الكل يتـــفضل

[Lubna]

مســــــــاء الخيـــــــــر

بالبداية ياليت كل شخص يقرأ الموضوع يسجل رأيه و أبيكم تعذروني لو كان في كلامي شي يزعل ....


بصراحة الملاحظ انه أول ما ينزل موضوع عن خبر مثل خبر وزراة التعليم و العدل أو أي موضوع مشابهه نشوف الردود على طول ( حسبي الله ونعم الوكيل ، يعني يلعبون علينا وما هي معترف فيها ، ظلم .... الخ )
و كأن مجالات العمل محصورة بكم وظيفة و انتهينا ولا الوزارات تنتظرنا حنا بس عشان توظفنا .....
فيه الآف الأشخاص اللي متخرجين و بتفوق بكالوريوس أو ماستر ومع هذا ما توظفوا في تخصصهم أو لازالوا عاطلين عن العمل و أولهم خريجين و خريجات الكليات اللي معروف انه شهادتهم تربويه فكيف خريجين الجامعات اللي شهادتها ما تعتبر تربويه .. و البعض منهم العكس توظف وفي مجال تخصصه ........

المسئلة اللي أبي أتكلم عنها هي صيغ الردود اللي ذكرت أمثلة عليه ببداية الموضوع اللي على طول فتحتوا أذانكم له و بداتو تعترضون و تتذمرون و تتحسبون على الجامعة و كأنهم ضربوكم على يدكم و قالوا لكم إلا غصب سجلوا ........ مع أن المفروض تحمدون ربكم و تشكروه انه كتب لكم تحققون هالشي عن طريق الانتساب ولا كان للحين منحاسين وش ندرس لأنه معروف الثانوية ولا شييييييييي ولا بتفيد بشي حتى لو ماخذين كورسات و دبلومات
تبقى شهادة البكالوريوس بغض النظر هي كيف انتظام و انتساب أفضل و أحسن ....
لكن انتم الله يهديكم على طوول قمتم و تذمرتم يعني اللي بيجلس طول الوقت كذا نصيحة اترك الدراسة و خلك على ثانويتك مع انه المفترض انه الواحد يقفل أذنه و يفكر بدراسته وبس وانه إن شاء الله من هنا لين يتخرج بيحصل مجالات أوسع و أفضل من المجالات المتاحة
و بطلوا على طوول تقلبون على الجامعة و إدارتها وكأنهم مذنبين و ماكلين حلالكم ....

و اشكر ربي انه حقق لي حلم كان شبهه مستحيل انه أكمل دراستي و بنفس الوقت اشكر الجامعات اللي نظام الانتساب عن بعد موجود عندهم لأنه بجد لو ما صار هالنظام كان بقينا على ما حنا عليه و كان بالفعل تحـــــــلمون حلم انه تتوظفون .

[كيك وحلاوه]

انا معك بكل كلمه قولتيها
وفعلا لولا الانتساب المطور كان قعدنا بالثانويه للحين

[الرحاب]

كلام جميل جدا,,,,

والله يوفق الجميع

[رنجه]

اممممم تسلمين حبيبتي على الموضوع وصادقه ياكثر اللي يتذمر مشكلتنا نبي كل شي وعجولين ومافي صبر الايام الجايه يمكن تكون غير والله ياكثر المتخرجين اللي عاطلين وبتفوق بس باقي ربي ماجاب رزقتهم بوظيفه
الحمدالله ربي يسر لي الامور وألتحقت بالجامعه لو تخرجت راح أحس بوجود الشهادة بيدي ومتأكده راح تفيدني ومحد يعرف بالغيب

[رنو]

المسئلة اللي أبي أتكلم عنها هي صيغ الردود اللي ذكرت أمثلة عليه ببداية الموضوع اللي على طول فتحتوا أذانكم له و بداتو تعترضون و تتذمرون و تتحسبون على الجامعة و كأنهم ضربوكم على يدكم و قالوا لكم إلا غصب سجلوا ........ مع أن المفروض تحمدون ربكم و تشكروه انه كتب لكم تحققون هالشي عن طريق الانتساب ولا كان للحين منحاسين وش ندرس لأنه معروف الثانوية ولا شييييييييي ولا بتفيد بشي حتى لو ماخذين كورسات و دبلومات



بهذي والله إنك صادقه
عن جد ناس غريبه ياأخي إذا ماتبون الدراسه أتركوها بعين أصلها وأنا بالنسبه لي دخلتها عن أقتناع تام
لو يقطعوني ماراح أطلع منها

رنو

[بنو سيبان]

هذه طبيعة بشرية لا نؤاخذ عليها ذكرها رسولنا صلى الله عليه وسلم جاء في حديث أبو عوانة عن قتادة عن أنس قال قال رسول الله صلى الله عليه وسلم لو كان لابن آدم واديان من مال لابتغى واديا ثالثا ولا يملأ جوف بن آدم إلا التراب ويتوب الله على من تاب " اذا لاقناعة عندنا مهما قولنا ومهما سمعنا فسيظل الطبع غلاب وسيبقى الامر هكذا فريقان فريق مقتنع وفريق متذمر كما هناك ليل اعلمي انه سيتبعه نهار .
جهد مبارك يا اختي وغيرة محموده على جامعتنا الحبيبة وفقك الباريء لكل خير

[ام الحلوين]

الله يجزاهم خير اصلا حقوقو لنا حلم يمكن مافكر نا انو في يوم من الايام يتحقق

[mimo]

هو صحيح حلم كان والحين تحقق بس وينهم السنوات الماضية مسكرين علينا حنا الموظفين يعني المفروض فكرة الانتساب تجي من قبل بصراحة نطام الانتساب طيب جداً اسمه فيه يطور البشرية عقبال ما نصير مسقفين حتى لو ما اشتغلنا بالشهادة بس اسمنا جامعين ومتعلمين وبالتوفيق جميعاً .

[مــلآكـ ..]

موضوع جمييييل ..
نشكركـ ..

[,متـــكـ تــكـ,]

سكت دهرا ونطق قهرا

بصراحه درر يالبنى,ولاازيد على كلامك بس احب اقول ان الارزاق بيد الله ومحد يعلم بالخفايا ,وتكدس العاطلين بشهادات جامعيه انشالله مايهبط المعنويات ولايعيق الطموح....
اتمنى ان الاخوان يركزون على دراستهم ويتركون التذمر,ومحد يدري لو الله كتب لك شي ماحصل عليه من هو اكفأ منك..