[ استفسار ] بالله ياخامس جاوبوني قبل العطلة وقبل تقفل المواضيع

[طموح إمرأة]

السلام عليكم
جيتكم من مستوى 4 ابي مشورتكم ولاخاب من استشار
ابيكم تفيدوني انا لازم احذف مادة من المقرر
وحسب ملزمة هتان اذا حذفت قضايا ثقافية معاصرة آخذها م 7
مع انه فيه مواد ورا بعض مافيه بينهم يوم
اللي هي الفكر والثقافة بعدها اليوم اللي وراها صوتيات
وفيه مهارات التحدث بعدها الرواية على طول
وش رايكم احذف الفكر والثقافة الانجليزية لانه بعدها صوتيات
واقدر اخذها مستوى ثامن والا ابقى على خطة هتان
لانه اللي فهمته الصوتيات مثل اللغويات بس مادري عن دكتورها
نفس غسان والا ارحم منه لاني عانيت من مادة غسان
بالله ردوا علي

[Salem48555]

خليك على خطه هتان

[ابو حنونه]

والله ان بغيتي وجهة نظري الخاصه خلي قضايا ثقافيه لا تحذفينها واجلي الفكر الي ثامن

مع ان الفكر الحقيقه ماده جميله ومعلوماتها حلوه ودكتورها كان ما تغير عسل لكن اذا ما تبين تظغطين نفسك الترم الجاي ان شاء الله اجلي الثقافه الى سابع والفكر الى ثامن
وبالتوفيق ان شاء الله

[زينب اللمعي]

نفس سؤالي

[بنت عبدالاله]

ذاكرري اول باول .. ومايحتاج تاجلين ..

[Ghalia87_]

انا عني حذفت مهارات التحدث لان ظهور الروايه مايكفيها يوم مذاكره
اجلتها لسادس واخذت الفكر والصوتيات وكنت مختمه صوتيات من قبل يعني بس راجعتها بوقت الاختبار
صح كان ضغط بس مشى الحال
المواد العامه سهله ومابتاخذ منك وقت بالمذاكره وغير كذا اختباراتها كانت روعه ماانصحك تاجلينها
مواد التخصص من الافضل تاخذها نفس ماهي موجوده بالخطه

[just agirl]

خطة هتان ممتازة
إنتي شوفي وضعك وش يناسبك إذا بتذاكرين أول بأول إن شاء الله تتسهل

[Raffaello]

يا حبي لكم يا دفعتنا كلكم جايين من بدري
جزاك الله خير يا طموح كان نفسي جد اسال هالسؤال
للامانه بعد ما شفت الجدول انا ودي احذف الفكر والثقافه الانجليزيه واخليها مستوى سادس او ثامن
يعني القضايا الثقافيه المعاصرة بخليها عشان نعوض شوي في المعدل عقب الانشاء اللي بيخفس معدلنا



ودي نسوي تصويت عشان نكون مع بعض يد الله مع الجماعة

[reaching higher]

من تجربتي اخذت مهارات التحدث و بعدها الروايه .. و اخذت الفكر ووراها الصوتيات ..


الصوتيات .. لا تخافين منها .. قليله صفحاتها و المقرر لا يقارن باللغويات (من حيث دسامة المعلومات) .. و الصوتيات اغلب معلوماته مكرره من اللغويات بس تراها 3 ساعات لا تستهينين فيها.

الدكتور اشوف انها مراعي قدرات الطلاب فيه اشياء سهله وواضحه و فيه سؤال او سؤالين فهم


ظهور الرواية ..دسم و دش معلومات .. يبيله حفظ و تفرغ ..

بالنسبة لي لو يرجع الزمن ورى حذفت مهارات التحدث .. طبعا راي شخصي ..



شوفي المقررين بنفسك افضل ..

[طموح الهذلي]

السلام عليكم ورحمة الله وبركاته

الضغط حاصل حاصل خصوصا اخر يومين بالمستوى الخامس والسادس ورى بعض والسابع يومين فاضي والثامن يوم طبعا اتكلم عن اخر يومين مادة المهارات التحدث اخذتها الترم هذا وذاكرت قبلها ظهور الروايه فخف الضغط شوي الحمدلله يعني مواد ورى بعض لازم تذاكر قبلها بفترة ووقت الاختبار تُراجع

بعد ما تكلمت عن اخر يومين نجي لمجمل الجدول عامة

افضل حل من وجهة نظري تُحذف المادة العربية اللي قبل او بعد مادة التخصص اللي هي الحضارة ليش نحذفها عشان يكون عندنا وقت كافي للمذاكرة والمراجعه لمادتين اللي هي الفكر والصوتيات حلو طيب .

الحضارة تروح للثامن ولانها عربي طبعا اسهل من مواد التخصص وتكون بعد تحليل الخطابة وتُذاكر قبل بفترة عشان بخف الضغط وتتفرغين لآخر مواد التخصص بالخطة .

وبكذا يكون خف الضغط من ناحيتين اول ناحية اللي هي تأجيل الحضارة والتفرغ للفكر والصوتيات

باقي الضغط الاخير اللي هو ظهور الرواية هذي من اول لازم تُذاكر وقراءة بتركيز خاصة رواية روبنسون وليلة الاختبار تركزين على المحاضرات السته الاولى مع ائلة الاعوام السابقة.

سؤال ليش ما نحذف قضايا لانها اول يوم وما نستفيد شي من حذفها.

والله يوفقك ويوفقنا جميعا بالدنيا والاخرة