت " وهالشي غلط , بالإمكآن عرض مقطع فيديو \ صوت يدعم الموضوع , عرض مجسمآت حقيقيه "ملموسه" , واذا آحتاج الأمر للتوضيح أكثر " قلم و سبوره " ! أشياء لازم تتوفر بالعرض : - صفحة البدء ( عنوان العرض , اسم أو اسماء معدّات العرض , القسم او التخصص او شعار الجامعه ) , مع صورة خلفيه تمهّد الحضور لفكرة العرض . و ممكن قبل صفحة البدء يبدأ العرض بصوره ! مقطع صغير ! أي شي ممكن يثير ذهن الحضور .. - بعد البدء على طول , عرض هرمي أو شجري - فيه قوآلب جاهزه لهالشي بالبآوربوينت - يوضح تسلسل العرض وشنو بتعرضون والأفكار الرئيسيه فقط , عشآن المتآبع يكون معكم بالصوره . - لا تنسين ترقيم الشرآيح , لأن احيان الدكتوره أو الطالبه بتطلب إعاده شرح نقطه معينه بدل ماتضيعين بأي شريحه وتقديم وتأخير , بتسهلين عليهم بالترقيم . - بعد كذا , عرض المحتوى كـ نقاط رئيسيه , وليس المعلومات بالكآمل ! - عرض صور \ خلفيات \ صوت , بهدف دعم الموضوع وليس تشتيت المتآبع .. - الحرص على تنآسق ألوان النص مع الخلفيه , فاتح على خلفيه غآمقه , والعكس , آختاروا ألوان تفتح النفس على الصبح ! - النص نفسه يكون على نمط معيّن أو نمطين بالكثير وضروري تكون واضحه " الوضوح أهم من الجماليه " , التنويع بالنمط غير مرغوب .. نفس الشي بـ الألوان , لونين أو 3 بالكثير , واذا تبين توضحّين كلمه خليها بلود أو تحتها خط أو مائله , لأن الهدف الإيضآح مب حفله ألوان .. - الرسومآت البيانيه , لـ الاحصائيات أو ماشابهها بتسهل عملية الشرح كثير . - ختآم بنصيحه أو نتيجه أو آي فكره إبدآعيه مع شكر بسيط للحضور بـ عبآره أو صوره كـ شكرهم على الإستمآع ! آشياء نتجنبهآ بالعرض : - الغلط الأكبر والمكرر جدا جدا جدا : عرض جميع المعلومات على الشريحه ! طيب كل الحآضرين جآمعيين مب آمييّن , يعرفون يقرون , هم يبون شرح لا أكثر بلآش هالزحمه ! والله آني لما أحضر عرض واشوف البنت تغيّر الشرايح وأشوف الشريحه زحمممه كلام , انفجع !! وعلى طول يتسلل لدآخلي الملل !! - الكتآبه على الصور ! خلّوا مجال في شريحة العرض للصوره ومجال للكتآبه . - الحركه الغير مرغوبه ! لما يجي العنوآن زحف حرف حرف , ولا يتسآقط على مهله !! العرض علمي مو عرض مهارات وآلله ! بعد الإنتهاء من العرض , رجاء رجاء رجاء آحفظيه بفلآش وَ سي دي وعلى الجهآز وأرفعيه على الايميل وأرسليه للقروب بعد . بعض أجهزتنا مآ تدعم اجهزة العرض المتوفره بالكلآس , لذا لازم تكونين مستعده بكل الطرق .. واللحين آنتهينآ من العرض .. [/ALIGN][/CELL][/TABLE1][/ALIGN] |
|
|
|
2013- 2- 20
|
#5 |
|
مشرفة عامة سابقاً
|
رد: لـ تقديم آفضل [ برزنتيشن - Presentation ] خطوه بـ خطوه ツ
[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu13368176992.png');"][CELL="filter:;"][ALIGN=center]
نجي لـ التدريب على العرض : وهذا أهم شي بالبرزنتيشن كله , هنا بتقدرين تكسبين أو تخسرين الدرجآت بذكآئس وبحركتس ! أنتي تعبتي على على العرض , وماتبين الجهد يضيع هبآء منثورا , لذا آشتغلي على نفستس بالتدريب الصح ! الزي : ضروري تلبسين لبس منآسب , يفضّل يكون رسمي , بدون ألوان صآرخه تشتت الآنتبآه , بدون فتحة صدر وآسعه , وبدون قطع ضيقه تعيق الحركه ! لا تلبسين كعب وتزعجينهم كل مآتحركتي , ولا تلبسين آكسسوآرآت تطلع صوت أو تششد الآنتبآه , ولا تسريحة شعر متعبه آثناء الشرح , حاولي يكون الشكل " عملي " آنيق . واذا كنتي مع قروب , حآولوا تنسقون طريقة لبسكم بالشكل اللي تبون .. التعريف بالنفس : أول وأهم شي بتنطقينه قدآم الكلآس [ آسمس ] !! وما أبآلغ اذا قلت وحده من دكتورآتي كآنت تقيّم على أهميه آبراز الذآت في طريقه تعريف البنت بنفسها . لذا شوفي بآسلوبس طريقه تبدين فيهآ , صبآح أو مسآء الخير , معكم من هنا أو محدثتكم أو آلخ آلمهم مآتجين من صبآح الله خير وتقولين أنا فلانه الفلآني على طول ! بعد التعريف بالنفس : لآبد تثبتين للدكتوره وللطالبات آنس فآهمه شنو عنه بتتكلمين , لذا مآفيه مآنع بعد ماتعرفين بالأسم تقولين رآح آتكلم عن كذا وكذا " اي نقطه مو فآهمينها تقدرون ترفعون يدكم وتسألوني " طبعا أنا لي مزآجيه بالشرح مآحب آحد يقطع شرحي , لذا أحرص على أرفعوا يدكم قبل السؤآل , فيه صيغه آخرى " أرحب بأي سؤآل أو طلب توضيح " الحركه : حآولي تتحركين بشكل تلقآئي ورشيق بين كل دقيقتين , اذا ظليتي بنفس المكآن أكثر من كذا بتملين وبتمللين , بس لا تزعجين الحضور وتشبرين الكلآس ! واذا كآن عرض بروجكتر لا توقفين قدآم الجهآز , غير إنه ضآر . . بيقعدون يتأملون تفآصيل الجسم على الجدآر وهي تكبر وتصغر مع الحركه ! شي مهم , طول الوقت وجهس يكون للحضور مو للعرض وكأنس تتهربين من شي ما !! توزيع النظر : لما توزعين النظر على الموجودين بآبتسآمه لطيفه " مو ضحكه " رآح يعرض مدى ثقتس , واذا كنتي خآيفه أو هذا أول عرض لس خلّي صديقآتس بالمقدمه و وزعي النظر بينهم .. نبرة الصوت : لا تكون على نفس المستوى , آتحكمي فيها عليهآ شوي وخفضيهآ شويآت , شدّي عليها وقت التأكيد وهكذا .. الوتيره الوحده مممممله جدا جدا جدا وآنتبهي تشرحين وكأنس تقرين كتآب أو مجله !! تأكدي أن هالشي كريه ممكن ينفر الجميع من عرضس مهما كآن قيّم وتآعبه عليه ! أنتي قآريه الموضوع وفآهمته ليش مآتتحمسين شويه , وتعطين جو , واذا خفتي تنسين فـ البطاقات الي قد قلت عنها في صيآغة المعلومات بتكون موجوده كـ تذكير .. آضفي لمسه على العرض : على حسب موضوع العرض , حآولي تضفين جو خآص للحضور بـ سؤآل بـ تمرين بـ أمثله من وآقع كليتكم ولا بيئتكم ولا الأوضآع المحيطه ! اذا خفتي يجيس آحبآط من ردة فعل البنآت ومحد يتجآوب , تعالي قبل المحآضره , و وزعي على كم بنت سؤآل بتطرحينه وفيه الجوآب , بهالوضع البنآت يتسآعدون معليش تحسينه تمثيل على الدكتوره بس من تجربه هالطريقه بتشجع بآقي الكلآس يتجآوب وبتشوفين بنآت غير الي عطيتيهم الآجوبه رآح يجآوبون ! واذا كنتي جريئه , جربي تشركين الدكتوره بنقآشكم ! بيصير الكلآس مممتع ! في حالة القروب : كونوا سلسلة متوآصله , مب تخلص وحده وفجأه تجي الثآنيه توقف أنا فلانه الفلآني وتبدأ شرحها !! المفترض البنت الي على وشك تخلص تمهد لفقرة اللي بعدها , وتقول للمزيد مع فلآنه " اسم اللي بعدها " , بهالوقت الليدر الي مسؤوله عن تحريك الشرآيح بتحط بين كل فقره والثآنيه الشريحه الهرميه او الشجريه اللي بمثآبة الفهرس , عشآن يعرفون المتآبعين وين وصلتوا بالماده العلميه .. كوني على آستعداد لأي عآرض : في عوآرض طبيعيه تجي من ربي حآولي تتصدين لها بمزحه تلطف الجو , مثلا مره بأبدا آعرّف بنفسي إلا وتجي وحده متأخره على الكلآس وتفتح البآب وتسحب سلك اللآب بالغلط ويجيني اللاب توب زحف من فوق ولا وقف الا بين رجليني , طبعا آتفككت كل الأسلآك جتني الصيحه منها متجهزه لي نص سآعه وبلحظه طآر كل شي , طبعا ماكآن مني إلا أقول " يَ الله حتى اللاب توب متحمس معي بالعرض ! " فـ قآمت الدكتوره تشبك معي وتقول خل نشوف هالعرض الي تقولين يحمس < تتحدى طبعا ! لكن فيه عوآرض بشريه متعمده , نقد لآذع , تقطيع بوسط الشرح , هنا طولي بآلسسس لآ تآخذين آنه أمر شخصي وخلي ببآلس آن الأخطآء هي مدرستنا وخبرتنا أهم شي ماتتزعزع ثقتس بنفستس لأيا كآن ! أنتي تعبتي وقريتي وجمعتي وآشتغلتي , مو عشآن تترآجعين بوقت الجد ! أو تبينين عكس جهدس ! ممكن تقولس الدكتوره يَ فلآنه آنتي نسيتي فقره مهمه " كذا وكذا وكذا " حآولي يكون الرد على هالشآكله : اضافه رآئعه لو حكيت عنها يَ دكتوره , وممكن آنها تحرجس وتقول هو ركن اساسي مو اضافه يَ طالبه ! , سيطري على آعصآبس وقولي : بيزداد روعه العرض فيها لو آضفتها ! أهم شي لا تنتقصين من جهدس بـ لحظه نقد لآذع ! المهم وقت التدريب : التعرف على نقآط القوه وإبرازها ونقآط الضعف وتقويتها أو اخفائها اذا ماقدرنا عليها بالوقت الرآهن .. أكبر نقطه ضعف , حالة التوتر الطبيعيه من الوقوف قدآم عدد كبير , هي حاله نفسيه مؤقته , تظهر عند البعض بأشكال مختلفه ! مثلا , اللي يدينها بجيوبها طول الوقت تحآول تلبس شي بدون جيوب ! و آللي تفرقع آصآبعها بشكل مستمر تشغل يدينهآ بقلم أو ريموت اللآب .. التدريب فرصه تتعرفين على هالأشيآء . . اذا كآن العرض فردي , شغلي كآميرا الفيديو بالبيت وأبدي آشرحي وتشيكي على أخطآئس اذا كآن مع قروب , حآولو تتجمعون بيوم قبل يوم العرض وتتدربون سوا يوم العرض : مآبقى شي غير توتر بسيط وبيروح مع التوكل على الله .. تعالي بدري بنص سآعه نقريبا , تأكدي من جميع الأسلآك , وخلي معتس سبير لأي شي حدّثي نفستس , قولي [ آنا آشتغلت كويس وفآهمه كويس وبأقدم أحلى عرض ] وفآآآلكم الفُل مآرك بإذن الله .. ♥ ♥ [/ALIGN][/CELL][/TABLE1][/ALIGN] |
|
|
|
2013- 2- 20
|
#6 |
|
متميزة في كلية الاداب الدمام
|
رد: لـ تقديم آفضل [ برزنتيشن - Presentation ] خطوه بـ خطوه ツ
شكرا لك على كل حرف كتبتيه هِناا
من جد موضوع لا يعلى عليه و جاء بوقته  اهم شيء تكون الثقه بالله ثم بالنفس موجوده و ان فشلنا مره مش معناتها ان الدنيا تنتهي بالعكس مفروض هالشيء يكون دافع و محفز للنجاح في المرات القادمه بالنسبة لي كان احلى عرض قدمته في حياتي مع صديقتي شيخه العنزي اول مره كنت اوقف قدام الاستاذة و كانت مرافقتها دكتورة ما كنت اعرفها نهااااائي مدري كيف تكلمت وقتها ولكن الحمدلله كان عرض ممتع ججججداً و اتمنى ينعاد موضوع يستحق أن يكون في مفضلة كل طالبه () جزاك ربي الجنّه عزيزتي |
|
|
|
2013- 2- 20
|
#7 |
|
أكـاديـمـي فـعّـال
|
رد: لـ تقديم آفضل [ برزنتيشن - Presentation ] خطوه بـ خطوه ツ
 Nicccccce ماشاء الله عليك موضوعك مررره حلوو جاء بوقته عندي برزنتيشن بعد اسبوع تقريباً . بس انا عندي مشكله مررره معقدتني  دايم اكون متجهزه وحافظة كل شي ومستعده للشرح وماعندي خلاف بس اذا وقفت قدام البنات طار كل شي  مب حيا ولا خووف مدري وشو !  عندك حل لحالتي ؟؟ وعسى الله يوفقك ويسهل دروبك قولي آميييين  |
|
|
|
2013- 2- 20
|
#8 |
|
أكـاديـمـي ألـمـاسـي
|
رد: لـ تقديم آفضل [ برزنتيشن - Presentation ] خطوه بـ خطوه ツ
j a m i l a h
موضوع رآئع من أنسآنه لا تقل روعة عنه .. شكرا على مجهودكـ نودآ ~ تجربة أتمنى أنها تتكرر .. |
|
|
|
2013- 2- 21
|
#9 |
|
متميزة بالخيمة الرمضانية
|
رد: لـ تقديم آفضل [ برزنتيشن - Presentation ] خطوه بـ خطوه ツ
جمووووووولةه
 الله يعطيتس العافيةه ع الطرح الممتع والمبدع كتب الله اجرتس يارب ,, عاد انا تجيني ربكةه واتوتر على اني اكثر من مره شرحت بس مدري ليش ,, ودايم عروضي مااش  بس ان شاءالله اكون احسن ,, وطرحتس هذا لك كل الشكر والتقدير عليه ولتس مني اطلق تقييم جموولتي ^.^ جزاتس الله خير ,, وتقبلي مروري |
|
|
|
2013- 2- 22
|
#10 |
|
أكـاديـمـي ذهـبـي
|
رد: لـ تقديم آفضل [ برزنتيشن - Presentation ] خطوه بـ خطوه ツ
آنا عندي شوية ثقة ب النسبة للبنات اللي شفتهم يعرضون وبس يقرأون مافي شرح ولاشيء بس بصرآحة كنت محتاجة لبعض النقاط المهمة الي كتبتها جزاك الله خير يَ جمييلة ،
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
