[ مذاكرة جماعية ] : يادفعه مستوى رابع اشهد انكم نكبه

[albahrhd]

أخذت فره عميقه جدا في المواضيع السابقه حقت الدفعه .... اكتشفت ان التعاون فيما بينهم صفر ...


لا ملخصات زي الناس ولا اساله ولا شي .. معتمدين على الدفعه الي قبلهم الدفعه الماسيه



حتى اساله الاختبارات مافيه احد منهم صورها او كتبها او ساعد في حلها الا قليل قليل جداً


المهم انا رجال استبق الأحداث واقول رحنا وطي

[محمد.9]

هي وحده من ثنتين , يا انك خذيت فره عميقه في قسم ثانياو انك خذيت غطّه عميقه موب فره عميقه .




الاخوان والاخوات ما قصروا وانا اشهد لهم بهذا, بتعتبر شهادتي مجروحه
لاني كنت في نفس الدفعه؟ مافيه مشاكل.. ننتظر تقييم غيرك.




موفق خير و اني لك من الناصحين, كرر الفرّه اكثر من مرّه.

[albahrhd]

الله يوفقكم ويرزقكم ... يمكن انا كنت فظ في الكلام نطلب العذر منكم


لكن هذا الي شفته ... والدليل اني سويت مقارنه بين دفعتكم والدفعه الماسيه والفرق كان كبير جداً

وعلى فكره انا من اسوء الناس في دفعتي مساعده لكن رح شف مستوى ثالث والمواضيع المثبته هناك وقارن بين هنا وهناك

الله يجزاهم كل خير ماخلو شي الا وكتبوه

[(مشعلي)]

اخي العزيز الانتقاد والتنقيص من جهود الغير صفة ذميمه وان كانت صحيحة..

كل دفعة تعمل حسب امكاناتها ورؤيتها وليس من الضروري ان تعجبك لذا عليك احترام جهود الغير

نصيحة اخ لاخيه فقط

[محمد.9]

المشاركة الأصلية كتبت بواسطة albahrhd

الله يوفقكم ويرزقكم ... يمكن انا كنت فظ في الكلام نطلب العذر منكم


لكن هذا الي شفته ... والدليل اني سويت مقارنه بين دفعتكم والدفعه الماسيه والفرق كان كبير جداً

وعلى فكره انا من اسوء الناس في دفعتي مساعده لكن رح شف مستوى ثالث والمواضيع المثبته هناك وقارن بين هنا وهناك

الله يجزاهم كل خير ماخلو شي الا وكتبوه

الله يوفقنا واياك و كلامك ما جا الا من حماس للدراسه الله يسهل عليك كل عسر


بالنسبة للمقارنات, لا احبذ المقارنة لأن كل دفعه لها مجهودها و شخوص مختلفين.
الدفعه الماسية (دفعتي) فعلاً كانوا متفاعلين في كل ترم
لكن الاخوان في الدفعه الحاليه لا يختلفون عنهم أبداً
والاعتماد على ارث الدفعه الماسيه مافيه عيب او نقص.


أولاً و اخراً نسأل الله التوفيق.

[فاطمة الشريف]

ربي يوفق الجميييع
لكل انسان قدرات وظروف ومسؤليات تختلف عن الآخر
عشان كذا لاتعمم كلامك على دفعة كاملة بكلمة أنهم نكبة
أنت ماترضاها على نفسك إذا كنت من نفس الدفعة
سبحان الله كلمة تقولها بدون وعي منك تأثر فيك وفي غيرك
كل الدفعات إن شاءالله فيهم الخير والبركة ومايقصروا باللي يقدروا عليه
ربي يجزاهم خير ولايضيع لهم تعب
فلاتستبق الأحداث يا أخوي
تفاءلوا بالخير تجدوه
وإذا أعجبكم شي أذكروا الله عليه
فالعين حق
كلامي للجميييع بدون إستثنااااااء

[محمد الحمدان]

المشاركة الأصلية كتبت بواسطة albahrhd

أخذت فره عميقه جدا في المواضيع السابقه حقت الدفعه .... اكتشفت ان التعاون فيما بينهم صفر ...


لا ملخصات زي الناس ولا اساله ولا شي .. معتمدين على الدفعه الي قبلهم الدفعه الماسيه



حتى اساله الاختبارات مافيه احد منهم صورها او كتبها او ساعد في حلها الا قليل قليل جداً


المهم انا رجال استبق الأحداث واقول رحنا وطي

افصل او احذف الترم

[معسل تفاحتين]

المشاركة الأصلية كتبت بواسطة albahrhd

أخذت فره عميقه جدا في المواضيع السابقه حقت الدفعه .... اكتشفت ان التعاون فيما بينهم صفر ...


لا ملخصات زي الناس ولا اساله ولا شي .. معتمدين على الدفعه الي قبلهم الدفعه الماسيه



حتى اساله الاختبارات مافيه احد منهم صورها او كتبها او ساعد في حلها الا قليل قليل جداً


المهم انا رجال استبق الأحداث واقول رحنا وطي

دامك تستبق الأحداث هذي مشكلتك وحاول تعالجها قبل بداية الفصل الدراسي.
أما بخصوص التعاون ولله الحمد أغلب الزملاء والزميلات كانوا متعاونين وتم عمل أكثر من ملخص لأغلب المواد. ويكون بعلمك المستوى الرابع هو زبدة التخصص ( إدارة الأعمال ) وأصعبها. الشيء المهم اللي لازم تعرفه إن إسلوب الدكاترة في كتابة الإختبارات لم يكن كما هو معهود منهم, وأغلب الظن أنهم تلقوا توجيهات من جهات عليا بالجامعة.
النصيحة الشخصية لك هي:
تابع المحاضرات ولخص اللي تقدر عليه علاوةً على ذلك ستجد المساعدة من الزملاء والزميلات "هنا".
وبالتوفيق لنا ولك وللجميع

[وردة جورية]

بالعكس ماشاء الله عليهم
اشوووفهم كاتبين اسئله اختبارات الترم هذا وحالينهااا ،، وبالنسبه للملخصات اذا فيه ملخص ممتاز ونفسسس المنهج الي يدرسونه
ليش يتعبون نفسهم ويكتبون ملخص ثاني .

[albahrhd]

خلاص خلاص... أكلتونا .. ياكلمه ارجعي مكانك ..

دام هذي ردودكم .. معناتها اني وصلت رسالتي بشكل خاطىء

تقبلو تحياتي ...