[ محتوى مقرر ] : ملخص من اعدادي ( للاحصاء الاجتماعي )

[YA 7 YA]

مساء الخير جميعا ً
كيفكم وكيف الاختبارات مع البرد

اخواني واخواتي مثلي ومثل أي شخص لا يحب مادة الإحصاء والرياضيات عموما ً ويجد صعوبة في فهمها
كان هاجسي هو مادة الإحصاء الاجتماعي الي هي اصعب مادة اشوفها قبل التخرج بترم

فتحت المادة قبلتها يمين يسار يسار يمين ولا جدوى من التقليب والتمحيط
نصحني احد الاخوان قال تبي درجة النجاح لا تذاكر المسائل ذاكر النظري

انا يون قال نظري صار وجهي كذا
نطري في الإحصاء كيفففففففففففففففف ؟؟؟

على بالي كل الإحصاء مسائل وحوسة
المهم اخوكم الفقير لله احتار في امره كلم مدرسين خصوصيين ومانفع راحت فلوسي مافهمت والمخ مقفل من هالمادة مابيها اكرهاااااااااااا ابي النجاح بس
جات ببالي فكرة

الا وهي اني اسوي لي ملخص للنظري واذاكره ع شان انجح بسسسس
وفعلا ً بديت من اول محاضرة وجلست الخص النظري حبة حبة حبة حبة حبة حبة على قلبي حبة حبة
الين الحمد لله طلعت بملخص كامل وشامل للنظري في مادة الإحصاء الاجتماعي واعتمدت على الله ثم عليه
ونشرته لدفعتي والحمد لله رب العالمين كان جدا ً رائع ومفيد بعد الله والكل الحمدلله استفاد منه

بعد ماحفظته حفظظظظ قلت ياولد انت ضمنت باذن الله درجة النجاح حاول تفهم المسائل وفعلا ً حاولت وركزت لاني الان مرتاح مافيه شيئ يقلقني
دخلت الاختبار مهيئ نفسياً وجبت B+

'طبعا ً ما انسى فضل الله ثم دكتورنا الي ماقصر وكان له الفضل الكبير بعد الله .

هذي قصتي مع هالمادة الي مخوفتكم جميعا ً حبيت اشارككم فيها واقولكم عن ملخصي والي يبيه يكلمني خاص طبعا ً ع شان يرسل لي فلوس وارسل له الملخص







هذا الملخص تحت حملوه وادعوا لي بس ان الله يوفقني بالاختبارات اول مايجيك تحميل ادع لي يا وحش

وانتي ياوحشة كمان لا تنسين

ملاحظة أخيرة
الملخص للي يبي درجة النجاح لكن وش المانع ماتسوون مثلي تحفظون الملخص وتحولون بعدين للمسائل ؟

لا للانهزامية

وفالكم ال +B

[مـ غ ـترب فـيـ عـذابـكـ]

اشوف الملخص ماينفع للترم هذا وجاء متاخر ( ااذا هو كويس )

لان الماده اختبرت يوم الثلاثاء الماضي


موفق

[الوتين.]

نزل الموضوع بعد كم يوم باقي بدري الحين ههههه؟؟

يعطيك العافيه ينفع الى بعدنا

[a_aljwhara8]

الاحصاء راح بخيره وشره ههههههههههههههههه
ان شاء الله مانرجع نذاكره مره ثانيه :(
خلاص اختبرناه يوم الثلاثاء
الله يعطيك العافية

[الجــــ@ـارح]

لايكون تقصد مبادئ الاحصاء لانه بكره

الاحصاء الاجتماعي انتهينا منه

[YA 7 YA]

والله المعذرة منكم ماتوقعت انه بدري كذا
يالله كانت محاولة مساعدة بسيطة
ويارب ماتحتاجونه انتم والي بعدكم يستفيد منه

[Waleed Alqhatan]

السلام عليكم
اولاً المادة الناس اختبرتها واختبرت مادة بعدها ليش هالتلاخيص ما تطلع الا الان ...!
ثانيا انا قريت اول ثلاث اسطر من الموضوع ومالقيت اي فائدة تذكر من متى كان الطرح العلمي يكتب بناء على رموز ورسوم مضحكة ...!
تحياتي..