خالد يسأل

[’’خالد الهذلي‘‘]

بسم الله الرحمن الرحيم ..


يا اخوان انا احترت كثير كثير .. بالتخصص اللي ناوي ادخله - ان شاء الله تعالى -

انا الحمد لله نسبتي تؤهلني .. لتخصص ( إدارة أعمال )

لكن انا انسان " اكره " الرياضيات كرررررررررره شدييييييييد جداااااااا .. ودائما اسميها " طلاسم وسحر ..

ومن صغري وانا اكرهها ودائما اعديها بـ " جيد او مقبول " .. لكن ماعمري رسبت فيها ..

___

انا كنت ناوي على " الإنجليزي"
لكن العلم الجديد هو اني تكلمت مع اصحاب " خبرة " في العمل .. وقالولي إدارة الاعمال هي " المناسبة " .. والأفضل لك .

__

طيب يا اخوان كيف هو تخصص ادارة الاعمال ؟

والمواد الخاصة فيه ؟ يعني كيف هي من ناحية صعوبتها ؟

" اخزاكي الله يارياضيات والله لولا الحاجة ما فتحت لك كتاباً "


بالنسبة لوضعي الحالي .. انا موظف إداري .. فنصحني الجميع " بإدارة الأعمال "
لكن انا " كراهيتي " للرياضيات " غطّت " على ماينفعني اكثر في مجال عملي ..

لذلك انا الآن ناوي ادخل إدارة اعمال .. لكن أريد معلومات كافية عن هذا التخصص من ناحية " صعوبته .. على ماذا يشتمل .. حفظ .. او فهم .. وهل مناهجه طويلة و مملة ؟

يعني ابغى احد ينقل لي " الطقس " من هناك ؟


اتمنى انكم تساعدوني وتزودوني بما تعرفون يا اجواد

[زهرة البوادي]

[align=center]
اطلع على المحاضرات اللي منزلينها الاعضاء بالملتقى وان شاء الاخوان البقيه يفيدونك
[/align]

[صرت مدمن شوفتك]

الله يعينك عليها ويسهل لك

وترى الموزوع مهوب بالصعوبه الى متوقعها

( اللهم لا سهل الا ما جعلته سهل وانت تجعل الحزن ان شئت سهل )

مـــودتـــي

[’’خالد الهذلي‘‘]

جزاكما الله خيرا ..

[خاطفة الانظار]

الله يسهل كل امر عصيب عليك وعلينا

[اموون الرياض]

كل صعب بالممارسه يسهل ..
والرياضيات يبغالها بس تركيز + حل تمارين باستمرار حتى ترسخ عمليه الحل بالذهن = مادة سهله :150:
بالتوفيق للجميع

[ھډۄء ٲڼٽۍ☺]

وانا نفس مشكلتك مااحب الرياضيات بسسس بركز فيها ان شاء الله وبحاول ومثال ماقالو مافيه شي صعب بأذن الله والله يسسهل عليك وعلينا ..وبتوفيق ...ღ

[تفاصيل صغيرة]

كثير اشياء في حياتنا نسويها واحنا مانحبها
بس مع هذا ننفذها على أكمل وجه لأننا مجبورين
مع الوقت يصير الموضوع عادي و حتى تذمرنا منه ينتهي
وننسى اصلا انه كان شي تعيس ونبدا نتعود عليه و نتعامل معاه ببساطة وبعض الاحيان بشطارة
خذ الأمر بهذي الطريقة
انا وحدة نفس حالتك ما اطيق شي اسمه رياضيات
وكنت انجح فيه بس عشان ما اشوف الكتاب مرة ثانية
واضطر اذاكره واعيد دور ثاني والا اعيد السنة وكلللل يوم اشوف نفس الكلام
والحمدلله ولاعمري رسبت فيه ولا في اي مادة يارب لك الحمد والشكر

ومرت السنوات وكبرت وتركت الدراسة وقت طويل
الحين ..... والله العظيم ما ابالغ اذا قلت لك اني منتظرة ادرس الرياضيات واتفوق فيه بعد بإذن الله
صار الموضوع عندي تحدي .. ليه ما اقدر افهمه ؟ وش ناقصني ؟؟؟
شوية تركيز ورغبة قوية في اني افهمه واتفوق فيه اتوقع هذي عوامل كافية لاني انجح فيه بتوفيق من الله

العامل النفسي ترى مهم جدا .. حاول تقنع نفسك انك تقدر وراح تتفاجأ بإن عندك قدرات كامنة انت ماكنت تدري عنها
وتقدر تستعين بمدرس خصوصي يساعدك
وان شاء الله بتجي في يوم من الايام وتبشرنا بتفوقك فيها

الله يوفقك ويسهل امورك ويوفق كل الطلاب والطالبات في كل الاقسام يارب

[’’خالد الهذلي‘‘]

>>> امتلأ حماااااااااااااااااااااااااساً

لأستسهلنّ الصعب او ابلغ المُنى _ فما انقادت الأمالُ الا لصابرِ

والله يا اخوان انكم صيده .. ومكسب

الله يجزاكم خير

[ǺĽ ẕeeห]

ماقصرو الإخوان "