سؤال للي عسكري او اللي يعرف ؟؟؟

[mays 123]

مساء الخير .. حابه اسال اللي عسكري ويبي يكمل دراسه ايش افضل له انتساب عادي او عن بعد ووش التخصص اللي حلو لهم ؟؟ وشكرا مقدما

[الجــــ@ـارح]

كلها واحد اخوي وفي وثيقة التخرج يكتب بكالوريوس انتساب

[mays 123]

انا اقصد من ناحيه تنسيقه بين العمل والدراسه وكمان من ناحيه الشهاده بعدين

[abo muhammad]

المشاركة الأصلية كتبت بواسطة mays 123

انا اقصد من ناحيه تنسيقه بين العمل والدراسه وكمان من ناحيه الشهاده بعدين

اهم شي خذ موافقة اكمال دراسة

وتاخذ اجازات في الاختبارات

بالنسبة للشهادة

كل تخصص له ميزة

[مميّز]

ادارة عن ادارة تختلف بعض الادارات مسوين فيها لازم موافقة قبل الدراسة

وبعض الادارات وهذا الاغلب متعاونين

[alo0osh]

اول شي السؤال موجه من انثى مو ذكر !!

ثاني شي .. العسكر اكثر من قطاع وكل قطاع له ميزته وله بعض قوانينه . يعني يفضل ينسال هالسؤال للعسكري نفسه الي بيدرس وش التخصص الي ينفعك

ثالث شي . اغلب او تسعين بالميه من العسكر يدرسون أي تخصص ويجيون لو مقبول ويترقون بسرعه لانه النظام العسكري يرقي الي معه جامعه بغض النظر عن معدله هل مو ممتاز او مقبول

رابع شي ... اذا كان يفكر انه يترك العسكريه بعد التخرج . فاا لمفروض السؤال يكون بشكل عام لكل الناس لجل يعرف وش الأفضل له بعد العسكريه

خامس شي .. قبل لا يبدا دراسه راح يطلبون افاده بموافقه العمل بالدراسه او لاء . اذا وافق وقتها يكون اجازته للاختبارات على حسب فكر الضابط حقه يمكن يكون عفن ويخليه ياخذها من اجازته ويمكن يقول له رح

طبعا النظام يقول يأخذ الاجازه حقت الاختبارات .. بس بالعسكريه اذا مشيت على النظام وقائدك عكس النظام مضطر انك تمشي ورا قائدك لانه لو خالفته بيلعب فيك لعب ويكرهك بالاسبوعين الي اخذتهم بالنظام
مابي أتكلم عن وصاخه النظام العسكري لكن الفكره انه الاجازه على حسب قائدك وبس



سادس شي ... أتمنى اني وصلت الفكره بكل وضوح . وكنت أتمنى انه صيغه السؤال تكون أوضح

[mays 123]

مشكورين الله يعطيكم العافيه

[اخصائي اجتماعي1]

شكلك ناويه تدخلين الحرس الوطني

المهم الشهاده بالنسبه للعسكريين تنفعهم بالترقيه من رتبه الى الرتبه التي تليها يعني ماراح تعمله قفزه بالترقيه
انا اعرف عسكري رتبته رقيب وعنده ماجستير علوم سياسيه والآن بياخذ الدكتوراه
وبالنسبه للانتساب او التعلييم عن بعد ماتفرق بالعسكريه اهم شي شهاده

[mays 123]

احتمال ادخل ..بس اقصد بالافضل بالنسبه لطريقه الدراسه الانتساب العادي اختبار وبس لكن مافي درجات تساعده في الاختبار وعن بعد في محاضرات ومناقشات تساعد قصدي لو احد جرب عن بعد وشاف انو قدر ينسق بين عمله ودراسته او لا ..

[خبير عالمي]

نظاما اذا جاب العسكري موافقه من عمله يحق له المطالبه باجازة دراسيه وقت الاختبارات بناء على الجدول وطبعا الاجازة الدراسيه تخصم من مدة خدمته


اما اذا ما جاب موفقه من العمل فلا يحق له المطالبه باجازه دراسيه ولكن يقدر ينسق مع رئيسه انه مايحضر اليوم اللي فيه اختبار او يقدم اجازه اعتياديه او اضطراريه


ولكن فيه نقطه مهمه
بالنسبه للموافقه للعسكر لاكمال الدراسه محكومه بنسبه وليس المجال مفتوح للكل