[ المستوى الثامن ] : المواد المتفق عليها لمستوى ---> ---> ( ثاأآإآمــــــ8ـــــن ) ...

[j'adore]

السلام عليكم ورحمه الله وبركاته


عوداً حميداً للدراسه المسلية جداً :)


يقول افلاطون : من يأبى اليوم قبول النصيحه التي لا تكلفه شيئا ، فسوف يضطر في الغد الى شراء الأسف بأغلى سعر !


طيب نجي لموضوعنا


بالنسبه للي من اول ترم وهم يدرسوا المواد المقرره من الجامعه والموضحه بالخطه تماماً وفي مستواها المخصص لها ، واللي فجئه الجامعه اجلو مادتين من مستوى مدري كم بس الزبده اخترب ترتيب المستويات وصار بنقعد 9 مستويات بدل 8 الاساسيه ، اذا يتضح بعد كل هالكلام انه يبقى 10 مواد على هذه الفئه اللي تكلمت عنهم في السطرين اللي بلون احمر ..


لكن موب مشكله لان هذول اللي اتكلم عنهم هم الدفعه الاولى واللي انا منهم واللي منهم كثير معاي ، اذا يتضح من كلامي ان بنتفق على مواد ندرسها عشان نتعاون مثل الترم اللي فات واللي قبله اتفقنا على مواد والحمدلله كان عددنا كبير و نجحنا ، وهالترم بنسوي نفس الشي او بالاخص اتفقنا لككن بالجوال في قروب للجامعه ، لكن اللي ماعنده هالقروب راح احط اتفاقنا بذا الموضوع واللي يبي يشوفه بإمكانه ..


__________________________________________________ __________________________

اتفقنا ناخذ 7 مواد ونبقي الترم الثاني 3 وهي كالاتي :

الترم الثامن :
1- القياده وتنميه المجتمعات المحليه
2- الارشاد والتوجيه الاجتماعي
3- رعايه الفئات الخاصه
4- النظام السياسي في الاسلام
5- علم اجتماع التخطيط والتنظيم
6-النظريات الاجتماعيه
7-المشكلات الاجتماعيه

و بكذا بيصير جدول الاختبارات على هذا النحو



وبكذا واضح وشهي مواد الترم التاسع اللي بتكون باقيه وهي :
1- مشروع التخرج
2-الثقافه والعولمه
3- الاتصال في الخدمه الاجتماعيه

_____________________________________________


الحين بيجي بعضكم يقول ليش هالمواد ! ابغى ابدل ! ابغى اغير !
اقولك لا

لان قبل الاتفاق على المواد تم دراستها من جميع الجوانب يعني من ناحيه ناخذ مواد لانها ماراح تكون متاحه بالترم الثاني ومن ناحيه الأوف في ايام الاختبارات ومن ناحيه الدكاتره ومن ناحيه ليش مشروع التخرج خليناه بالترم الثاني مع مادتين عشان يكون خفيف ونتفضى له لانه عباره عن مادتين او 3 يمكنه دسم شوي لانه مشروع تخرج فعشان كذا ماخذناه بهالترم ، بس اللي تبي بكيفها لان بالاخير هدفي نبي نكون سواء ونتعاون .


كلامي واضح موجه لمين لاحد يجيني من مستويات 7 و6 و5و 4 و3و 2 و1 لان مدري عنهم يعني اللي عندهم مواد من قبل و اشياء زياده وناقصه مدري عنهم ولا اتكلم عنهم بس اذ حابين مساعده و رأي عادي




بالتوفيق للجميع

[SwEeR.1]

يعطيك العافيه بس بسال شي فيه ماده الي هي النظام الاجتماعي في الاسلام موجوده بالمستوى الاول حاليا بس ما اخذناها من قبل وش وضعها ؟؟ اول احنا اخذنا ماده الثقافه ىالاسلاميه بعدها شالوها وحطو هاذي هي بديل لها ولاكانت بمستوى اعلى ونزلوها للاول ؟

[Dr ʀeнαв]

تم نقل الموضوع من قسم ملتقى طلاب التعليم عن بعد - جامعة الدمام.
<br>
الرد آلي للعلم

[ابونايف999]

اخت جادور مع التحية

للمعلومية : مواد م 8 التالية

1- القياده وتنميه المجتمعات المحليه
2- رعايه الفئات الخاصه
3- علم اجتماع التخطيط والتنظيم
4-النظريات الاجتماعيه

ستكون متاحة ومتوفرة الفصل الثاني بسبب ان هناك مستوى 7 الآن والفصل القادم ان شاء الله سيكونوا مستوى 8 وستتوفر لهم هذه المقررات. بسبب انها اصلآ مواد مستوى 8

والله اعلم

[naanaa]

عندي ماده علم الاجتماع البيئه مااخذتها ولالقيتها بعربه التسوق

[BNOOSH]

لانها من المستوى السادس وهالكورس محد يدرس هالمستوى ان شاء الله الكورس الجاي ياامي

[N o o r a h]

المشاركة الأصلية كتبت بواسطة sweer.1

يعطيك العافيه بس بسال شي فيه ماده الي هي النظام الاجتماعي في الاسلام موجوده بالمستوى الاول حاليا بس ما اخذناها من قبل وش وضعها ؟؟ اول احنا اخذنا ماده الثقافه ىالاسلاميه بعدها شالوها وحطو هاذي هي بديل لها ولاكانت بمستوى اعلى ونزلوها للاول ؟

لا نفس المقرر بس مجرد غيروا الاسم

[سلوة القلوب]

ربي يسعدكم طيب مادة النظام السياسي بالاسلام هيه بدل حقوق الانسان او كيف

[r7eeel]

السلام عليكم
مين راح يلتزم بالخطة وياخذ كل المواد

و مالمقصود بهالرسالة /

خطأ: تم تجاوز حد الوحدة لفترة الموعد. لم تتم معالجة معاملة إضافة الفصل. قد تؤدي إضافة الفصل إلى تجاوز حد الوحدة المسموح به لفترة الموعد.

[BNOOSH]

خلص الوقت المحدد للمستوى اللي انتي فيه انتظري يوم الخميس بيفتح لجميع المستويات
وان شاء الله تنزل موادك ^^