[ جميع التخصصات ] : مهم ومحتاجه اجابات استفسار الله يسعدكم 😔

[ftoo7_18]

اللحين الي اعرفه ان المحاضرات تكون يا الساعه 8 او 10 او 12 صح انا اللحين مستوا ثالث سجلت مادة الانترنت والاتصالات والمحاضره تبدا الساعه 1 الظهر واخلص 3 ونص العصصر هل هالشي جديد ولا فيه كذا من زمان بس الي اعرفه ان مافيه وهالشي غريب 2 ونص الجامعه تفضي انا مستغربه الي مرت بهالتجربه تحكي لي لان خايفه مالقي موصلات ل هالحزه لاني ارجع بباص حكومي بس الله يسعدكم لاتسحبون وعطوني من تجاربكم اذا صادف وكنتو تاخذو محاضرات الساعه وحده الظهر وبس الله يسعد الجميع يارب وتتوفقون وتتخرجون وتخلصون 😘😘😘😢

[Black Widow]

ايه صار قبل مره هالشي
بس ترم واحد ومادري وش سالفتهم رجعوه

[الحمد لله ..]

طيب حاولي تسجلين بوقت غير ... بس اللي اعرفه بنات كثيير سجلو موادهم بهالوقت مواد تخصص ... الله يوفقك

[[ Hala ]]

-
يبدو إنه نظام جديد بالكليّة،
حتّى أنا سجلت إلى ٣:٣٠ ، وفيه مواد تخصص بنفس هالوقت بعد..
تواصلت مع المسؤولين بخصوص باصات الكليّة وقالوا للحين ما وصلهم خبر عن هالشيّ :/

[فطوشكا]

اي شفت هالشي بمادة فهرسة الية بس الحمدالله اخذت اللي تخلص 2

[ftoo7_18]

الله يعييين انا مستغربه لان ماشفت هالشي العام للأسف مقدر اغير لان يوم اسجل اختفت كل الي اوقاتهم بدري وبقي الي بس الساعه 1 الظهر طيب والحل احس متعببب لي هالوقت 😭😭😭😭

[Af.1995]

هذا وقت جديد عادي

ممكن تسجلين مواد من ١٠ الى ٣ونص

بدل ما تكون من ٨ ل ٣ونص

[سارةةة]

حتى انا سجلت من 1- 3:30 وما اعرف شا القصة ؟؟


بنات الحين كلنا نعرف الحين انه نظام جديد شلون نعرف اذا الباصات الحكوميه موجوده او لا بالوقت اللي هم محددينه وابقي اعرف انداوم ها الأسبوع للمحاضرات او للي بعده نبتدي من الأحد الجاي بعد ها الأسبوع واني صارت لي مشكلة بالتسجيل هم اخاف اروح وما القي باصات ترجع ؟

[queen98]

وحده تقول بتصير الباصات الحكومية تحرك 3 واربعين دقيقه بدال ماكنت تحرك 2 واربعين عشان في مواد صارت بهالوقت فإنتي لاتخافين وتأكدي

[ftoo7_18]

لا تخافين حتي انا احاتي مسألة باصات الأمين لأن شكله صار نظام جديد المحاضرات تخلص 3واربعين دقيقيه اما الداوام ماتوقع هالاسبوع فيه محاضرات بيداومون التحضيري والي عندهم مشاكل بالتسجيل اما المتخصصين اتوقع اسبوع الجاي 😎