[ تجمع ] : رد الفريدان على التظلم

[العوفي1]

السلام عليكم
هذا موضوع لطشته (سرقته) من المستوى الرابع لمن رد الفريدان وتحديد النسبه صدمني🤕🤕



من القهر بعد اختبار التحليل الاحصائي دقيت سيارتي سلف ورحت للجامعة
وبعد محاولات قابلت الدكتور الفريدان وشرحت له الي حصل في الاختبار وان الدكتور قال الي يبي يعدي عليه بمحاضرة 14
وان في تسجيل صوتي من الدكتور بذلك ( قال وينه قلت بجيبه لك وارسله على ايميلك الي عندة التسجيل يرسله لي)
عموما شرحت له نوعية الاسئلة وقصر وقت الاختبار وسوء الشرح من دكتور المادة
وقال اذا كانت التظلمات تعادل 25% من اجمالي دفعة الطلاب نحقق في المادة ونرجع للدكتور
فا لابد من الجميع التظلم لازم نوصل فوق 5 الاف تظلم قدم في موقع الجامعة حتى ينظر في موضوعنا وبخصوص كلام الدكنو عبداللطيف انه بيدفنا وكذا انا لا اثق فية يبغى يهدينا عشان مانشتكي

[.Bnotah]

ماشالله وكل سنه نشتكي الدكاتره ونبي ننجح وفقكم الله والله لو انا دكتوره بالجامعه واحد اشتكاني ماتشوفون سؤال اعاده او يشبه سؤال سابق حتى لو اجيبه من الفهرس [emoji23][emoji23][emoji23]


(سر النجاح ولذته في تحدي الصعاب)

[Saleh_Jumairi]

المشاركة الأصلية كتبت بواسطة .Bnotah

ماشالله وكل سنه نشتكي الدكاتره ونبي ننجح وفقكم الله والله لو انا دكتوره بالجامعه واحد اشتكاني ماتشوفون سؤال اعاده او يشبه سؤال سابق حتى لو اجيبه من الفهرس [emoji23][emoji23][emoji23]


(سر النجاح ولذته في تحدي الصعاب)

وانا اقول ليه الاله الحاسبة يمنعونها المراقبات عن الطالبات

[hmandy]

يعني وان اخطأ الدكتور. ولا تجاوزت نسبة التظلم 25%.

ما يحق للطالب رافع التظلم المطالبه

[العوفي1]

طلع الوضع فيه خمبقه

[fanoooal]

مايصير شكوي وكلام فاضي ارتقو شوي احمد ربك انه كرر لو 5 اسائله ومفروض انه مايكررها اصلن المجهود لازم يكون من الطالب نفسه وبس

[العوفي1]

المشاركة الأصلية كتبت بواسطة fanoooal

مايصير شكوي وكلام فاضي ارتقو شوي احمد ربك انه كرر لو 5 اسائله ومفروض انه مايكررها اصلن المجهود لازم يكون من الطالب نفسه وبس

ما نبيه يكرر الاسلئه بس يسهلها فيه ناس عمارهم على 40 سنه واللي عنده ضروف ......الخ والشهاده الاغلبيه يبيها للترقيه

[عابر55]

المشاركة الأصلية كتبت بواسطة fanoooal

مايصير شكوي وكلام فاضي ارتقو شوي احمد ربك انه كرر لو 5 اسائله ومفروض انه مايكررها اصلن المجهود لازم يكون من الطالب نفسه وبس

اذا انتي دافورة بذكرك انك انتساب وفيه غيرك ناس موظفين واعمارهم كبيره والشهادة يبونها وسيله للترقيه اذا مو عاجبك اسلوب الدراسه والاسئلة روحي انتظام . اهيب عليك.

[نجلاءالعتيبي]

ياشين الفلسفة بعد الي على غير سنع

الي يقولون المجهود على الطالب اوكي بيذاكرون هم ماقالوا غششونا

بس لما يكون غيرك له ظروف مثل جنودنا الي بالحد الجنوبي هنا الوضع يختلف

مثل الموظف و الموظفة الي تجيك بس تبي الشاهدة عشان الترقية هنا الوضع يختلف

واذا جتك بنت وضعها مايسمح تنتظم لأن امي فيها جلطة وابوي في فشل كلوي هنا وضعي يختلف

او اي شخص مثل حالتي

واذا جاك الي من ذوي الاحتياجات الخاصة الي وضعهم مايسمح لهم انهم يكملون الا عن بعد ؟؟

وغيرها حالات كثير لاحصر لها لكن اختصرت لأن الي فاهم ومقدر الوضع بيعرف وش اقصد

هنا مايكون الجهد على الطالب او الطالبة بس المفروض الجامعة تقدر الوضع وتتعاون مع الجميع

وترى ندرس بفلوسنا يعني طالب الانتظام يصرفون لها مكافأة شهرية قدرها 800 او 900 ريال

وتلقينهم في الكلاس هم والجدار واحد

احنا ندفع لهم فلوس عشان نكمل تعليمنا ورغم ظروفنا بعد ولا لهم منه ولا فضل

[نجلاءالعتيبي]

المشاركة الأصلية كتبت بواسطة Saleh_Jumairi

وانا اقول ليه الاله الحاسبة يمنعونها المراقبات عن الطالبات

انت تشوف معروف الحرمة عله باطنية

لَنْ يُفْلِحَ قَوْمٌ وَلَّوْا أَمْرَهُمْ امْرَأَةً


^
^

كلام الرسول عليه السلام ماجبت شيء من جيبي