[ مذاكرة جماعية ] : نبي ترتيب !!!

[مسفر زيد]

الاحظ هالترم الوضع مختلف عن الاترام السابقه ، وفيه نوع من الفوضى بالقسم !!! الكل يرغب في أن يكون السباق لفتح موضوع للمذاكره الجماعيه دون ترتيب ودون مراعاه لجدول الاختبارات ؟؟؟
اول يوم اختبارات هي مادة ترجمة الانماط النصيه ،، وحتى الان جميع مجالس المذاكره الجماعيه تخص مواد متأخره في جدول الاختبار .. اتمنى من المشرفين مراعاة الترتيب الزمني لمجالس المذاكره الجماعيه بما يتوافق مع الجدول ، حتى لا يصبح هناك ازدواجيه أو ربكه في المذاكره ..

طرحت هالموضوع للافادة للجميع ،

[نوره بنت بابا]

مجالس المذاكره غالبا ترتيبها مايكون مرتب على الجدول لان تقريبا بدينا المذاكره من شهرين او شهر ونص


فا بدينا بالمواد الصعبه الي هي النحو واللغويات والروايه الخ ..


الانماط لها مجلس مذاكره وتاخر فتح المجلس لها لان الاغلب بنذاكرها هالايام فقط قول اربع ايام قبل الاختبار فقط لانها من المواد السهله بالمقارنه بغيرها


وهذا رابط مجلس ترجمة الانماط تفضل :


http://www.ckfu.org/vb/t709954.html


بالتوفيق

[كارزما]

.
.

نوع من الفوضى بالقسم !!! الكل يرغب في أن يكون السباق لفتح موضوع للمذاكره الجماعيه دون ترتيب ودون مراعاه لجدول الاختبارات ؟؟؟

.
.


ودي بس اتخيل كيف بيكون الحال لو ماكان فيه منتدى ؟؟
وناس تخدم من قلب لوجه الله تعالى .
لايريدون جزاء ولاشكورا .!!!!
ابحلف ان ورى الشاشات ناس تتمتلك كمية هائلة من المعلومات
والفائدة وتمتنع عن مشاركاتها مع الجميع من باب اللأنانية ومحبة النفس
وناس تحاول تقدم الي تقدر عليه حتى وان اخطأت ..
ان شاء الله انهم تسابقوا للأجر وعظيم الفضل عند من لا يضيع عنده
مثقال ذرة ..

[Doremi]

فعلا ً يا مسفر ما أذكر كنا نفتح تجمعات المذاكره على أساس الجدول.. مافي شيء اختلف هالترم.

نفتح كل المواد من بدري لأن فيه ناس كثير يذاكرون من نص الترم، وبكذا يحصلون كل شيء موجود، واذا بدأت الاختبارات نرفع التجمع المطلوب ويتثبت .


بس الصراحه القسم مب مرتب ومليان مواضيع غير مهمة واستفسارات مكرره علشان كذا ضاعت المواضيع المهمة والتجمعات بين المواضيع الغير مهمة..

[Hend Alqahtani]

يبي لنـآ بس نتساعد في تهميش المواضيع الي بدون فايدةة ..

ونحاول نرفع المواضيع المهمه لمجالس المواد ..

هو بس لو يتثبت على الاقل موضوع العضو ( تعب ) مدري اسمه كذا * > الي مجمع كل المواضيع بموضوع ..

تصير سهله جدا ..

والاهم من هالكلام كله .. الحمد لله اولا واخرا ان في ناس تجتهد في عمل هاذي المواضيع والمجالس ..

لولا الله ثم هم كان مافي شيئ نرجع له .. وبتدخل ومابتلاقي شيئ ..

الجميل ان ننظر للمواضيع من زواياه الايجابية ..

لايكلفك سواء عمل (بحث ) على الموضوع الي تبي تستفيد منه ..

حلو اننا نشكر الناس الي يتعبون بدل فتح موااضيع في القسم ..

وشكرا .. دمت بخير

[حماااده]

:|
في الحقيقه الترم هذا احسن ترتيب ههههه ! سبحان الله < الظاهر لاني ما اسولف ههههه


بس دفعتنا كانت تمشي على طريقة معينـه اذا ما كنت واهم اعتقد انها :
يفتحون مجالس مذاكره ، ( قبل الاختبارات ويتبادلون فيها المعلومات )
ثم تفتح مجالس مذاكره جديدة ( اخرى ) .. في بدايه الاختبار ، واللي يجي يومه الاختبار يثبت فوق

^ والظاهر انك تعودت على هالطريقة بس جيت شوي بدري

المشرف قام وثبت لك المواضيع كلها ونزل المواضيع ( نهر العطاء :( :( واختفت )


المهم انا متفهم انك اذا دخلت موضوع مذاكره بيكون فيه كميه ردود وصفحات ،
بس لها حلول ،

الحل الاول انك تدخل الاعدادات وتروح للخيارات : وتخلي الردود اللي تعرض 100 رد < وتفتحها وبكذا تتفرج عليها بسرعه بدون انك كل شوي تروح صفحه صفحه صفحه

الحل الثاني الصبر بيجون ناس يعيدون النقاط المهمة والخلاصه للي يبي الخلاصه بتشوفها بالردود او بمواضيع مستقله،
او تشوفها بالتواقيع ( الحركة الدوريمية المنقذه قاتلة تكرار الاسئلة )