رســالة الــى الــفــتــاة الــذكــيــة

[king of silence]

رســالة الــى الــفــتــاة الــذكــيــة مـــن أحـــد الــذئـــاب الــبــشــريــة






قلتُ لكِ سابقاً ( أنتِ أميرة )
لكن للأسف كذبت .. ( بل أنتِ حقيرة )



يا غبّية

ماهوَ ذنبي إن كنتِ غبيّة ..!؟

ماهوَ ذنبي إنكِ جداً عاطفيه ..!؟

إن فتحتِ لي أبوابَ الغرام .!

إن صدقّتي ماقلته مِنْ كلام

إن كنتُ فارسَ أحلامكِ في المنام ..!

من هنا نبدأ تفاصيل القضّية ....

أنا رَجل .. وأنت ِ إمرأة .. وبيننا إنجذاب ..

ولا يسيئُ منّا الأدب ..

غير من أمِن َ العقاب ..

فإن معي تكلّمتِ

وإبتسمت وضحكتِ

وبابٌ للشيطانِ فتحتِ

سأجُبركِ على فتح عشرين باب



لا أعرفكِ ..

ولم اسمع صوتكِ ..

ولم أراكِ

وأوهمٌتكْ بإني احبك ْ..

وأعشقكْ وأهواكْ ..

وأني بكِ هائم ومفتون

وإنّ حُبكِ اصابني بالجنون

وإنّ أجمل لحظاتي عندما اكون معاك ..

...

ملكتكِ ..

حتى أصبحتِ كثيرة التفكير

أقنعتكِ ..

بإني في هواكِ أسير

إلى أن وصلت ْإلى مُرادي وانتهيتْ

ورحلتُ عن عالمكِ المحدود وإختفيت

وتركتُ رسالة بها إعتراف خطير

...

قلتُ لكِ سابقً ( أنت أميرة )


لكن للأسف كذبت ..( أنت حقيرة )


خنتِ نفسك ..!!

خنتِ أهلك ..!!

وأصبحتِ بعد عزّكِ كسيره لا أعرفك ..



ياغبيّة ..

يا أجمل ضحّية ..

تدرين ماهو اساسَ القضيّة ..!

لو قطعتِ حبلَ الحبُ بدري

قبل ان الشيطان في الدم يسري ..

لكان في لحظتها أسميتك

الفتاة الذكيّه .


منقول .

[عبدالله الشّلاحي]

وليس أجمل من الموضوع إلا وجود الكنق بنفسه

العبرة ليس بما يقال العبرة بالنوايا ..

دمت مبدع

[Dark Chocolate]

*



الله يسترنا بستره دنيا و آخره ..
يمكن تعليقي بيكون فيه تحيز لبنات جنسي قليلاً .. لكن بداية اي علاقة تكون من رجل حقير ثم اذا انزلقت هالانسانه معه يقول انت غبيه ؟!
طيب هي غبيه بس انت وش تصنيفك لنفسك ؟ واو ذكي و خطير و قدرت تكذب عليه و تدمر حياتها !! ..
ترى بكلامي هذا ما ابرر فعل اي بنت او تساهلها في هالاشياء لكن لان معروف اي بنت عاطفتها تسيرها مو عقلها فلما واحد يلعب على هالوتر شيء طبيعي تتجاوب معه .. و الضحيه دائماً في هالقضايا هي البنت مو الرجل .. فمن وجهة نظري مفروض نعطف عليهم و نحتويهم بدل ما نخليها هي الملامه دائماً حتى وقت التحذير و النصح لازم نبين لها انها هي الغلط ؟؟!
و الاخ الثاني يعني وش وضعه ؟
اوك انت غبيه بس هو يخسى يكون ذيب دام ان هالصفه دايم عندنا انه فلان ذيب تعتبر مدحه لا هو حشره و حقير و شكراً ..





يعطيك العافيه ع النقل يا ريّس

-

[.Rosemary]

...

وينهم البنات اللي ينضحك عليهم بكلمتين ..؟ خلاص صاروا إصدار محدود هذول..الحين البنت هي اللي تلقي حبائلها على الشاب و توقعه في الفخ
وتوديه البحر و يرجع عطشان ..

في هالوقت خفّت حدّة استنكار مثل هالعلاقات..و صارت المجاهرة بها أمر شبه عادي ..و ممكِن تتغطى القصة تحت عنوان زميل عمل او زميل دراسة ..
على أسوأ الأحوال ..يسنحب الجوال من البنت ..و غالبا كلا الطرفين يدرون انهم يطقطقون على بعض ...

أحس اني مو أنا اللي أكتب ...بس هذا الوضع..
والله يستر على من يبي الستر ..

يعطيك العافية ..

[سلطان //]

هلا بالكنق ^*
(( ان كيدهن لعظيم ))

[sιlєит ṡσυl]

ذئاب بشريه وينهم صراحه مااشوف الا ذيبااات بشريه الرجل بهالوقت صار ينخاف عليه اكثر من المراه حتى الهيئه صارت تدافع عنهم كم واحد انقص عليه من وحده والله الحال انقلب
ع العموم شكرا ايها المدير بس صدقني ماعاد فيه ذئاب كثر الشواذ وكثرت البويات وتغيير كل شي للاسوء ولو فرضنا فيه ذئاب اقصد خرفان هذولا من جيل الطيبين
ندعي لهم بالهدايه ونحاول نصلح حالهم بدال مانعقده ، بالتفاهم والمحاوره لكلا الطرفين يتعدل الوضع ويعترفون بالخطا حتى مايتكرر
الخطا وراد والانسان مو معصوم من الخطا لكن يبي لهم شخص يفهمهم الصح من الخطاء

[عطرالحروف]

انا بتكلم كلام عقلاني للي كتب هذي الخاطره لابزود ولابنقص ..

1-اوكي اتفق إن بعض البنات غبيات تتحكم فينا العاطفة وهذي فطره في كل انثى اذا انمحت العاطفه يمدي العالم تهيم في شوارع لا ام تبغا تربي اطفال ولا زوجه تهتم بزوجها اصبح العالم بهايهم لا والله اوحوش ياكل بعضنا بعض اوكي هنا استوب اوقف ..

2- البنت الصاحيه ماتوطي راسها بالقاع وتخلي مجال للسرابيت يلعبون عليها ..فيه بنات تعرف انه يضحك عليها بس تستمر مسكينه تحسب دارى عن هوا دارها مستعده تعيش بالحرام بس ماتخليه خلاص صوني نفسك وتوبي لربي يعوضك بالاطهر ولانظف منه مغير يلعب بمشاعرك ماعنده حب ولاشي لا يتسذب عليتس ويقول مقدر اعيش من دونتس ترا تسذاب تسذوب اتسذب
3- والحين نرجع لرياجيل ..
حضك ذكي <<لكن خذ قول الله تعالى ( ما يلفظ من قول إلا لديه رقيب عتيد ) اضحك عليها متل مابدك ..

تمكر وتبتدع لك حجج عشان تصدقك خذلك ايه اخرى ( وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ )

طيب هو يقول غبيه ماختلفنا لكن انت بعت جنتك عشان توصلها بالله من الغبي الله يصلحنا ويصلح اجميع

خلونا من مسالة غبي وغبيه هذي اعراض ناس مثل ماتخاف على خواتك وبناتك هم عندهم اهل يخافون عليهم وانت خاف الله اول شي
والله الي يكلم انه مايتهنى بحياته الحرام يمحق كل شي زين في حياتك
كل الهموم والضيقه والمشاكل تلقها بوجهك
لكن اذا مشيت على رضى ربي والله انه يطرح البركه في حياتك وفي مالك واهلك وش الي يحدك على الحرام والكذب وتضحك على بنات الناس
الله يهدي كل واحد يمشي هالطريق ويهدينا جميع لرضاه ..

[Doremi]

أول شيء، سبب وقوع البنات في هالمهازل هو التربيه في بعض البيوت، الي تحسس البنت أن حريتها وحياتها ماراح تبدأ إلا لما تتزوج..
وأن قيمتها ما تتم إلا بوجود رجال ، يعني ( انتي ما تساوين شيء بدون رجال، انتي جوهره مصونه لازم لك أحد يحميك ويستر عليك )
جوهره = مزهريه، البنت تصير سطحيه وغبيه ومالها قيمه.. ثوره إن صح التعبير..
ودايم تقدّر وتقدّس الرجال وتعجب في أي شيء يسوونه، فما بالكم لما يقول لها كلمتين حلوه..

فيه بنات للآن كذا يقعون في هذا الغباء.. لي صديقه عزيزه وقعت بهالموقف وجات تطلب مساعدتي بعد ما فات الأوان..
والله ما أعرف وش تبيني أسوي؟ أروح بيته أضربه؟ ما بيدي شيء خلاص.. جد كنت مصدومه
ما كنت أدري أنصدم أنها صديقتي العزيزه وتسوي هالشيء ولا أنصدم أن باقي فيه أحد ينلعب عليه بهالزمن؟

هي كانت غبيه، بس برضو فيه شباب أغبياء يقعون في مواقف أغبى وأهبل، وينلعب عليهم..
كل مافي الأمر أن التركيز يكون على البنات دايم، لو سوينا احصائيه بيطلعون لك الشباب الدلوخ الي ينلعب عليهم..

فيه موقف ما حبيت أذكره بالتفصيل احتراما ً لكم، بس هو صار مع واحد في منتدى قديم
مسوي نفسه انه الفلته الي يضيع البنات بكلمه، المهم في الأخير ربيته وقلبتها عليه وربي كان فيه غبااااااء مب طبيعي صرت أنا الي أبتزه وأهدده ينقلع من المنتدى بكبره..

الفرق أن الشباب لما يقابلون بنت غبيه يكبرون السالفه ويعممونها على كل البنات ويبدأ موال الوعظ وسالفة أن أكثر أهل النار هم النساء، مع أن مفهوم الحديث مختلف عن المتداول.

----

هالشيء ذكرني بخبر قبل فتره قريته، يقول لك أنه راح يكون فيه عقوبات على البنت الي تخرفن الشباب، أو الشباب الي يسوون أنفسهم بنات ويخرفنون شباب علشان يستغلونهم ..

طيب؟ والخروف وش صار عليه؟ القانون لا يحمي المغفلين.. يعني وش حلاته يجي يشتكي يقول ( فيه واحد خرفنّي )

[دمعه الشوق]

للاسف هالوقت مايحتاج تكون ذيب بشري

البنت بتجيك بكامل إرادتها

ليش وشلون هذا اللي عجزت افهمه

[.Perfect]

.

لاهنت كنق +

جا الزمان اللي اشوف ان البنت عارفه نفسها وماتسلم نفسها لخالين الرجولة بالمقابل انقلبت الايه وشفنا مبزرة السوشل ميديا يتبكبكون بحجة الخيانة وانتهاء الحاجة , اللهم زد وبارك .

كنت هنا