شرح التسجيل بالكلية بالصور ...........!!!!!

[Galaxy-sa]

السلام عليكم ورحمة الله وبركاته ..

وصبحكم الله بالخير يا اخوات ..

الحقيقة انا كنت ناوي أسوي الشرح وانا قاعد اسجل أختي ..

لكن بما ان الموقع فااشل ومن أمس للحين ما اشتغل ..

يالله يالله سجلتها بالغصب ..

ويوم جيت ابي اعيد الخطوات عشان اصور وانزل الشرح بعد يالله يالله بالغصب ..

وأتمنى والله هالشرح يفيد اخواتي بالتسجيل والله يوفقهن ..

أولا الدخول على الرابط التالي ..

http://www.ud.edu.sa


عقب ما نفتح الرابط بيطلع لنا هذا ..



نضغط على بوابة القبول الإلكتروني كما هو موضح بالسهم ..

بعد ما نضغط على بوابة القبول الإلكتروني راح يطلع لنا هذا ..



نضغط بالماوس على تقديم طلب جديد كما هو موضح ..

وعقب بتفتح لنا هالصفحة ..



ندخل رقم السجل المدني بالمربع ..

وبعدها نضغط على تنفيذ ..

\
/

اول ما نضغط على تنفيذ راح تطلع لنا نسب القدرات والتحصيلي اللي اختبرناهن تلقائي ..

وعقب ما تطلع نسبة القدرات والتحصيلي نضغط بالمربع تنفيذ ( أو ) استمرار والله مدري

أعذروني نسيت وش كان موجود لأني يوم سجلت ما صورت ..

ويوم جيت ابي اعيد التسجيل مره ثانيه وأصور ما طلعت لي هالخطوهـ ..

عموماً اضغطوا على اللي يطلع لكم ..

وبعدها راح يطلع لنا هالنموذج هذا كما هو بالشكل ..



تعبينه كله وتحطين رقم سري خاص فيك وتختارين الرغبات ..

وعقب تضغطين على تنفيذ الطلبات من تحت ..

وبكذا بإذن الله سبحانه وتعالى تكونين سجلتي ..

وإذا تبين تتأكدين ..



أدخلي من جديد على بوابة القبول ..

وعقب دخلي رقم السجل المدني والرقم السري اللي حطيتيه بنموذج التسجيل كما هو موضح بالشكل واضغطي على دخول ..



عقبها بتفتح لك هالصفحة فاضيه زي كذا ..

ومن على اليمين اختاري استعراض وتحديث طلب سابق ..



اول ما تضغطين استعراض وتعديل طلب سابق ..

بتطلع لك بنفس الصفحة هذي ..



اضغطي على استعراض وتحديث الرغبات ..

وعقب بتشوفين النموذج حق التسجيل كما هو بالشكل ومثل ما سجلنا فيه ..







اذا طلعت لك البينات كاملة مثل ماهو موضح بالصورة فـ إن شاءا الله تسجيلك كامل ..

واعذروني على رداءة الشرح بالرسام

جهازي توني مفرمته جديد ومابوهـ برامج ..

أي استفسار انا حاظر ..

وأتمنى اللي عنده / عندهـا معلومات زايده ماني منزلها بالموضوع يفيدنا فيها وينزلها هنا ..

والله يوفقكن ..


* ملاحظة ..

الموقع ردئ وفاشل بالمره ..

يعني احتمال لما اي شخص يضغط على الكلام بالموقع راح يطلع له أخطاء أو راح يطلع له عكس شرحي ..

لكن اذا طلعت مشاكل معاكم بالتسجيل سكروهـ وافتحوهـ مره ثانيه وعيدوا نفس الخطوات بالشرح ..

وبالتوفيق للجميع يارب ..

[شووووقي]

:o3:يثلموووو

بس بالنهااايه لمى افتح من استعراض طلب سابق مثل ماقلت يفتح لي صح بس ابي اطلع احط تسجيل خروج يقوول كلام احط موافق ما يعطيني فيس احط الغاء الامر يعطيني فيس وش الحكاايه؟؟؟؟

[ماهزوا إحساسي]

جزاك الله خير لكن لما احط على استعراض تطلعلي هذي الصفحه
You are not authorized for this page.

[Galaxy-sa]

المشاركة الأصلية كتبت بواسطة شووووقي

:o3:يثلموووو

بس بالنهااايه لمى افتح من استعراض طلب سابق مثل ماقلت يفتح لي صح بس ابي اطلع احط تسجيل خروج يقوول كلام احط موافق ما يعطيني فيس احط الغاء الامر يعطيني فيس وش الحكاايه؟؟؟؟

يقوولك اختي فيه شغلات ما انحفظت واضغطي على موافق للحفظ ..

ولما تضغطين على موافق ما يتغير شي ..

بالظبط مثل ما قلتي ..

وهذا من نظام الموقع الفاشل وش نسوي ..

اهم شي انك تسجلين وخليهم يولون

[Galaxy-sa]

المشاركة الأصلية كتبت بواسطة ماهزوا إحساسي

جزاك اللع خير لكن لما احط على استعراض تطلعلي هذي الصفحه
you are not authorized for this page.

مثل ما قلت بالموضوع اختي ..

الموقع ردئ بالمره ومره يشتغل ومره لا ..

لكن انتي ضلي حاولي مره ومرتين وثلاث الين تطلع لك الخطوات ..

وعقب سجلي ..

والله يوفقك ..

[ماهزوا إحساسي]

انا سجلت لكن علشان اتاكد من تسجيلي احط استعراض ادخل السجل المدني وكلمة المرور يطلعلي الجمله اللي ذكرتها قبل شوي لكن انا محتاره هل تسجيلي انحفظ او لا واحتاج اسوي طلب جديد مع العلم اني طبعت ملخص الطلب

[ملكه باخلاقي]

السلام عليكم اختي انا ماطلع لي كلمه مرور ادخلها
ولما حطيت كليه العلوم بالدمام وعلوم الحاسب طلع لي القيمه غير
صالحه وابي اعدلها ماعندي كلمه مرور

[Galaxy-sa]

المشاركة الأصلية كتبت بواسطة ماهزوا إحساسي

انا سجلت لكن علشان اتاكد من تسجيلي احط استعراض ادخل السجل المدني وكلمة المرور يطلعلي الجمله اللي ذكرتها قبل شوي لكن انا محتاره هل تسجيلي انحفظ او لا واحتاج اسوي طلب جديد مع العلم اني طبعت ملخص الطلب

اختي دام معلوماتك طالعة لما تحطين استعراض ودام انك طبعتي الملخص ان شاء الله ان تسجيلك كامل ..

ما عليك من الموقع ..

[Galaxy-sa]

المشاركة الأصلية كتبت بواسطة ملكه باخلاقي

السلام عليكم اختي انا ماطلع لي كلمه مرور ادخلها
ولما حطيت كليه العلوم بالدمام وعلوم الحاسب طلع لي القيمه غير
صالحه وابي اعدلها ماعندي كلمه مرور

أختي دام انك في نموذج التسجيل ما ضغطتي على ايقونة ( تنفيذ الطلبات ) اللي تحت الرغبات ..

ما يعتبر تسجيلك كامل ..

أنتي في النموذج حق التسجيل لما تدخلين معلومات وتحطين الرقم السري وتحطين نسبتك وتختارين الرغبات ..

اضغطي على تنفيذ الطلبات ..

علشان يعتمد ملفك ..

[ماهزوا إحساسي]

انا دخلت المعلومات وطبعت الملخص لكن استعراض الطلب هذي ماتفتح معاي ماادري ليش