[ المناقشات ] : بخصوص الاعتراضات على التظلم

[almagro]

السلام عليكم ورحمة الله وبركاتة

ممكن هذا اول موضوع لي بالمنتدى واكتبه وانا بالدوام

لكن اشوف كثير يعترضون على التظلمات اخواني اذ كان اختبارك جميل قول الحمدلله ولا تنتقد الاخرين اذ صارو يحاولو باي وسيله
التمسك بدرجه او درجتين لعلها تعديهم من ماده ولا تحكم وانت ماتعرف ظروف غيرك
وكان الدكتور ملفي الرشيدي على حسابه بتويتر يذكر هذه النقطه بالذات
(( اعرف حقك وارفع ملاحظاتك على اي اختبار تعتقد انه صار خطا فيه وكان يردد على الطالب ان يثقف نفسه بحقوقه ))
واعتقد الي متابعين حساب الدكتور بيلاحظو هذا الشي
على العموم الي بيرفع ملاحظات الاختبار هذا شي من حقه واتمنى من الباقين عدم انتقاد الاخرين بشي من حقوقهم
مع احترامي للجميع

[MHSN7]

كلامك سليم

[khalidm3]

اتفق معاك.. الله يذكر الدكتور ملفي بالخير

[أجـــود]

مشكلتنا بكل صراحه اللي يحل زين يجي ينقد اللي محتاج درجه بحكم يعني انه بدع خلاص المفروض يكون الدكتور احسن دكتور هههههه



اتمنى التوفيق للجميع

[ابوزياد22]

كلام كبير يسلم راسك ياشيخ فعلا اللي على المدرج يتفرج ياتكون معين او خل الناس في حالها يرحم والديك

[turki1400]

ليش كل هالكلام والاسقاطات اللي مالها داعي

هذا جزانا اللي نوضح لكم وانا اولكم في حالة حاجتي الدرجات مهما كانت


اذا مو مقتنعين خلاص ارفعوا تظلم بدون المساس بالاخرين


والله يوفقكم جميعا

[almagro]

المشاركة الأصلية كتبت بواسطة turki1400

ليش كل هالكلام والاسقاطات اللي مالها داعي

هذا جزانا اللي نوضح لكم وانا اولكم في حالة حاجتي الدرجات مهما كانت


اذا مو مقتنعين خلاص ارفعوا تظلم بدون المساس بالاخرين


والله يوفقكم جميعا

اخ تركي ماعتقد اني اسقطت على احد لكن انا اتكلم بشكل عام عن بعض التعليقات والتجريحات لم يذكرون البعض انطباعهم عن الاختبار والبحث عن اي ثغره ولا اعتقد انه عيب او حرام الكل يبحث عن طريق يعدون فيه ، مو بس الطلاب حتى المحامي بقضاياه يبحث عن ثغرات
احترم شخصك واحترم مجهودات كل الاشخاص هنا لكن اذ كان الدكتور المنتسب للجامعه يقول بنفسه لو كان هناك حرف واحد غير مضمون السوال ارفع ملاحظتك ويجب ان لا تتجاهل حقوقك او تستصغرها وانا كلامي عن بعض التعليقات الي تستصغر ممن يبحث عن درجات لاجل يعدي بدرجه ممكن تنجحه او درجه ترفع معدله واعتقد هذا شي من حقه
احترم رايك وانا اخوك لكن انت وضحت وجهت نظرك وانا حبيت اوضح وجهة نظري الي مقتبسها من دكتور منتسب للجامعه ممكن نختلف بوجهات النظر لكن تبقى اخ عزيز وغالي وتذكر اني مااسقطت على احد قد مابي اوضح انو شي من حقوقهم لانو ماتعرف وش ظروف الواحد لاني لم اشوف زملاي بالقاعه الي يداوم بلبس الشركه الفلانيه والي منحاش من دوامه لاجل يختبر لا انا ولا انت نعرف وش ظروفهم
وفيه ناس تجمع رواتب شهر وشهرين لاجل يقدر يسدد رسوم الجامعه ويبحث عن نقطه ببحر لاجل يعدي ويخلص من هم الرسوم فلا تقسو عليهم بردودكم
الله يوفقك يارب ويوفق الجميع ويسهل كل عسير

[amgpvc]

السلام عليكم ورحمة الله وبركاته..........

اولا: نحن زملاء دراسة ويجب علينا ان نتناقش بكل احترام مع بعضنا وأن نحترم آراء بعضنا البعض .

ثانيا :ليس كل ما يكتب يجب بالضرورة ان تتفق معه او تختلف معه فهي آراء شخصية, وأكرر يجب ان تحترم .

ثالثا : حدة النقاش تدل ان هناك خلل حقيقي في المستوى العام للأسئلة لهذه السنة وقد يكون مخطط له ومقصود لأنه امر ملاحظ في معظم المستويات.


اخيرا: اتمنى من العلي القدير لي ولكم التوفيق والنجاح .

[uouo11]

كلام صحيح

[ابواسوله]

المشاركة الأصلية كتبت بواسطة almagro

السلام عليكم ورحمة الله وبركاتة

ممكن هذا اول موضوع لي بالمنتدى واكتبه وانا بالدوام

لكن اشوف كثير يعترضون على التظلمات اخواني اذ كان اختبارك جميل قول الحمدلله ولا تنتقد الاخرين اذ صارو يحاولو باي وسيله
التمسك بدرجه او درجتين لعلها تعديهم من ماده ولا تحكم وانت ماتعرف ظروف غيرك
وكان الدكتور ملفي الرشيدي على حسابه بتويتر يذكر هذه النقطه بالذات
(( اعرف حقك وارفع ملاحظاتك على اي اختبار تعتقد انه صار خطا فيه وكان يردد على الطالب ان يثقف نفسه بحقوقه ))
واعتقد الي متابعين حساب الدكتور بيلاحظو هذا الشي
على العموم الي بيرفع ملاحظات الاختبار هذا شي من حقه واتمنى من الباقين عدم انتقاد الاخرين بشي من حقوقهم
مع احترامي للجميع

الله يوفقك ويرفع قدرك


علم الي ماتعلم .... المطبلون