% بغيت شيخهم .. والله كريم %

[فـهـد الجبيل]

السلام عليكم

شلونكم يا ربعي

هكا اليوم اقراء بحدا الجرايد خبر

عن وحده من هالفنانات

مالي بالعاده اقراء اخبارهم لانهم ازبل ناس الله يعزكم ويهديهم

عاد هالخبر وش يقول

يقول ان الفنانه ... تقول انها سوف ترتدي الحجاب قريباً

بصراااح انجااز

خبر غريب

ليش ؟

انا مدري هي تنذخ بهالتصريح ولا تستخبل

ضامنتن انه تبي تحيا قريباً هي وخشمه هاللي تقل صرة كركم

ماعلينا منه الله يهديه

يالربع

هكا اليوم جالسن بالبيت اتبطح حدر المكيف

مع اننا بالليل بس من والله هاللواهيب

بطرق السروال والفانيله

وهو يجيني ابوي قال يا شبيثاااان

قلت يا عيووووونوووو

قال انقز يم البقاله وجب لنا كذا وكذا

قلت ابشر يابعد طووواااايفي

قال عفية ابوي يالله بساااع

قلت اااببببشر يا سنااايدي

قال ايه بساااع قم

قلت ابشر ياخلف من راح ولا جاء

قال يالله قم اخلص علي

قلت ابشر يابعد كل من هب ودب << علق الولد

وهو يخطف النعله بحركه اذهلة الساده المشاهدين

وهو يمغطن

وانا اروغ بحركة ابكة الكثير من الاخوان المستمعين

لاني رغت يم النعله اللي يعزكم

وصنتن بالفره

مشيته لوه هالمره

ورحت للسياره ابي اخلص غرضوه هاللي صجنا بوه

وانا ادعس من الزعله

واخش بين الشوااارع

وادخل بلي منطقه كله استراحات ابي اختصر المسافه

لكن للاسف اني مسرع

وبحدا اللفااات واخش مع اللفه امشي الفين

اثري كان فيه عرس عند ناس

والله العالم انهم من اهل الجنوب

لانهم كانوا مسوين تقل عرضه وقصيد بالشارع

وهذي من سلوم اهل الجنوب

والنعم بأهل الجنوب الاجواد

وانا اجيهم لي قرشه

وامسك بريك

من قو ضغطي للبريك احس صبع رجلي لمس المروحه

ولا فيه واحدن لابسن بشت ورجالن كبير

الله يجيركم وانا ارقشوه

ولا شفت الا الشميغ والبشت يفتلون بالسماء

وانا اتغيب حدر الدرقسون

واسمع لي واحد يصايح يقول الشيخ مااااااات الشيخ فلااان انصدم

قلت بس رحنا كشنه

وهم يغدون مثل الذبان على السياره

واحاول اقفل البيبان

ولله الحمد قفلت البيبان

بس للاسف كانت الدريشه مفتوحه

واللي مهولن ان فيه ناس فوق الغماره

مدري وش يبون

الله العالم يبون يسوون انزال مظلي

الوكاد وهو يدخل حدا الانتحاريين ويمسك شوشتي

قال تعاااال يالسكير النكير

ويدخل الثاني ويمسك شوشتي

ويسحبوني

ويدخلون مع الجهه الثانيه ويمسكون شوشتي ويسحبون

عاد انا مادري اروح يمين ولا يسار

والمصيبه فيه واحد مد يدون

ولا راسي كلوم مليان يدين

ولافيه مكان يحط يدوه بوه

وهو يمسك براطمي ويسحبهن << شكلوه قال العوض ولا القطيعه

ابحتسي

ابقول شين

مار وين اقول وهذا يجر براطمي

وانا اتجود بالدرقسون واقوم اطنب بجبهتي

وفجأه

واسمع واحدن يقول الشيخ حي مافيه شي

قلت يااعلوه يموووت

وش عقبوه حي

ويتركوني ويروحون ركض يموه

الا هذا اللي ماسكن براطمي للحين

وامسك يدوه قلت فك لا على عينك هالحين

وش مجلسك

رح الحق شيخك ياعلك تكوت معوه

اهب يا وجهوه تسيف خرب مبسمي

وارجع للبيت منتهي

ياربي تسيف راسي بوه مخاارش

ومنتفينن عريفن كنت مربيه للزمن

يوم دخلت البيت وهو ينطحن ابوي

قال وين اللي وصيتك

قال ياخوي تطمن علي

ماتشوفن متهلس تقل صاحكن جدري

وهو يسوقن للبقاله سووووق

وتقلدوا تحيتي
وترقبو جديدنا

[ذيب البراري]

تقبل الله طاعتك اخي العزيز

[العشق]

هههههههههههههههههههههههههههه


موضوووووووووعك يجنن


يسلموووووووووووووووا فهد

[فـهـد الجبيل]

جزاكم الله خير ويعطيكم العافيه على مروركم وتعليقكم
منورين الحته ياقدعاااان

[sιlєит ṡσυl]

:hahahahaha h:
والله أني فطست ضحك عليك اسلووب موب صااحي يسلمووو خيوو وبانتظار جديدك

[قلب عاشقه]

اخوي فهد الله يجعل ايااامك كلهااااا سعاااده مادري ليه لما اشوف اسمك ابتسم ههههههههههههه بس والله من مواضيعك الفلته
الله يسعد اياامك وعسى الله ماايحرمنا من فلتاتك

تحياتي لك

[فـهـد الجبيل]

احم احم احرجتوني بصراحه << قم بس هع
الله مير يسلمكم على مروركم ويعطيكم العافيه ع التعليقات
الحلوه لاعدمتكم عليها

[روح شفافة]

هههههههههه

مع اني اغلب الكلام مافهمت وش يبي في الحيااة

بس موضوع حلوو واسلوب غريب..

الحمدلله على سلامتك..وفقت

[فخآمة كبْريآء]

هههههههههههههههههههههههه

يعطيك العاااافيه

[فـهـد الجبيل]

هههههههههههه الله يعافيكم ولاهنتو ع مروركم